à hã ibaihâ na rob'ui'éré'wa nhisi hã Zuwã Marcus na. Zezusihi zazei'wa, ta hã. Tane nherẽ, 12 na ihâiba norĩ siré 're morĩ õ di, Zezusi te te sima ipisutu norĩ siré hã.

Marcus hã tinhimi'ui'éré na hã te te rowasu'u za'ẽtẽ õ di, Zezusi te te 're irowasu'u mono zém na hã. Te te 're ida'apawapto mono zém na si ma tô rowasu'u za'ẽtẽ. Ma tô duré wama waihu'u za'ra, Zezusi hã isimizawi pese na dama romhuri'wa na hã. Marcus 10.45 ãma hã ma tô ãne na wama waihu'u za'ra. Zezusi hã imreme pire na ma tô duré Marcus hã wama rowasu'u za'ra, te te dama 're irowahutu mono na hã, duré wa'uburé te te dama 're i'anhamra mono na zama, duré dawasédé hã te te dama 're i'apari mono na zama. Ã hã ibaihâ na ma tô Zezusi hã dama 're siwasu'u, tidâ'âzéb zarina dawasété hawi, za te te 're ida'awaibui mono na hã.