Zezusihi siré 're inomro mono norĩ siré hã aibâ te 're hâimana, Mateus na isisi hã, Levi na isisi hâiba amo hã. Ta hã ma tô ã hã ibaihâ na hã dama rob'ui'éré, 'Re ihâimana u'âsi mono te te tãma iwaihu'uzéb zarina. Zezusihi siré 're morĩ õ ré hã, rob'uiprazé hã ma tô te te dawi 're a'ubumro, danhib'apito ma. Zezusihi ãma ma tô rob'ui'éré, 'Re ihâimana u'âsi mono te te ipisutu na Danho'reptui'wa da. Ãne na rob'ui'éré 'rata 'wa norĩ hã te te ãma 're irob'ui'éré za'ra mono zéb zarina, sena na da te 're waihu'u za'ra mono da, ma tô ãma rob'ui'éré, Mateus hã. Ma tô duré sima wẽ, te te dama waihu'u pese da, Zezusi hã tô sena Zudeu norĩ nhib'apito na hã, duré tô õhõ zô si 're isimipari za'ra mono na hã.