Taa, Ixaw Yana komo totoponho tan wekatîmyasî. Mer̂pono pîn mîkyam xatken̂e tîcetaw so Exitu poi. Aano n̂iir̂atken̂e Moises komo Araw yakro.

2 Etakritoponhîrî komo mewrekn̂e Moises Kporin komo yanme rma. On wara xakn̂e etakritoponhîrî komo,

3 Rameses poi cetken̂e 1-înhîrî nuun̂i po, 15-nhîrî kaamo po. Ancu ya twatotoponhîrî komo ponan po rma cetken̂e kaamo po. Erasîra ro mak cetken̂e Exitu pono komo wero ro rma.

4 Tumumuthîrî pen komo yahruru poko xatken̂e Exitu pono komo ero yimaw. Kporin komo nwaihkatho pen komo nahruyatken̂e. Ponaro Exitu pono komo yehtopo marha cehn̂axmu me n̂iir̂akn̂e Kporin komo.

5 Yihcirî me Rameses poi cetken̂e Sukoce pona. Iina n̂etakriyatken̂e.

6 Ero yinhîrî tak Sukoce poi cetken̂e. Etan pona n̂etakriyatken̂e hara axawa imo yemyatwono pona.

7 Ero yinhîrî tak Etan poi cetken̂e hara. N̂etîrametken̂e yaw xa marha ha re. Pi-Airoci pona cetken̂e hara. Baaw-Sepon mehxan mîn Pi-Airoci resce n̂ixan ha. Iina n̂etakriyatken̂e hara Mikito pahnoke.

8 Ero yinhîrî tak Pi-Airoci poi cetken̂e hara. Tuuna imo yarinho yari cetken̂e axawa imo pona hara. Etan yaxawan pore cetken̂e 3 kaamo. Ero yinhîrî tak Mara pona n̂etakriyatken̂e hara.

9 Ero yinhîrî tak Mara poi cetken̂e hara Erin pona hara. Iito xakn̂e tuuna pîtho 12. Yow yepu warai marha xakn̂e iito 70. Iito n̂enmayatken̂e.

10 Ero yinhîrî tak Erin poi cetken̂e. Cucurem Yewku yecihtaka n̂etakriyatken̂e hara, tuuna imo yecihtaka.

11 Ero yinhîrî tak Cucurem Yewku yecihtai cetken̂e. Sin yaxawan pona n̂etakriyatken̂e hara.

12 Ero yinhîrî tak Sin yaxawan poi cetken̂e. Topka pona n̂etakriyatken̂e hara.

13 Ero yinhîrî tak Topka poi cetken̂e. Arusu pona n̂etakriyatken̂e hara.

14 Ero yinhîrî tak Arusu poi cetken̂e. Hepicin pona n̂etakriyatken̂e hara. Iito exihra xakn̂e tuuna Ixaw Yana komo wokru.

15 Ero yinhîrî tak Hepicin poi cetken̂e. Sinai Yaxawan pona n̂etakriyatken̂e hara.

16 Ero yinhîrî tak Sinai Yaxawan poi cetken̂e. Kibroce-Ataapa pona n̂etakriyatken̂e hara.

17 Ero yinhîrî tak Kibroce-Ataapa poi tak cetken̂e. Aseroce pona n̂etakriyatken̂e hara.

18 Ero yinhîrî tak Aseroce poi cetken̂e. Hicma pona n̂etakriyatken̂e hara.

19 Ero yinhîrî tak Hicma poi cetken̂e. Himon-Peres pona n̂etakriyatken̂e hara.

20 Ero yinhîrî tak Himon-Peres poi cetken̂e. Ribna pona n̂etakriyatken̂e hara.

21 Ero yinhîrî tak Ribna poi cetken̂e. Hiisa pona n̂etakriyatken̂e hara.

22 Ero yinhîrî tak Hiisa poi cetken̂e. Keerata pona n̂etakriyatken̂e hara.

23 Ero yinhîrî tak Keerata poi cetken̂e. Sepe Yîpîn pona n̂etakriyatken̂e hara.

24 Ero yinhîrî tak Sepe Yîpîn poi cetken̂e. Arata pona n̂etakriyatken̂e hara.

25 Ero yinhîrî tak Arata poi cetken̂e. Makeroci pona n̂etakriyatken̂e hara.

26 Ero yinhîrî tak Makeroci poi cetken̂e. Taate pona n̂etakriyatken̂e hara.

27 Ero yinhîrî tak Taate poi cetken̂e. Tara pona n̂etakriyatken̂e hara.

28 Ero yinhîrî tak Tara poi cetken̂e. Micka pona n̂etakriyatken̂e hara.

29 Ero yinhîrî tak Micka poi cetken̂e. Asmona pona n̂etakriyatken̂e hara.

30 Ero yinhîrî tak Asmona poi cetken̂e. Moseroce pona n̂etakriyatken̂e hara.

31 Ero yinhîrî tak Moseroce poi cetken̂e. Bene-Xakan pona n̂etakriyatken̂e hara.

32 Ero yinhîrî tak Bene-Xakan poi cetken̂e. Or-Akicikace pona n̂etakriyatken̂e hara.

33 Ero yinhîrî tak Or-Akicikace poi cetken̂e. Xocbata pona n̂etakriyatken̂e hara.

34 Ero yinhîrî tak Xocmata poi cetken̂e. Abrona pona n̂etakriyatken̂e hara.

35 Ero yinhîrî tak Abrona poi cetken̂e. Esion-Xebe pona n̂etakriyatken̂e hara.

36 Ero yinhîrî tak Esion-Xebe poi cetken̂e. Kates pona n̂etakriyatken̂e hara. Sin Yaxawanî rma mîn Kates.

37 Ero yinhîrî tak Kates poi cetken̂e. Oro Yîpîn pona n̂etakriyatken̂e hara. Eton rowon yemyatwono mîn Ooro Yîpîn.

38 Iito exitaw so Oro Yîpîn nawnukyakn̂e Araw Kporin komo yanme. Ero meretwo tak waihyakn̂e noro pen. 40-nhîrî cimn̂ipu po waihyakn̂e. Ero wicakî tak xakn̂e cimn̂ipu Ixaw Yana komo mohtoponho Exitu poi. 5-nhîrî nuun̂i po waihyakn̂e, 1-înhîrî kaamo po. Ero po xa waihyakn̂e Araw pen iito.

39 123 xakn̂e Araw yewrutoponho ero yimaw, Ooro Yîpîn po waihyataw. Ero wa xakn̂e Araw pen.

40 Ero yimaw Arace pono komo kayaritomon tî n̂encekn̂e Ixaw Yana komo mohtopo, Kananew komo kayaritomon ha. Suu n̂ixan pono mîk xakn̂e Kanan mapirî pono ha. Ixaw Yana komo men mokyaxe kopi, kacho tî n̂encekn̂e.

41 Ero yinhîrî tak Oro Yîpîn poi cetken̂e Ixaw Yana komo. Sawmona pona n̂etakriyatken̂e hara.

42 Ero yinhîrî tak Sawmona poi cetken̂e. Punon pona n̂etakriyatken̂e hara.

43 Ero yinhîrî tak Punon poi cetken̂e. Oboci pona n̂etakriyatken̂e hara.

44 Ero yinhîrî tak Oboce poi cetken̂e. Ixe-Abarin pona n̂etakriyatken̂e hara, Moabe rowon yemyatwono pona.

45 Ero yinhîrî tak Ixe-Abarin poi cetken̂e. Cibon-Kace pona n̂etakriyatken̂e hara.

46 Ero yinhîrî tak Cibon-Kace poi cetken̂e. Awmon Cibratain pona n̂etakriyatken̂e hara.

47 Ero yinhîrî Awmon-Cibratain poi tak cetken̂e. Abarin Yîpin pona n̂etakriyatken̂e hara, Nebu yîpîn yamrinaka rma.

48 Ero yinhîrî Abarin Yîpîn poi tak cetken̂e. Moabe woskaran pona n̂etakriyatken̂e hara. Xotaw yecihtaw n̂etakriyatken̂e Xer̂ko yecen̂e rma.

49 Iito tak xatken̂e Moabe woskaran po Xotaw yecihtaw. Miya rma xakn̂e yîmîn komo Bece-Xesimoce pona roro. Xiya roro xakn̂e yîmîn komo Abew-Sicin pona roro hara. Ero wa xakn̂e yîmîn komo.

50-52 Iito ka xatken̂e Ixaw Yana komo Moabe woskaran po. Xotaw yecihtaw xatken̂e Xer̂ko yecen̂e. Iito exitaw so Kporin komo nîmtapowakn̂e xa hara Moises yakro. On wara kekn̂e yîwya, Ai Moises, on wara kasko Ixaw Yana komo ya, Xotaw mîwacexe amn̂e Kanan pona. Iina awtoche so iitono komo en̂epecoko ahnoro ekenhîrî komo poi. Ponaro ehtoponhîrî me ciixapu mko marha kr̂a yîhcamnocoko toopu, weewe enporixapu, bronse yukuixapu marha. Onok na ya tîmsom yakn̂itoponho marha kr̂a akuhr̂apocoko îh pono komo.

53 N̂examro pen rowontho ahsîcoko aweken komo me. Wîmyasî awya so aweken komo me.

54 Roowo yahsîche wokpamacoko noro re yepamtho me cehsom komo yeken me so. Mer̂pora exitaw so anarî yanan komo porin me n̂he tîmcoko yîwya so roowo. Asak mak exitaw so anarî yanan kom hara wahra n̂he mak tîmcoko yîwya so roowo. Men̂ekacho ar̂macoko yîhtînotome tak awya so yînahsîrî ro komo. Yîhtînopuche ero tak tîmcoko yîwya so. Iito re mak n̂esekenmacowpe noro re yepamtho komo.

55 Iitono komo yen̂epera tko awexitaw so awesepatamcho wara men naxe oko iitono komo. Cekyem wara marha naxe awawci komo yatpon̂e wara oko. Awîrîmexe so men okwe iito rma exitaw so awewton komo po.

56 Iito rma exitaw so Owî rma kîwîrîmexe so. N̂examro xa wîwîrîmesî, wîîkekn̂e hara re awya so iitono komo poko, ero wa kachonho yaw roro rma kîwîrîmexe so amyamro xa matko okwe. Ero wa kasko Ixaw Yana komo ya, kekn̂e. Ero wa kekn̂e Kporin komo Moises ya.