Cha Timoti ya Kristen tare. Tah kasave kakei mataimon Listra kwinia provins Galesia. Mo ya vo bia Juda, kope aka ya emo ya bia Grik. Cha Pol kako ya Cha Timoti katowa rorova tah Cha Pol bo misin-a karao. (Nopu yara awirai kwinia Aposel 16:1-3). Yah kope Cha Timoti bo kako va nanoi cha ro sios vo mataimon Efesus tah Cha Pol pas vemona kareꞌe roa. Ao titja pas vemona kwirai ro em: Cha Timoti va nayara revo, avenari aro ovu va nekape ruru nepeirovoru aro bombiam yah bilip yei nepepeu. Aro giaman vemona kesave chirai veka, ao vo meꞌri vemona beya kereneman revo vai. Yah boh bia raꞌa karao laip awaka nako, va akorom ovu nakei yao yah beya om-a nako vai.

Yah ao nambatu pas vemona kwirai ro em: Kwirai ro rara neman vo lotu naorerari yah bo vo sios-a narao.

Yah awirai las vo pas vemona kwirai rore pasin va Cha Timoti narao roiy aro bombiam vo sios tah ya veku minia va nakei veka wokman neman ya Jisas Krais.