On wara marha kekn̂e Kporin komo owya, Taa, on wara nasî Ixaw Yana komo nahsîrî yîrowonî ro me, tribu komo nahsîrî ro. Awokpan komo ka wetahcasî nohce n̂ixan ha. Etîron yesamarî yaw cesî wokpa Amace potarî komo yaka. Asa Enon yaka roro cesî. Tamasku rowon wokpan pona cesî Amace rowon wokpan porero. Yîhcirî me nasî Taan komo rowon, kawno, takwekem marha. N̂examro wokpan cesî resce n̂ixan poi oesce n̂ixan pona. Ero wa nasî Taan komo rowon.

2 Taan komo wokpan porero nasî Ase komo rowon hara, kawno, tamtakem marha. N̂examro wokpan cesî resce n̂ixan poi oesce n̂ixan pona. Ero wa nasî Ase komo rowon.

3 Ase komo wokpan porero nasî Nahtari komo rowon hara, kawno, takwekem marha. N̂examro wokpan komo cesî resce n̂ixan poi oesce n̂ixan pona. Ero wa nasî Nahtari komo rowon.

4 Nahtari komo wokpan porero nasî Manases komo rowon hara, kawno, takwekem marha. N̂examro wokpan cesî resce n̂ixan poi oesce n̂ixan pona. Ero wa nasî Manases komo rowon.

5 Manases komo wokpan porero nasî Eprain komo rowon hara, kawno, takwekem marha. N̂examro wokpan cesî resce n̂ixan poi oesce n̂ixan pona. Ero wa nasî Eprain komo rowon.

6 Eprain komo wokpan porero nasî Huben komo rowon hara, kawno, takwekem marha. N̂examro wokpan cesî resce n̂ixan poi oesce n̂ixan pona. Ero wa nasî Huben komo rowon.

7 Huben komo wokpan porero nasî Xuta komo rowon hara, kawno, takwekem marha. N̂examro wokpan komo poi cesî resce n̂ixan poi oesce n̂ixan pona. Ero wa nasî Xuta komo rowon.

8 Taa, Xuta komo rowon wokpan porero nasî Kporin komo rowon hara. 12 kirometuru nasî ero yakwerî. Ehyatkaw marha nasî anarî komo rowon yecenarî. Noro rowon cesî resce n̂ixan poi oesce n̂ixan pona. Yîrowon rakataw nasî Kporin komo mîn roron hara.

9 Ero raconho hara yukuknomacoko orowonî ro me cehsom, Aporin komo rowon me ha. 12 kirometru nasî ero ehyatkawnon, 5 kirometru nasî akwerî hara.

10 Ero nasî omîn yenîn̂e komo rowonî ro me. 12 kirometru wicakî nasî ero wokpan nohce n̂ixan, 5 kirometru wicakî nas ero wokpan oesce n̂ixan, 5 kirometru wicakî xa marha nasî ero wokpan resce n̂ixan hara. 12 kirometru wicakî nas ero wokpan suu n̂ixan hara. Ero xehxa nasî Kporin komo mîn yeken.

11 Ero rma nasî tîmsom pokono komo yeken me marha, akir̂wamaxapu komo yeken me, Satoke yepamtho komo yeken me xa. N̂examro xatken̂e omtapotarî yewetîn̂e me roro. Anarî komo reha oyahsîpînketken̂e Repita komo okwe. Ixaw Yana komo yakro rma n̂examro n̂etowyatken̂e. Etowra reha xatken̂e Satoke yepamtho komo.

12 Ero nasî yîrowonî ro me tîmxapu orowon raconho. Yîrowonî ro mak mîn anarî komo rowon pînî ro mak. Repita komo rowon porero rma nasî.

13 Taa, tîmsom pokono komo rowon porero nasî, Repita komo rowon hara. 12 kirometru nasî ero ehyatkawnon, 5 kirometru nasî ero yakwerî hara. Ero wicakî xa nasî n̂examro rowonî ro.

14 Tîrowon komo tîmîhra ro mak n̂ehcowpe Repita komo anarî tribu ya. Ahce na pona tîmîhra ro mak n̂ehcowpe. Kir̂wanî ro mîn yîrowon komo anarî komo rowon yopo ro mak. Aporin komo rowonî ro rma mîn ha.

15 Nasî rma roowo raconho. 2,5 kirometru wicakî nasî ero yakwerî. 12 kirometru wicakî nas ero kawnon hara. Ewto imo pono komo rowon me nasî ero reha. Yîmîn komo yewtî me nasî, woskara me marha nasî iyoh komo nahrî yewtî me. Ero rakataw xa nasî ewto imo.

16 On wicakno xa mîn ewto imo, 2,25 kirometru wicakî nasî ero wokpan nohce n̂ixan, 2,25 kirometru wicakî nasî ero wokpan suu n̂ixan hara, 2,25 kirometru wicakî nasî ero wokpan resce n̂ixan, 2,25 kirometru wicakî nasî ero wokpan oesce n̂ixan hara. Ero wicakno xa mîn ewto imo.

17 Ero woskaran nasî ewto imo mamhoko. 125 metru wicakî nasî woskara yamtarî nohce n̂ixan. 125 metru wicakî xa marha nasî suu n̂ixan hara. 125 metru wicakî xa marha nasî resce n̂ixan hara. 125 metru wicakî xa marha nasî oesce n̂ixan hara. Ero wicakî so nasî woskara yakwerî ewto imo mamhokono.

18 Ewto imo pono komo rowon yakwenho rma nasî omîn yenîn̂e komo rowon porerono. 12 kirometru wicakî nasî resce n̂ixan ehyatkawnon. 12 kirometru wicakî xa marha nasî oesce n̂ixan ehyatkawnon hara. Iina so mararî n̂iir̂axe ero yeperîrî ehtome ewto imo po cetpickaxmu komo nahrî me.

19 Mîk hak yepamtho komo naxe mararî ciin̂e me, Ixaw Yana kom ha. Ewto imo pono komo mîkyam. Ero wara nasî mararî iitono.

20 Taa, ero wa nasî tribu komo rowon me ciisom pîn roowo. On wara nasî ero yukuknomacho ahnoro, cewararîno yukuknomacho rma, 12 kirometru wicakî nas ahnoro ero wokpan kawnon. Ero roowo miir̂axe anarme, owya anîmrî komo me mak. Ewto imo pono komo rowon yakro rma nas ero, anîmrî kom ha.

21 Nasî rma tko Ixaw Yana tribun komo rowon pîn panaw. Ero nasî awantoman̂e komo rowon me hara, tîraconkaxi nasî. Resce yaw roro cesî yîraconhîrî, awokpan komo pona roro. 12 kirometru wicakî nasî ero kawnon. Oesce yaw roro hara cesî yîraconhîrî hara, awokpan komo pona roro hara oesce n̂ixan pona. 12 kirometru xa marha nasî ero kawnon hara. Ixaw yepamtho komo rowon porero so rma nas ero. Ero nasî awantoman̂e komo rowon. Ero yotaw nasî orowonî ro hara. Ero rakataw xa nasî omîn.

22 Ero ke on wara nasî awantoman̂e komo rowon. Mehxa nasî Xuta komo rowon. Xehxa nasî Benxamin komo rowon hara. Ero yotaw nasî Repita komo rowon, ewto imo pono komo rowon marha. Iyotawno yakwenho nasî antomano rin̂e rowon.

23 Taa, nasî rma tribu komo. N̂examro rowon tan wekatîmyas hara. Antomano rin̂e rowon porero rma nasî Benxamin komo rowon hara, kawno, takwekem marha. N̂examro wokpan cesî resce n̂ixan poi oesce n̂ixan pona. Ero wa nasî Benxamin komo rowon.

24 Benxamin yepamtho komo rowon porero rma nasî Simeaw komo rowon hara, Kawno, takwekem marha. N̂examro wokpan cesî resce n̂ixan poi oesce n̂ixan pona. Ero wa nasî Simeaw rowon.

25 Simeaw yepamtho komo rowon porero rma nasî Isaka komo rowon hara, kawno, takwekem marha. N̂examro wokpan cesî resce n̂ixan poi oesce n̂ixan pona. Ero wa nasî Isaka rowon.

26 Isaka komo rowon porero rma nasî Seburon komo rowon hara, kawno takwekem marha. N̂examro wokpan poi cesî resce n̂ixan poi oesce n̂ixan pona. Ero wa nasî Seburon komo rowon.

27 Seburon komo rowon porero rma nasî Kace komo rowon hara, kawno, takwekem marha. N̂examro wokpan komo poi cesî resce n̂ixan poi oesce n̂ixan pona. Ero wa nasî Kace rowon.

28 On wara nasî Kace yepamtho komo wokpan suu n̂ixan ha, Tama poi cesî suu yaw roro tuuna kwaka, Meriba Kates kwaka. Ero yinhîrî oesce yaw roro ces hara aporî yaw roro, Miya roro cesî tuuna imo yecihtaka roro.

29 Ero wa nasî roowo an̂ekamrî komo Ixaw yepamtho komo yeken me. Men̂ekacho ke mîmen̂ekexe yîrowonî ro komo. Ero warai tak nahsîyaxe tîwyanî ro me. Ero wara wîîkes Ow Aporin komo Kaan ha.

30-31 On wara nasî ewto imo wacan metatan, yaake nasî. 2,25 kirometru wicakî nasî waaca kawnon nohce n̂ixan kawnon ha. Ewto wacan metatan nosohcexe Ixaw Yana komo yosotî me rma, tribu komo yosotî me. 3 metata nasî waaca yaw nohce n̂ixan yaw. Huben komo metatan, Xuta komo metatan, Repi komo metatan. Ero wara nosohcexe iitono komo metata.

32 3 metata xa marha nasî waaca yaw resce n̂ixan yaw hara. 2,25 kirometru wicakî xa marha nasî ero waaca kawnon hara. Xose komo metatan, Benxamin komo metatan, Taan komo metatan. Ero wara nosohcexe iitono kom hara metata.

33 3 metata xa marha nasî waaca yaw suu n̂ixan yaw hara. 2,25 kirometru wicakî xa marha nasî ero waaca kawnon hara. Simeaw komo metatan, Isaka komo metatan, Seburon komo metatan. Ero wara nosohcexe iitono mko hara metata.

34 3 metata xa marha nasî waaca yaw oesce n̂ixan yaw hara. 2,25 kirometru wicakî xa marha nasî ero waaca kawnon hara. Kace komo metatan, Ase komo metatan, Nahtari komo metatan. Ero wara nosohcexe iitono kom hara metata.

35 Ahnoro waaca kawnon nasî 9 kirometru, ewto wacan yukuknomatîkacho. On wara tak nasî ewto imo yosotî ero yimaw, Kporin Komo Nasî Iito, kacho me nasî osotî. Ero wa tak nasî ero yosotî miya roro eroromero, kekn̂e. Ero wa mak kekn̂e Kporin komo owya. Esekiew ow ha.