Taa, Ataw pen yepamtho komo tak wekatîmyas awya so. On wara tî xakn̂e Ataw, Kaan nakîhtotho tî mîk xakn̂e. Twarai me rma tî nakîhcekn̂e Kaan. Ero wa tî nakîhcekn̂e.

2 On wara tî n̂examro nakîhcekn̂e, kîîrî me tî nakîhcekn̂e, woosî me marha tî nakîhcekn̂e. Akîhtoche takî tî Ataw me nosohcekn̂e. Ero wa tî osohtono n̂iirakn̂e akîhtotoponhîrî po rma.

3 Taa, on wara tî xakn̂e Ataw, 130 cimn̂ipu tî ka xakn̂e ewrutoponhîrî. Ero yimaw takî tî yumumuru n̂ewruyakn̂e Sece ha. Tîîm warai me rma tî n̂ewruyakn̂e. Ero wa tî n̂ewruyakn̂e Seci.

4 Ero yinhîrî pahkî rma tî xakn̂e hara Ataw, 800 cimn̂ipu rma tî xakn̂e Sece yewruche. Yaake takî tî n̂ewruyatken̂e yumumuru komo, emsîrî komo marha.

5 Mer̂pora takî tî Ataw n̂icimn̂ipunwakn̂e, 930 cimn̂ipu takî tî xakn̂e ewrutoponhîrî. Ero yimaw takî tî waihyakn̂e Ataw pen okwe.

6 Taa, on wara tî xakn̂e yumumuru hara Sece ha, 105 cimn̂ipu tî ka xakn̂e ewrutoponhîrî. Ero yimaw tî yumumuru n̂ewruyakn̂e hara Enos ha tî. Ero wa tî n̂ewruyakn̂e Enos.

7 Ero yinhîrî pahkî rma tî ka xakn̂e yîîm, 807 rma tî n̂icimn̂ipunwakn̂e Enos yewruche. Yaake xa hara tî n̂ewruyakn̂e yumumuru komo emsîrî komo marha.

8 Ero yinhîrî takî tî waihyakn̂e Sece pen 912 cimn̂ipu exitaw ewrutoponhîrî. Ero wicakî tî n̂icimn̂ipunwakn̂e Sece pen.

9 Taa, on wara tî xakn̂e yumumuru hara Enos, 90 yicimn̂ipuntache noro mumuru takî tî n̂ewruyakn̂e hara Kainan tî osotî.

10 Ero yinhîrî pahkî rma tî ka xakn̂e Enos, 815 rma tî n̂icimn̂ipunwakn̂e Kainan yewruche. Yaake xa hara tî n̂ewruyatken̂e yumumuru komo, emsîrî komo marha.

11 Ero yinhîrî takî tî waihyakn̂e Enos pen 905 cimn̂ipu exitaw tak ewrutoponhîrî. Ero wicakî tî n̂icimn̂ipunwakn̂e Enos pen.

12 Taa, on wara tî xakn̂e Kainan hara, 70 tî ka n̂icimn̂ipunwakn̂e. Ero yimaw takî tî noro mumuru n̂ewruyakn̂e hara Maararew tî osotî.

13 Ero yinhîrî pahkî rma tî xakn̂e Kainan, 840 rma tî n̂icimn̂ipunwakn̂e Maararew yewruche. Yaake xa hara tî n̂ewruyatken̂e yumumuru komo, emsîrî komo marha.

14 Ero yinhîrî takî tî waihyakn̂e Kainan pen 910 cimn̂ipu exitaw tak ewrutoponhîrî. Ero wicakî tî n̂icimn̂ipunwakn̂e Kainan pen.

15 Taa, on wara tî xakn̂e Maararew hara, 65 tî ka n̂icimn̂ipunwakn̂e. Ero yimaw tî yumumuru n̂ewruyakn̂e hara Xereci tî osotî.

16 Ero yinhîrî pahkî rma tî xakn̂e Maararew, 830 rma tî n̂icimn̂ipunwakn̂e Xereci yewruche. Yaake xa hara tî n̂ewruyatken̂e yumumuru komo, emsîrî komo marha.

17 Ero yinhîrî takî tî waihyakn̂e Maararew pen 895 cimn̂ipu exitaw takî tî ewrutoponhîrî. Ero wicakî tî n̂icimn̂ipunwakn̂e Maararew pen.

18 Taa, on wara tî xakn̂e yumumuru hara Xerece, 162 tî ka n̂icimn̂ipunwakn̂e. Ero yimaw tî yumumuru n̂ewruyakn̂e hara Enoke tî osotî.

19 Ero yinhîrî pahkî rma tî xakn̂e Xerece, 800 rma tî n̂icimn̂ipunwakn̂e Enoke yewruche. Yaake xa hara tî n̂ewruyatken̂e yumumuru komo, emsîrî komo marha.

20 Ero yinhîrî takî tî waihyakn̂e Xerece pen 962 cimn̂ipu exitaw ewrutoponhîrî. Ero wicakî tî n̂icimn̂ipunwakn̂e Xereci pen.

21 Taa, on wara tî xakn̂e Enoke hara, 65 tî ka n̂icimn̂ipunwakn̂e. Ero yimaw tî yumumuru n̂ewruyakn̂e hara Matusaren tî osotî.

22 Ero yinhîrî pahkî rma tî xakn̂e Enoke 300 wicakî cimn̂ipu ka xakn̂e noro yewrutoponho. Yaake xa hara tî n̂ewruyatken̂e yumumuru komo, emsîrî komo marha. Kaan yakro cetarisom tî mîk xakn̂e Enoke. Pahkî tî ero wa xakn̂e 300 cimn̂ipu wicakî pahkînon.

23 Ero ke yaake cimn̂ipu tî xakn̂e Enoke yewrutoponho 365 cimn̂ipu ha tî.

24 Ero wa tî xakn̂e Enoke, Kaan yakrono ro xa tî mîk xakn̂e. 365 cimn̂ipu exiche tak exihra takî tî xakn̂e noro pen roowo po. Kaan tî naar̂akn̂e tîhyaka. Ero wa tî xakn̂e Enoke pen.

25 Taa, on wara tî xakn̂e Matusaren hara, 187 tî ka n̂icimn̂ipunwakn̂e. Ero yimaw tî yumumuru n̂ewruyakn̂e hara Rameke tî osotî.

26 Ero yinhîrî pahkî rma tî xakn̂e Matusaren, 782 tî n̂icimn̂ipunwakn̂e Rameke yewruche. Yaake xa hara tî n̂ewruyatken̂e yumumuru komo, emsîrî komo marha.

27 Ero yinhîrî takî tî waihyakn̂e Matusaren pen 969 cimn̂ipu exitaw tak ewrutoponhîrî. Ero wicakî tî n̂icimn̂ipunwakn̂e Matusaren pen.

28 Taa, on wara tî xakn̂e Rameke hara, 182 tî ka n̂icimn̂ipunwakn̂e. Ero yimaw tî yumumuru n̂ewruyakn̂e hara.

29 On wara tî kekn̂e tumumuru poko ciki, Noe moso ham osot ha. Ahwora ro mak taxe okwe emapona roro roowo pomorî poko kexirî ke so. Tpokaxi ro thakwa cekaricexe roowo poko, Kporin komo nîwîrîmatho poko. Moso tko kahworexe so hara. Ero ke Noe me wosohcesî, kekn̂e tî Rameke.

30 Ero yinhîrî pahkî rma tî xakn̂e Rameke, 595 tî n̂icimn̂ipunwakn̂e Noe yewruche. Yaake xa hara tî n̂ewruyatken̂e yumumuru komo, emsîrî komo marha.

31 Ero yinhîrî takî tî waihyakn̂e Rameke pen 777 cimn̂ipu exitaw tak ewrutoponhîrî. Ero wicakî tî n̂icimn̂ipunwakn̂e Rameke pen.

32 Taa, pahkî tî ka xakn̂e Noe 500 cimn̂ipu ha tî. Ero yinhîrî tî n̂ewruyatken̂e yumumuru komo. On wara tî xakn̂e yumumuru komo yosotî, Sem, Kaw, Xape, ero wa tî Noe mumuru komo yosotî xakn̂e.