Taa, Kporin komo tak nîmtapowakn̂e xa hara Moises yakro Sinai yaxawan po rma ka exitaw Ixaw Yana komo. Iito xakn̂e Kaan mîn, Noro yakro esentacho komo. Ero ke ero yaw kekn̂e. 2-înhîrî cimn̂ipu po kekn̂e. Ero wicakî xakn̂e Ixaw Yana komo mohtoponho Exitu poi. 2-înhîrî nuun̂i po kekn̂e, 1-înhîrî kaamo po ha. Ero yimaw xa nîmtapowakn̂e Kporin komo.

2 On wara kekn̂e Moises ya, Ai Moises, Ixaw Yana komo tak yukuknomacoko ahnoro. Osotî komo mewrecoko ahnoro. Etîyananî re me cehsom komo yosotî mewrecoko iina re, noro re yepamtho me cehsom komo yosotî marha. Ero wa so kîrkomo yosotî mewrecoko yukuknomachome awya so.

3 Amoro Moises, Araw yakro ehcoko yukuknomano rin̂e me. Kîrkomo mak yukuknomacoko, 20 cimn̂ipu ehxapu komo, ero yopo ehxapu komo marha. Karitî komo n̂he mak yukuknomacoko sowtatu me cehsom komo mak.

4 Taa, awakro so yukuknoman̂e komo wetahcasî. Mîk hak tribun poino wetahcasî cewn̂e so. Tîyanan yaan̂e komo mîkyam wetahcasî awakro so yukuknoman̂e komo me.

5 On wara nasî awakro so yukuknomano rin̂e komo yosotî, Huben yepamtho Erisuru, Seteu mumuru.

6 Simeaw yepamtho hara, Serumiew, Surisatai mumuru.

7 Xuta yepamtho hara, Nason, Aminatabe mumuru.

8 Isaka yepamtho hara, N̂etanaew, Sua mumuru.

9 Seburon yepamtho hara, Eriabe, Eron mumuru.

10 Xose pen mumutho yepamtho poino hara, Eprain yepamtho reha, Erisama, Amiuci mumuru. Manases yepamtho hara, Kamariew, Petasu mumuru.

11 Benxamin yepamtho hara, Abitan, Xiceoni mumuru.

12 Taan yepamtho hara, Aise, Amisatai mumuru.

13 Ase yepamtho hara, Paxiew, Okran mumuru.

14 Kace yepamtho hara, Eriasape, Teuew mumuru.

15 Nahtari yepamtho hara, Aira, Enan mumuru.

16 Ero warai komo etacicoko awakronoman̂e komo me. Ixaw Yana yaan̂e komo re mîkyam, tporin pen tribun komo yaan̂e kom ha, kekn̂e Kporin komo.

17 Ero ke n̂examro tak nan̂ikyakn̂e Moises, Araw kom ha. Kporin komo n̂etacitho komo mîkyam nan̂ikyakn̂e.

18 N̂examro mokuche Ixaw Yana komo ahnoro tak nan̂ikyatken̂e. 2-nhîrî nuun̂i po nan̂ikyatken̂e, 1-nhîrî kaamo po. Kîrkomo yosotî tak mewretken̂e 20 cimn̂ipu ehxapu komo, ero yopono komo marha. Noro yipu komo mewretken̂e iina re, yîîm komo yosotî yakro rma, porin pen komo yosotî yakro marha. Ero wa mewretken̂e.

19 Kporin komo kekn̂e Moises ya ero yaw roro rma n̂iir̂akn̂e. Sinai Yaxawan po rma exitaw Ixaw Yana komo n̂examro nukuknometken̂e.

20-21 Taa, Huben yepamtho komo ka nukuknometken̂e. Ixaw pen mumutho mîk xakn̂e Huben pen, potuthîrî ha. Kîrkomo mak nukuknometken̂e, 20 cimn̂ipu ehxapu komo, ero yopono komo marha. Sowtatu me cehsom komo mak mewretken̂e. Noro yipu komo yosotî mewretken̂e iina re yîîm komo yosotî yakro rma, porin pen komo yosotî yakro marha. On wicakî xatken̂e n̂examro, Huben yepamtho komo, 46.500 xatken̂e.

22-23 Ero yinhîrî tak Simeaw yepamtho komo nukuknometken̂e hara. Kîrkomo mak nukuknometken̂e 20 cimn̂ipu ehxapu komo, ero yopono komo marha. Sowtatu me cehsom komo mak mewretken̂e. Noro yipu komo yosotî mewretken̂e iina re yîîm komo yosotî yakro rma, porin pen komo yosotî yakro marha. On wicakî xatken̂e n̂examro Simeaw yepamtho komo, 59.300 xatken̂e.

24-25 Ero yinhîrî tak Kace yepamtho komo nukuknometken̂e hara. Kîrkomo mak nukuknometken̂e 20 cimn̂ipu ehxapu komo, ero yopono komo marha. Sowtatu me cehsom komo mak mewretken̂e. Noro yipu komo yosotî mewretken̂e iina re yîîm komo yosotî yakro rma, porin pen komo yosotî yakro marha. On wicakî xatken̂e n̂examro Kace yepamtho komo, 45.650 xatken̂e.

26-27 Ero yinhîrî tak Xuta yepamtho komo nukuknometken̂e hara. Kîrkomo mak nukuknometken̂e 20 cimn̂ipu ehxapu komo, ero yopono komo marha. Sowtatu me cehsom komo mak mewretken̂e. Noro yipu komo yosotî mewretken̂e iina re yîîm komo yosotî yakro rma, porin pen komo yosotî yakro marha. On wicakî xatken̂e n̂examro Xuta yepamtho komo, 74.600 xatken̂e.

28-29 Ero yinhîrî tak Isaka yepamtho komo nukuknometken̂e hara. Kîrkomo mak nukuknometken̂e 20 cimn̂ipu ehxapu komo, ero yopono komo marha. Sowtatu me cehsom komo mak mewretken̂e. Noro yipu komo yosotî mewretken̂e iina re, yîîm komo yosotî yakro rma, porin pen komo yosotî yakro marha. On wicakî xatken̂e n̂examro Isaka yepamtho komo, 54.400 xatken̂e.

30-31 Ero yinhîrî tak Seburon yepamtho komo nukuknometken̂e hara. Kîrkomo mak nukuknometken̂e 20 cimn̂ipu ehxapu komo, ero yopono komo marha. Sowtatu me cehsom komo mak mewretken̂e. Noro yipu komo yosotî mewretken̂e iina re yîîm komo yosotî yakro rma, porin pen komo yosotî yakro marha. On wicakî xatken̂e n̂examro Seburon yepamtho komo, 57.400 xatken̂e.

32-33 Ero yinhîrî tak Xose yepamtho komo nukuknometken̂e. Eprain yepamtho komo ka nukuknometken̂e. Kîrkomo mak nukuknometken̂e 20 cimn̂ipu ehxapu komo, ero yopono komo marha. Sowtatu me cehsom komo mak nukuknometken̂e. Osotî mewretken̂e iina re yîîm komo yosotî yakro rma, porin pen komo yosotî yakro marha. On wicakî xatken̂e n̂examro Eprain yepamtho komo, 40.500 xatken̂e.

34-35 Ero yinhîrî tak Manases yepamtho komo nukuknometken̂e hara. Kîrkomo mak nukuknometken̂e 20 cimn̂ipu ehxapu komo, ero yopono komo marha. Sowtatu me cehsom komo mak mewretken̂e. Noro yipu komo yosotî mewretken̂e iina re yîîm komo yosotî yakro rma, porin pen komo yosotî yakro marha. On wicakî xatken̂e n̂examro Manases yepamtho komo, 32.200 xatken̂e.

36-37 Ero yinhîrî tak Benxamin yepamtho komo nukuknometken̂e hara. Kîrkomo mak nukuknometken̂e 20 cimn̂ipu ehxapu komo, ero yopono komo marha. Sowtatu me cehsom komo mak mewretken̂e. Noro yipu komo yosotî mewretken̂e iina re yîîm komo yosotî yakro rma, porin pen komo yosotî yakro marha. On wicakî xatken̂e n̂examro Benxamin yepamtho komo, 35.400 xatken̂e.

38-39 Ero yinhîrî tak Taan yepamtho komo nukuknometken̂e hara. Kîrkomo mak nukuknometken̂e 20 cimn̂ipu ehxapu komo, ero yopono komo marha. Sowtatu me cehsom komo mak mewretken̂e. Noro yipu komo yosotî mewretken̂e iina re yîîm komo yosotî yakro rma, porin pen komo yosotî yakro marha. On wicakî xatken̂e n̂examro Taan yepamtho komo, 62.700 xatken̂e.

40-41 Ero yinhîrî tak Ase yepamtho komo nukuknometken̂e hara. Kîrkomo mak nukuknometken̂e 20 cimn̂ipu ehxapu komo, ero yopono komo marha. Sowtatu me cehsom komo mak mewretken̂e. Noro yipu komo yosotî mewretken̂e iina re yîîm komo yosotî yakro rma, porin pen komo yosotî yakro marha. On wicakî xatken̂e n̂examro Ase yepamtho komo, 41.500 xatken̂e.

42-43 Ero yinhîrî tak Nahtari yepamtho komo nukuknometken̂e hara. Kîrkomo mak nukuknometken̂e 20 cimn̂ipu ehxapu komo, ero yopono komo marha. Sowtatu me cehsom komo mak mewretken̂e. Noro yipu komo yosotî mewretken̂e iina re yîîm komo yosotî yakro rma, porin pen komo yosotî yakro marha. On wicakî xatken̂e n̂examro Nahtari yepamtho komo, 53.400 xatken̂e.

44 Ero wicakî xatken̂e kîrkomo iyakenon, Moises, Araw komo nukuknomatho. 12 xatken̂e akronoman̂e komo. Ixaw Yana yaan̂e komo mîkyam xatken̂e, tîyanan komo yaan̂e komo mak.

45-46 Ero wa Ixaw Yana komo nukuknometken̂e 20 cimn̂ipu ehxapu komo, ero yopono komo marha. Sowtatu me cehsom komo mak nukuknometken̂e. Noro yipu komo mewretken̂e iina re yîîm komo yosotî yakro rma. 603.550 yakenon mîkyam xatken̂e. Ero wicakno mîkyam xatken̂e Ixaw Yana komo.

47-49 Repita komo reha yukuknomara xatken̂e n̂examro porin pen yepamtho komo. On wara matko kekn̂e Kporin komo Moises ya, Ixaw Yana komo yukuknometaw awya so, Repita komo n̂expe yukuknoman me.

50 Omîn pokono me reha n̂examro cirko, omtapotacho mîn yawno pokono me ha. Ero yawno komo pokono me marha n̂examro cirko, ero yipu yaan̂e me marha. Ero ponarono me xa n̂examro cirko. Ero ke omîn mîtkoso rma tîmîn komo n̂iicowpe.

51 Omîn yaatopo me exitaw tak yixkan̂e me n̂examro n̂ehcowpe. Ero yinhîrî ero ciitopo me exitaw hara n̂examro xa marha n̂ehcowpe ciin̂e me hara. Ero wece mokyataw anarî yepamtho, Repita pîn, noro pen waihkacoko.

52-53 On wara men n̂ehcowpe Ixaw Yana komo reha tîmîn komo ciir̂ataw. Tukuknoi so mak n̂iicowpe, tîyanan komo kuknon mîtkoso rma. Mehxa anarî komo, xehxa anarî kom hara, ero wa tîmîn komo n̂iicowpe tîyanan komo kuknon mîtkoso rma. Ero warahra tko tîmîn komo n̂iicowpe Repita komo reha, omîn mamhoko reha n̂iicowpe n̂examro tîmîn komo. Iina n̂iicowpe yîrwomra ro mak ehtome Kaan Ixaw Yana komo poko. Omîn pokono me xa naxe n̂examro omtapotacho mîn yawno pokono me ha. Ero pokono me makî reha n̂ehcowpe. Ero ke omîn mîtkoso n̂iicowpe tîmîn komo. Ero wa n̂ehcowpe Repita komo, kekn̂e. Ero wa kekn̂e Kporin komo Moises ya.

54 Ero ke ero wara rma n̂iir̂atken̂e Ixaw Yana komo, Kporin komo kekn̂e Moises ya ero yaw roro rma. Ero wa n̂iir̂atken̂e.