Tapi Wanorî On, Xerusaren Pona Tîtosom Komo Narîrî

1 On wara wîîkes awya so, Anarimaw iito re na tatu noro re me. Iito re yîhtînon̂e me marha na tatu. Ero wa kexitaw so tawake xa taxe, cexpore xa okre.

2 Ero wa kehtopo nasî yîhkatî wara cepethîkem wara. Aaraw yîhkapetopo wara nasî. Noro yîhkapeche katî nîhcekn̂e noro yetpoci pore. Noro ponon yen̂etî pona roro marha nîhcekn̂e. Ero wa nasî iito re yîhtînon̂e me kehtopo komo.

3 On wara marha nasî ero wara kehtopo komo, cicakî wara nasî. Ehmon Yîpîn po n̂etakîcesî cicakî. Ero warai xa marha n̂etakîcesî Siaw Yîpîn po hara. Ero wara rma nasî iito re yîhtînon̂e me kehtopo komo. Ero wa yîhtînon̂e komo wakresî Kporin komo waipîn me ro mak kehtopo ke okre. Ero warai ke kwakrexe so okre.