No-Linjili Jonone Konopu Alowa Teringi Yamboma No Linjirimu Temanemoa
3
(Pulu Yemonga Ungumu. Kolomongo-kanga wane.)
˻Yesusi Nasarete-taonona we molopili˼ No-Linjili Jono omba kolea Judia-Disiriki sukundu kolea ku leline opa ungu nimbelie nimbendo:
2 “Pulu Yemo ye-nomi-kingimu molomba walemo nondopa wendo ombá tekemo kene enenga ulu-pulu-keri teringi konopuna pelemoma munduku kelko konopu alowa teai!” nirimu.
3 Kanu yemo ˻ou naa molopili paa koronga-ou˼ Pulu Yemone ungu-umbu tonjirimuma pilipe yamboma nimbe sirimu yeb Aisayane Pulu Yemonga ungu te nimbe sipe boku torumu. Kanu ungumu i-sipe:
“Kolea ku leline yambo tenga kerena
ungu te nimbendo:
“Ailimu ombá aulkemo teko mimi tenjei!
Yu ombá aulke kangama
toko sumbi-siei!” nikimu.”c Aisaya 40:3
nirimu. ˻Aisayane Jonone paa pe temba mele ou aku-sipe nimbe panjipe boku torumu.˼
4 Jono yu kongi-kemelenga indini teli wale-pakoli te pakopa, kongi kilumuni teli kako te topalie, kulikumbe kinie pilimu-no kinie aku langitolo mindi nomba molorumu.
5 Kanu-kinie kolea-aili Jerusalleme-yamboma kinie Jerusalleme lerimu kolea Judia-Disiriki pali yamboma kinie kolea Jodane pali yamboma kinie kanu yemo molorumuna pukulie niringimuni,
6 No-Jodane sukundu pukulie enene ulu-pulu-keri teringime ningu para siringi kinie yuni ene no linjirimu.
7 Yuni ˻Juda-yambomanga ye-aili˼ Parisime kinie Sadusime kinied aisili no lingíndu oringi kanopalie nirimumuni, ene iri topalie nimbendo:
“Kolo topa yamboma tepa kenjili wambiyemonga waloma, Pulu Yemo mumindili kolomba walemonga naene “Ene talopa lelko pai!” nimu kinie ene ‘Pulu Yemone naa tepa kenjipili!’ ningu ‘No liemili!’ ningu okomeleye?
8 Ene sumbi-siku molko, ulu peangama mindi teko molonge kinie ene ulu-pulu-keri teringime paa sike munduku kelko konopu alowa tenge mele mona lemba.
9 “Olio anda-kolepa Eporayamone kalopa lirimuma molemolomonga yambo peangama molemolo.” ningu aku-siku ningu naa pilieme! Nane ene nimbu sikiru: ‘Pulu Yemone i koumando “Eporayamone kalopa lirimu yamboma au leangi!” nilkenje kouma Eporayamone kalopa lirimu yamboma molemelka.’ nikiru. Ene Eporayamone kalopa lirimu yamboma molemelemonga uluri naa telemo.e
10 “Unju peko tomba loumu Pulu Yemone koronga unju-puluna ambolopa ola lipe molemo. Unju-mongo peanga naa tomba unjumaf yuni peko topalie tepena kalomba.
11 Nane ulu-pulu-kerime siye kolko konopu alowa telemele yamboma sike no linjilio. Nakolo te na akilipe ombámo yuni ˻Pulu Yemonga˼ Mini Kake Telimu kinie tepémo kinie ene linjimbe ˻lingí˼. I na akilipe ombá yemo yunge tondolomo paa olandopa, nanga tondolomo paa maniendopa. Na yu-kinie manda mólo! Yambo ailimenga kongono keri teli kendemande yambomane sike enenga ailimenga kongono keri tenjingindu kimbu-su wendo linjilimele nakolo na akilipe ombámonga kimbu-su wendo linjimbu kanu kongonomo paa olandopa mele, nane kapola naa tenjilke; ˻na ye paa keri˼.
12 “Yuni yunge rasi-witi apuruli apulu-pokomo ambolopalie yunge rasi-witi mongo kinie rasi-witi kilu kinie apurumbendo molemo. Yunge rasi-witi apuruli polomo tepa mimi tembando rasi-witi pali apurupe wendo lipelie mongoma lipe rasi-witi nosilimo ulkena ‘Lepili!’ nimbe nosimbendo ulkena lipe nosipe, pe kiluma lipe máku topa tepe naa kumbulupe nomba pepa mindi pulimona kalomba.” nirimu.
Jonone Yesusi No Linjirimu Temanemog
13 Jonone yamboma no linjipe molopili Yesusi kolea Gallilli-Disiriki mundupe kelepalie nirimumuni, ‘Jonone na no linjipili!’ nimbe Jono No-Jodane kélona molorumuna yu purumu.
14 Orumu kinie Jonone nimbendo: “Aku paa mólo! Nane nu no nambe-tepo linjembo ningu nikinuye? Nuni na no linjilinanje papu.” nirimu.
15 Nakolo Yesusini pundu topa nimbendo: “Mólo! Ulu kake teli uluma pali kapola tepili kene nikiru mele tei!” nirimu. Kanu-kinie Jonone “Kapola.” nimbe yu no linjirimu.
16 Yesusi no lipe pora sipelie nona sumbi-sipe wendo orumu. Wendo ombá orumu kinie mulúmu kengeya lepa anju-yando purumu, Pulu Yemonga Minimu, kera-waembono mele, manie omba Yesusi molorumuna pupe ˻kangine˼h ola molorumu kanorumu.
17 Kanu-kinie mulúna ola ungu te wendo ombalie, “I nanga konopu monjilio kangomo. Yu-kinie konopu sipu molio.” nirimu.i