Taa, on wara marha tî xakn̂e Tapi, waano pokono komo marha tî men̂ekekn̂e. Sowtatu yantoman̂e komo yakro rma tî men̂eketken̂e. Asape mumuru komo, Eman mumuru komo, Xetutun mumuru komo, noro yipu komo tî men̂eketken̂e. N̂examro takî tî nantometken̂e Kaanî mtapotarî yekatîmrî poko waano me mak ha tko. Raatî yorkarî poko marha tî nantometken̂e. Pioraw warai yorkarî poko, ahpaci yorkarî poko, car̂ar̂a kan̂e poko, ero warai poko tî nantometken̂e. Wekatîmyasî tan etacixapu komo yosotî.

2 Asape mumuru komo tî n̂etahcatken̂e, Saku, Xose, Netanias, Asarera, ero wara. N̂examro yantoman̂e me tî xakn̂e yîîmî rma Asape. Noro tî Kaanî mtapotarî n̂ekatîmyakn̂e waano me. Kayaritomo yanme tî ero poko xakn̂e.

3 Xetutun mumuru komo marha tî n̂etahcatken̂e, Xetarias, Seri, Xesaias, Simei, Asabias, Macicias, 6 tî xatken̂e. N̂examro yantoman̂e tî xakn̂e yîîmî rma, Xetutun. Noro marha tî n̂ekatîmyakn̂e Kaanî mtapotarî waano me. Ero wa tî Kporin komo poko nahwowakn̂e, Kir̂wan̂he xa mai ham okre, kekn̂e tî yîwya. Ahpaci marha tî nîyorkekn̂e waano yaar̂ataw.

4 On wara tî xatken̂e Eman mumuru kom hara, Bukias, Matanias, Usiew, Sebuew, Xerimoce, Ananias, Anani, Eriata, Xitawci, Homanci-Ese, Xosibekasa, Maroci, Oci, Maasioce, ero wicakî tî xatken̂e n̂examro.

5 Ero wicakî tî xatken̂e Eman mumuru komo. Kaan n̂enporî yenîn̂e ro tî mîk xakn̂e noro kayaritomo yanme. Kaanî mtapotarî tî n̂ekatîmyakn̂e yîwya. Kyopono me tî noro n̂iir̂akn̂e Kaan tîmxîkrî komo ke rma. Noro tî wakrekn̂e Kaan 14 ke yumumuru komo ke, 3 emsîrî komo ke marha.

6 Ahnoro yumumuru komo tî xatken̂e tîîm komo nantomarî me. Waano poko tî nantomekn̂e Kporin komo mîn yaw. Raatî pokono me marha tî xatken̂e pioraw warai pokono me, ahpaci pokono me, car̂ar̂a kan̂e pokono me, ero warai pokono me. Kaan mîn yaw tî waano naar̂atken̂e. Kayaritomo nantomarî tî mîkyam xatken̂e hara, Asape, Xetutun, Eman, ero wara.

7 On wicakî tî xatken̂e Kporin komo wanorî poko ehcamhokaxapu komo, centapore aan̂e kom ha, 288 ha tî. Wetaci n̂examro yanan komo marha tî xatken̂e akro so.

8 Men̂ekacho marha tî nar̂metken̂e n̂examro hara cemyarîrî ro komo yîhtînotome. Emyawnomnî komo tî nukuknometken̂e ero wara, cemyawnoyem komo marha tî, panatanmekno rin̂e komo, yînpanatanmekrî komo marha tî.

9 Asape mumuru komo yîhtînotopo tî ka nar̂metken̂e. Yihcirî me ar̂mache Xose ponan me tî n̂epîrkekn̂e. 2-înhîrî me ar̂mache Xetarias ponan me tî n̂epîrkekn̂e. Tîyanan komo yakro tî noro xakn̂e, tumumuru yakro marha. 12 tî xatken̂e yumumuru komo.

10 3-înhîrî me ar̂mache Saku ponan me tî n̂epîrkekn̂e. Tîyanan komo yakro tî noro xakn̂e, tumumuru komo yakro marha. 12 tî mîkyam xatken̂e.

11 4-nhîrî me ar̂mache Isiri ponan me tî n̂epîrkekn̂e. Tîyanan komo yakro tî noro xakn̂e, tumumuru komo yakro marha. 12 tî xatken̂e.

12 5-nhîrî me ar̂mache Netanias ponan me tî n̂epîrkekn̂e. Tîyanan komo yakro tî noro xakn̂e, tumumuru komo yakro marha. 12 tî mîkyam xatken̂e.

13 6-înhîrî me ar̂mache Bukias ponan me tî n̂epîrkekn̂e. Tîyanan komo yakro tî noro xakn̂e, tumumuru komo yakro marha. 12 tî mîkyam xatken̂e.

14 7-nhîrî me ar̂mache Xesarera ponan me tî n̂epîrkekn̂e. Tîyanan komo yakro tî noro xakn̂e, tumumuru komo yakro marha. 12 tî mîkyam xatken̂e.

15 8-nhîrî me ar̂mache Xesaias ponan me tî n̂epîrkekn̂e. Tîyanan komo yakro tî noro xakn̂e, tumumuru komo yakro marha. 12 tî mîkyam xatken̂e.

16 9-nhîrî me ar̂mache Matanias ponan me tî n̂epîrkekn̂e. Tîyanan komo yakro tî noro xakn̂e, tumumuru komo yakro marha. 12 tî mîkyam xatken̂e.

17 10-înhîrî me ar̂mache Simei ponan me tî n̂epîrkekn̂e. Tîyanan komo yakro tî noro xakn̂e, tumumuru komo yakro marha. 12 tî mîkyam xatken̂e.

18 11-nhîrî me ar̂mache Asareew ponan me tî n̂epîrkekn̂e. Tîyanan komo yakro tî noro xakn̂e, tumumuru komo yakro marha. 12 tî mîkyam xatken̂e.

19 12-nhîrî me ar̂mache Asabias ponan me tî n̂epîrkekn̂e. Tîyanan komo yakro tî noro xakn̂e, tumumuru komo yakro marha. 12 tî mîkyam xatken̂e.

20 13-nhîrî me ar̂mache Subaew ponan me tî n̂epîrkekn̂e. Tîyanan komo yakro tî noro xakn̂e, tumumuru komo yakro marha. 12 tî mîkyam xatken̂e.

21 14-nhîrî me ar̂mache Macicias ponan me tî n̂epîrkekn̂e. Tîyanan komo yakro tî noro xakn̂e, tumumuru komo yakro marha. 12 tî xatken̂e.

22 15-nhîrî me ar̂mache Xeremoce ponan me tî n̂epîrkekn̂e. Tîyanan komo yakro tî noro xakn̂e, tumumuru komo yakro marha. 12 tî mîkyam xatken̂e.

23 16-înhîrî me ar̂mache Anan̂ias ponan me tî n̂epîrkekn̂e. Tîyanan komo yakro tî noro xakn̂e, tumumuru komo yakro marha. 12 tî mîkyam xatken̂e.

24 17-nhîrî me ar̂mache Xosebekasa ponan me tî n̂epîrkekn̂e. Tîyanan komo yakro tî noro xakn̂e, tumumuru komo yakro marha. 12 tî mîkyam xatken̂e.

25 18-nhîrî me ar̂mache Anani ponan me tî n̂epîrkekn̂e. Tîyanan komo yakro tî noro xakn̂e, tumumuru komo yakro marha. 12 tî mîkyam xatken̂e.

26 19-nhîrî me ar̂mache Maroci ponan me tî n̂epîrkekn̂e. Tîyanan komo yakro tî noro xakn̂e, tumumuru komo yakro marha. 12 tî mîkyam xatken̂e.

27 20-nhîrî me ar̂mache Eriata ponan me tî n̂epîrkekn̂e. Tîyanan komo yakro tî noro xakn̂e, tumumuru komo yakro marha. 12 tî mîkyam xatken̂e.

28 21-înhîrî me ar̂mache Oci ponan me tî n̂epîrkekn̂e. Tîyanan komo yakro tî noro xakn̂e, tumumuru komo yakro marha. 12 tî mîkyam xatken̂e.

29 22-înhîrî me ar̂mache Xitawci ponan me tî n̂epîrkekn̂e. Tîyanan komo yakro tî noro xakn̂e, tumumuru komo yakro marha. 12 tî mîkyam xatken̂e.

30 23-înhîrî me ar̂mache Maasioce ponan me tî n̂epîrkekn̂e. Tîyanan komo yakro tî noro xakn̂e, tumumuru komo yakro marha. 12 tî mîkyam xatken̂e.

31 24-nhîrî me ar̂mache Homanci-Ese ponan me tî n̂epîrkekn̂e. Tîyanan komo yakro tî noro xakn̂e, tumumuru komo yakro marha. 12 tî mîkyam xatken̂e. Ero wa tî n̂esemen̂eketken̂e etponan me re, waano yaan̂e komo.