1-2 Taa, ero yinhîrî tak on wara kekn̂e hara Kporin komo Moises ya, Araw komo ya, On wara men tîmîn komo n̂iicowpe Ixaw Yana komo cetarî komo yeen̂ataw, Kesentacho mamhoko n̂iicowpe mooxe n̂he cik ha re ero yai. Banteira mîtkoso rma n̂iicowpe tîmîn komo, tîyana komo kuknon mîtkoso, tporin pen komo kuknon mîtkoso marha.

3-4 Taa, resce n̂ixa tîmîn komo n̂iicowpe Xuta yepamtho komo. Iina n̂iicowpe banteira tukuknon komo. Ero mîtkoso tîmîn komo n̂iicowpe. Iina re tîmîn komo n̂iicowpe n̂examro re. N̂examro yaan̂e me nasî Nason, Aminatabe mumuru. On wicakno mîkyam yînarîrî komo, 74.600.

5-6 N̂examro panaka rma tîmîn komo n̂iicowpe Isaka yepamtho kom hara. N̂examro yaan̂e me cirko N̂etanaew, Sua mumuru. On wicakno mîkyam yînarîrî komo, 54.400.

7-8 N̂examro panaka rma tîmîn komo n̂iicowpe Seburon yepamtho kom hara. N̂examro yaan̂e me cirko Eriabe, Eron mumuru. On wicakno mîkyam yînarîrî komo, 57.400.

9 On wicakno mîkyam ahnoro Xuta yepamtho komo, yîmîtwono komo yakro rma, 186.400. Awcetaw so awetarî komo yai n̂examro xa tocowpe poturme.

10-11 Taa, suu n̂ixa tak n̂ehcowpe banteira hara Huben yepamtho komo kuknon, ero mîtkoso tîmîn komo n̂iicowpe n̂examro. Tîracoi so rma n̂ehcowpe noro re me rma. Huben yepamtho komo yaan̂e me cirko Erisuru, Seteu mumuru. On wicakno mîkyam hara, 46.500.

12-13 N̂examro panaka rma tîmîn komo n̂iicowpe Simeaw yepamtho kom hara. N̂examro yaan̂e me cirko Serumiew, Surisatai mumuru ha. On wicakno mîkyam hara yînarîrî komo, 59.300.

14-15 N̂examro panaka hara tîmîn komo n̂iicowpe Kaace yepamtho kom hara. N̂examro yaan̂e me cirko Eriasape, Teuew mumuru. On wicakno mîkyam hara yînarîrî komo, 45.650.

16 On wicakno mîkyam ahnoro Huben yepamtho komo, yîmîtwono komo marha, 151.450. Awcetaw so awetarî komo yai n̂examro tak tocowpe Xuta yepamtho komo mapitaw.

17 Taa, Huben yepamtho komo mapitaw tak tocowpe Kesentacho yaan̂e kom hara. Repita komo tocowpe ero yaan̂e me. Ixaw Yana komo rakataw tocowpe. Cetakriyataw so tîmîn komo n̂iicowpe Ixaw Yana komo rakataw, ero wa xa marha tocowpe esama yaw hara, n̂examro rakataw rma. Tukuknon komo mîtwo rma tocowpe.

18-19 Taa, resce n̂ixa n̂expe banteira hara, Eprain yepamtho komo kuknon, n̂examro yakrono komo kuknon marha. Iina tîmîn komo n̂iicowpe tukuknon komo mîtkoso. Tîracoi so rma n̂ehcowpe noro re me rma. N̂examro yaan̂e me cirko Erisama, Amiuci mumuru. On wicakî mîkyam hara yînarîrî komo, 40.500.

20-21 N̂examro panaka hara tîmîn komo n̂iicowpe Manases yepamtho kom hara. N̂examro yaan̂e me cirko Kamariew, Petasu mumuru. On wicakî yakenon mîkyam hara, 32.200.

22-23 N̂examro panaka hara tîmîn komo n̂iicowpe Benxamin yepamtho kom hara. N̂examro yaan̂e me cirko Abitan, Xiteon̂i mumuru. On wicakî yakenon mîkyam hara, 35.400.

24 On wicakno mîkyam ahnoro Eprain yepamtho komo, yîmîtwono komo marha, 108.100. Awcetaw so awetarî komo yai n̂examro tocowpe Huben yepamtho komo mapitaw hara. Ero wa xa nasî n̂examro totopo.

25-26 Taa, nohce n̂ixa n̂expe banteira hara, Taan yepamtho komo kuknon. Iina xa tîmîn komo n̂iicowpe tukuknon komo mîtkoso. Tîracoi so rma n̂ehcowpe noro re me rma. N̂examro yaan̂e me cirko Aiese, Amisatai mumuru. On wicakno mîkyam hara yînarîrî komo, 62.700 iyakenon kom ha.

27-28 N̂examro panaka hara tîmîn komo n̂iicowpe Ase yepamtho kom hara. N̂examro yaan̂e me cirko Paxiew, Okran mumuru. On wicakî mîkyam hara yînarîrî komo, 41.500.

29-30 N̂examro panaka hara tîmîn komo n̂iicowpe Nahtari yepamtho kom hara. N̂examro yaan̂e me cirko Aira, Enan mumuru. On wicakno mîkyam hara yînarîrî komo, 53.400.

31 On wicakno komo mîkyam ahnoro Taan yepamtho, yîmîtwono komo marha, 157.600 yakenon mîkyam. Awcetaw so awetarî komo yai n̂examro tocowpe amapitaw so xa tak. Tukuknon komo mîtwo rma tocowpe, kekn̂e. Ero wa kekn̂e Kporin komo Moises ya.

32 Ero ke on wicakî xatken̂e ahnoro Ixaw Yana komo, 603.550 mîkyam xatken̂e. Ahnoro nukuknometken̂e kîrkomo, sowtatu me cehsom komo. Yîîm komo yosotî yakro rma osotî komo mewretken̂e. Iina re so mewretken̂e noro re yepamtho komo yosotî. Ero wa mewretken̂e.

33 Repita komo reha yukuknomara xatken̂e Ixaw Yana komo yukuknometaw. Ero wa xatken̂e Kporin komo mtapotacho yaw roro rma, Moises ya kekn̂e ero yaw roro rma.

34 Ero ke Kporin komo mtapotacho yaw roro rma tîmîn komo n̂iitîketken̂e. Banteira komo mîtkoso rma n̂iir̂atken̂e, tukuknon komo mîtkoso rma. Moises ya kekn̂e ero yaw roro rma n̂iir̂atken̂e. Ero wa marha cetken̂e cetarî komo yai. Tîyanan komo yakro rma cetken̂e, tporin pen komo yepamtho yakro ha. Ero wa cetken̂e.