3 Nena oꞌti kanoa God, bia boꞌo inia kanao noa. Nena kanasave pava kanekeu pasin niniu taim boꞌo ya kanao, veka apo nena kepao titja. Rimo kuro nena, beya kototopo riya ine ya God vai. Tah nena beya ova konaparana roma vai, korao veka tah inia oꞌti kanoa God yah umo re roro inia beten-a kanao noma. 4 Ova inia kanakina no inepe mema taim kamaro,^a tah ve kanao nanapirikema vora ova norona yah riꞌi mariri nanako.

5 Kanayara veka mema inia kamabilip mova revo Krais Jisas unake veka titja opu mema Kwa Lois re moꞌo mema Kwa Yunis minia kerebilip pova. Tah nena kanayara veka bilip vemona minia kwinia rima. 6 Ku vo vemo pon, tah kanake nanao ova noramako yah presen vemona God-a karoma taim eno kaneretama cha ero, namao nokupuana ri revo laip mema veka beyo aikera keputu tah kobiririko revo pako. 7 Mema va namayara veka Spirit voro God-a karomi ero, va beya narao nemiriri vai. Spirit ve kasave kupuana karomi, tah karao kemeremoiy revo aro ovu, yah kalpim memi yah laip memi veku kaorerari revo. 8 Korao veka tah beya reka noyoma taim awirai ya Biapako namairiraiꞌvo, o beya reka noyoma rona veka kanakalabus no awoꞌo ya. Kupuana ya God-a namako yah nakemina yah nai vo awirai neman ya God-a namairiraiꞌvo namapoi mina. 9 Titja taim God-a baunke beya ao koka vemona kararerare, kamarimari romi veꞌen tah kamompe memi yah kairimi kekemi revo veka aro ya veku. Marimari ya kariritami ro boꞌo ya Biapako memi Krais Jisas karao veꞌen ero. 10 Mare Krais Jisas, bia ya nako memi varu ero, kakai veꞌen vatiron. Yah boꞌo voro karao ero korao marimari ya God minia kokai veꞌen vatiron. Krais Jisas kupuana vo rai-a karirikeki veꞌen yah awirai neman ya God pon korao nami aro bombiam koka laip vo kwinia toratora kemiyara revo. 11 God-a kamompe nena vora nanoni boko koka veka aposel raꞌa, yah nakeni veka tikse vo awirai neman ya God, yah skul-a nanoiy beyo ro awirai ya vora kuiniari nerivo. 12 Kanasave boꞌo vemona inia kanao, korao veka tah nai veka inia kanuna. Nai vemona mare kanako emo nena beya reka koyona vai. Emo korao veka, bia ve kanabilip nova ero, kanasave ya revo veka kuiniari kupuana narona. Tah ya veku bo voro karona eno peꞌe nena ero kanoi rona cha, va bo vemana nanao nonoi nuiniari revo taim nakai varu. 13 Taim awirai namairiraiꞌvo, va namairiraiꞌvo pava norekeu revo skul-a kanoma ero, yah bilip mema va namawo kupuana yah nameremoiy revo aro ovu. Pasin riyempin vemona, Krais Jisas veku karere kwinia rimo kuro memi tah inia kemao. 14 God-a awirai neman ya karere kwinia eno peꞌe mema vora namaoremami revo. Holi Spirit ya God-a kakei rimi va nalpim mema yah ao vemo naorerari revo. 15 Mema va namayara veka aro koka vo provins Esia kerovoru yah kepepena veꞌen. Riyempin yei aro vemona em Cha Figelus re Cha Hermogenes. 16 Beten-a kanao noa Biapako vora kuiniari naokoku yah narao roa revo Cha Onesiforus awei aro koka kekepi oꞌro ya. Taim prumo awirai ya Cha Onesiforus inia korao ova kerenakeyo tah korao riꞌi nena koneman revo tah beya reka koyova veka kakeni kalabus vai. Bauni. 17 Taim kakai mataimon pako Rom, karevapana revo inia kaorenana konoi kuiniari revo taim kapirikena. 18 Beten-a inia kanao noa God vora kuiniari naokoku yah narao roa revo taim Biapako kot-a narivo romi aro koka. Mema veku kamasave revo ao prumo Cha Onesiforus karare kereneman vora noalpim nena taim kakeni mataimon Efesus.