1-2 Taa, Ixaw Yana komo yeper̂an yetowîche tak Kporin komo nîmtapowakn̂e Moises yakro, Ereasa yakro marha Araw pen mumutho yakro. On wara kekn̂e yîwya so, Ixaw Yana komo yukuknomacoko. Iina re mewrecoko noro re yepamtho komo yosotî. Kîrkomo mak yukuknomacoko, 20 cimn̂ipu ehxapu komo, ero yopono komo marha. Sowtatu me tîtosom komo mak yukuknomacoko karitî kom ha, kekn̂e.

3 Ero ke yîmtapotarî n̂ekatîmyatken̂e n̂examro Ixaw Yana komo ya. Woskara po exitaw so ketken̂e, Moabe rowon po ha. Xotaw yecihtaw xatken̂e ero yimaw Xer̂ko yecento rma. Iito exitaw so Moises komo ketken̂e yîwya so, Ereasa yakro.

4 Oyakno komo, ketken̂e yîwya so, apoyino komo yukuknomacoko kîrkomo mak. 20 cimn̂ipu ehxapu komo mak yukuknomacoko, ero yopono komo marha. Ero warai komo yukuknomacoko. Pahxa Ixaw Yana komo nukuknomapekn̂e Kporin komo Moises ya, Exitu poi mohxapu komo nukuknomapekn̂e, ero wa xa marha yukuknomacoko xa hara, ketken̂e yîwya so.

5-6 Taa, on wara xatken̂e Huben yepamtho komo. Ixaw pen mumutho mîk xakn̂e Huben, n̂examro potutho. On wara xatken̂e noro pen mumutho komo, Enoke yepamtho komo xatken̂e Enokita komo me, Paru yepamtho komo xatken̂e Paruita komo me, Esîron yepamtho komo xatken̂e Esîronita komo me, Kahmi yepamtho komo xatken̂e Kahmita komo me.

7 Ero wa xatken̂e Huben yepamtho komo, yukuknomaxapu komo mak. 43.730 mîkyam xatken̂e.

8-9 Paaru pen mumutho tî xakn̂e Eriabe. Eriabe mumuru komo tî xatken̂e hara. N̂emuew, Tatan, Abiraw, ero wa xatken̂e Eriabe mumuru komo. Tpoyino komo yaan̂e me xatken̂e n̂examro, Tatan komo, Abiraw kom ha. Moises komo yanwekn̂enho pen komo mîkyam xatken̂e, Araw yanwekn̂enho pen kom ha. Kore pen yakrononho komo mîkyam xatken̂e Kporin komo yanwekn̂enho pen yakrononho kom ha.

10 N̂examro pen wece roowo xakn̂e cemcaxmu wara. Ermomno tak n̂iir̂akn̂e. Kore pen yakro rma n̂ermomyakn̂e okwe. Anarî pen komo reha waihyatken̂e wehto ke oco. Kore yakrononho pen komo mîkyam xatken̂e. 250 mîkyam n̂ecakyatken̂e oco. Ero wa tî waihyatken̂e n̂examro pen anarî komo yîtwermachome.

11 Kore pen xîkîtho komo reha waipîra xatken̂e. Ero wa xatken̂e.

12 On wara xatken̂e Simeaw pen mumutho komo hara, n̂examro yepamtho komo marha, N̂emuew yepamtho komo xatken̂e N̂emuerita komo me, Xamîn yepamtho komo xatken̂e Xaminita komo me, Xakin yepamtho komo xatken̂e Xakinita komo me.

13-14 Sera yepamtho komo xatken̂e Sarita komo me. Sau yepamtho komo xatken̂e Saurita me. Ero wa xatken̂e Simeaw yepamtho komo. 22.200 mîkyam xatken̂e.

15 On wara xatken̂e Kace pen mumutho kom hara. Sepon yepamtho komo xatken̂e Seponita komo me, Aki yepamtho komo xatken̂e Aakita komo me, Suni yepamtho komo xatken̂e Sunita komo me.

16 Osini yepamtho komo xatken̂e Osinita komo me, Eri yepamtho komo xatken̂e Erita komo me.

17 Aroci yepamtho komo xatken̂e Arocita komo me, Areri yepamtho komo xatken̂e Arerita komo me.

18 Ero wa xatken̂e Kace mumutho yepamtho komo, yukuknomaxapu komo mak. 40.500 mîkyam xatken̂e.

19 On wara cma tî re ka xatken̂e Xuta pen mumutho komo, Eere, Onan, ero wa ka xatken̂e. N̂examro penî tko tî waihyatken̂e Kanan po rma okwe. Ero wa tî xatken̂e n̂examro pen.

20 Ero ke on wara mak tak xatken̂e Xuta yepamtho hara, Sera yepamtho komo xatken̂e Seranita komo me, Perese yepamtho komo xatken̂e Peresita komo me, Sera yepamtho komo xatken̂e Seraita komo me.

21 On wara xatken̂e Peres mumutho yepamtho kom hara, Esîron yepamtho komo xatken̂e Esîronita komo me, Amu komo xatken̂e Amurita komo me.

22 Ero wa xatken̂e Xuta yepamtho komo, yukuknomaxapu komo mak. 76.500 mîkyam xatken̂e.

23 On wara xatken̂e Isaka mumutho kom hara, Tora yepamtho komo xatken̂e Toraita komo me, Pupa yepamtho komo komo xatken̂e Pupita komo me.

24 Xasube yepamtho komo xatken̂e Xasubita komo me, Sinron yepamtho komo xatken̂e Sinronita komo me.

25 Ero wa xatken̂e Isaka yepamtho komo, yukuknomaxapu komo mak. 64.300 mîkyam xatken̂e.

26 On wara xatken̂e Seburon pen mumutho komo, Sereci yepamtho komo xatken̂e Serecita komo me, Eron yepamtho komo xatken̂e Eronita komo me, Xarew yepamtho xatken̂e Xarerita komo me.

27 Ero wa xatken̂e Seburon yewpamtho komo, yukuknomaxapu komo mak. 60.500 mîkyam xatken̂e.

28 On wara xatken̂e Xose mumutho kom hara, Manases, Eprain, ero wa xatken̂e Xose mumutho komo.

29 On wara xatken̂e Manases mumutho kom hara, Maki yepamtho komo xatken̂e Makirita komo me. Xireace xakn̂e Maki pen mumutho. Xireace yepamtho komo xatken̂e Xireacita komo me.

30 On wara xatken̂e Xireace mumutho komo, Xese yepamtho komo xatken̂e Xeserita komo me, Ereke yepamtho komo xatken̂e Erekita komo me.

31 Asîriew yepamtho komo xatken̂e Asîrierita komo me, Siken yepamtho komo xatken̂e Sikemita komo me.

32 Semita yepamtho komo xatken̂e Semitaita komo me, Epe yepamtho komo xatken̂e Eperita komo me.

33 On wara tko xakn̂e Seropeaci, Epe pen mumutho, yumumumnî thakwa mîk xakn̂e okwe. Emsîrî komo re mak xatken̂e. Maara, Noa, Okra, Miwka, Cihsa, ero wa xakn̂e noro yemsîrî komo yosotî.

34 Ero wa xatken̂e Manases yepamtho komo, yukuknomaxapu komo mak. 52.700 mîkyam xatken̂e.

35 On wara xatken̂e Eprain yepamtho kom hara, Sutera yepamtho komo xatken̂e Suteraita komo me, Beke yepamtho komo xatken̂e Bekerita komo me, Taan yepamtho komo xatken̂e Taanita komo me.

36 On wara xatken̂e Sutera pen mumutho kom hara, Eran yepamtho komo xatken̂e Eranita komo me.

37 Ero wa xatken̂e Eprain mumutho yepamtho komo, yukuknomaxapu komo mak. 32.500 mîkyam xatken̂e. Ero wa xatken̂e Xose yepamtho komo noro re yepamtho kom ha.

38 On wara xatken̂e Benxamin mumutho yepamtho kom hara, Bera yepamtho komo xatken̂e Beraita komo me, Asbew yepamtho komo xatken̂e Asberita komo me, Airan yepamtho komo xatken̂e Airamita komo me.

39 Supan yepamtho komo xatken̂e Supamita komo me, Upan yepamtho komo xatken̂e Upamita komo me.

40 On wara xatken̂e Bera mumutho komo, Ahce, Naaman, ero wa xatken̂e Bera mumutho komo. Ahce yepamtho komo xatken̂e Ahcita komo me, Naaman yepamtho komo xatken̂e Naamanita komo me.

41 Ero wa xatken̂e Benxamin mumutho yepamtho komo, noro re yepamtho komo, yukuknomaxapu kmo mak. 45.600 mîkyam xatken̂e.

42 On wara xatken̂e Taan mumutho yepamtho kom hara, Suan yepamtho komo xatken̂e Suamita komo me. Ero wa xatken̂e Taan yepamtho komo.

43 Suamita komo mak xatken̂e Taan yepamtho me, yukuknomaxpu komo mak. 64.400 mîkyam xatken̂e.

44 On wara xatken̂e Ase mumutho yepamtho kom hara, Imna yepamtho komo xatken̂e Imnaita komo me, Ispi yepamtho komo xatken̂e Ispita komo me, Berias yepamtho komo xatken̂e Berita komo me.

45 On wara xatken̂e Berias mumutho yepamtho kom hara, Ebe yepamtho komo xatken̂e Eberita komo me, Mawkiew yepamtho komo xatken̂e Mawkierita komo me.

46 Cemsîke marha tî xakn̂e Ase pen. Sera tî xakn̂e noro pen yemsîtho.

47 Ero wa xatken̂e Ase mumutho yepamtho komo, yukuknomaxapu komo mak, 53.400 mîkyam xatken̂e.

48 On wara xatken̂e Nahtari mumutho yepamtho kom hara, Xaseew yepamtho komo xatken̂e Xaseerita komo me, Kuun̂i yepamtho komo xatken̂e Kun̂ita komo me.

49 Xese yepamtho komo xatken̂e Xesita komo me, Siren yepamtho komo xatken̂e Siremita komo me.

50 Ero wa xatken̂e Nahtari yepamtho komo, noro re yepamtho kom ha, yukuknomaxapu komo mak. 45.400 mîkyam xatken̂e.

51 Taa, on wicakî mîkyam xatken̂e Ixaw Yana komo, yukuknomaxapu komo ahnoro. 601.730 mîkyam xatken̂e. Ero wicakî xatken̂e.

52-53 Ero yinhîrî on wara kekn̂e Kporin komo Moises ya, Amn̂e Ixaw Yana komo rowon wokpametaw, On men arowonî ro komo, ketaw yîwya so, osotî komo mewrecoko, ahnoro noro re yepamtho komo yosotî. Yukuknomacoko marha. Ero wicakno xa ahsîcoko arowon komo awecenarîno ha, kasko yîwya so.

54 Mer̂pora exitaw so noro re yepamtho komo porin me n̂he yukuknomacoko yîrowon komo. Asakî mak exitaw so noro re yepamtho komo wahra n̂hema yukuknomacoko yîrowon kom hara. Ero wa noro re yepamtho komo nahsîrî ro yîhtînocoko osotî komo yukuknomacho poko, mewrexapu poko ha.

55 Men̂ekacho ka ar̂macoko mewrexapu, Ero ham n̂examro rowonî ro, kachome awya so. Ero re po mak n̂esekenmacowpe noro re yepamtho komo. Mîn xa nahsîcowpe n̂examro, mîn xa nahsîcowpe n̂examro hara, kacoko yîwya so roowo yekamyataw awya so.

56 Emapona roro ar̂macoko men̂ekacho yînahsîrî komo yîhtînotome awya so. Ero wa yîhtînocoko mer̂pono pîn komo nahsîrî, asak makno komo nahsîrî marha. Ero wa yîhtînocoko yînahsîrî kom ha.

57 Taa, on wara xatken̂e Repita kom hara. N̂examro marha nukuknometken̂e. Xehson yepamtho komo xatken̂e Xehsonita komo me, Koace yepamtho komo xatken̂e Koacita komo me, Merari yepamtho komo xatken̂e Merarita komo me hara.

58 On wara xatken̂e Repita komo, Ribn̂ita komo xatken̂e, Ebronita komo marha, Marita komo marha, Musita komo marha, Koreita komo marha. Ero wa xatken̂e Repi yepamtho komo, noro re yepamtho me cehsom kom ha. Ero wa xatken̂e.

59 Taa, Amraw xakn̂e anarî Koace yepamtho komo. Xokebece xakn̂e Amraw pici. Repi yepamtho rma mîk xakn̂e Xokebece. Repi yepamtho me tî noro n̂ewruyakn̂e Exitu po. On wara xatken̂e noro mrerî kom hara Amraw mumuru kom ha, Araw, Moises. Mirian marha xakn̂e n̂examro yepeka.

60 On wara xatken̂e Araw pen mumutho kom hara, Natabe, Abiu, Ereasa, Itama. Ero wa so xatken̂e Araw pen mumutho komo.

61 Natabe pen komo tko waihyatken̂e okwe, Abiu pen yakro rma. Kotoporem nakn̂iyatken̂e Kporin komo ya tîmsom. Kaanî mtapotacho yaw rorono pîn ke tko tî nakn̂iyatken̂e, wehto ke. Ero poyero tî waihyatken̂e okwe.

62 On wicakî xatken̂e Repita komo, kîrkomo kuknomacho mak, cewn̂e nuun̂i ehxapu komo nukuknometken̂e, ero yopono komo marha. 23.000 mîkyam xatken̂e. Anarî komo yakro yukuknomara xatken̂e Repita komo. Cewyaro mak nukuknometken̂e tîrowonî ro yahsîn̂e pîn me cexirî ke so. Ixaw Yana komo yakro ahsîra xatken̂e tîrowonî ro komo. Ero wa xatken̂e Repita komo reha.

63 Ero wa so xakn̂e Ixaw Yana komo kuknomacho. Moises komo nukuknometken̂e Ereasa yakro. Moabe woskaran po exitaw so nukuknometken̂e, Xotaw yecihtaw, Xer̂ko yecento rma. Iito exitaw so nukuknometken̂e.

64 Ero yimaw yukuknometaw exihra ro mak takî tî xakn̂e pahxa yukuknomaxapunhîrî pen komo. Sinai Yaxawan po nukuknometken̂e Moises komo pahxa ha ka. Araw yakro nukuknometken̂e Kaan yaka cewomsom yakro. Pahxa yukuknomaxapunhîrî pen komo exihra ro makî tak xatken̂e yukuknometaw so xa hara. Cewn̂e n̂hema exihra xakn̂e.

65 On po rma men mîwaiyaxe okwe axawa imo po, kekn̂e Kporin komo yîwya so Ixaw Yana komo ya. Ero ke exihra ro mak tak xatken̂e noro yipu komo ero yimaw, yukuknometaw xa hara. Karebe makî reha xakn̂e Xepon̂e mumutho. Xoswe marha xakn̂e Nun mumutho. Ero wa mak xatken̂e pahxa yukuknomaxapu komo. Ero wa xatken̂e.