Jesuspa Allin Willacuyninpi Juan Isquirbishan
Mana imapis cayällaptinlämi Diospa Limaynin cayälaña
1
Mana imapis cayaptinlämi Diospa Limaynin ñä cayälaña.
Paymi Dioswan cala;
paytacmi quiquin Dios cala.
2 Manaläpis ima ayca cayaptinlämi Tayta Dioswan cayälaña.
La Palabra (Juan 1.1-18)
3 Paywanmi Tayta Dios lluy lluy imacunactapis camala.
Manamá ima aycallapis paywan mana camaśhanꞌa canchu.
4-5 Pay quiquintacmi cawsachicüca.
Chay cawsayninmi juc acchinuy sumä yanawyayä tutapäćhünuy lluy nunacunäta acchin.
Ñatac tutawyayca imanaculpis acchïta manamá llallinmanchu.
6 Chaypämi juc nuna Juan śhutiyu Diospi caćhamuśhan cala.
7 Paymi llapa nuna chalapaculcänanpä acchïpi willaycul tantiaycachï śhamula.
8 Juanꞌa manam quiquin acchïchu,
sinuꞌa willacüllam puntamula.
9 Rasun acchicá llapan nunacunäta acchinanpämi cay pachäman ñaćhapaycayämula.
10 Payꞌa cay pachäćhu ñam cayälaña.
Masqui paywan cay pachäta Dios camayaptinpis,
nunacunaca manam lisïtuculcälachu.
11 Caśhta-masinman śhamuptinpis,
paycuná manam ćhasquipäculachu.
12 Ñatac ćhasquiycul chalapacücunätam ichá,
quiquinpa chulinpälä Diosninchic licaycun.
13 Paycuna manam nunap chulinnüllachu,
nï aychap munaśhallanmannu näsïpischu,
sinuꞌa Diospa munayninmannümi.
14 Ñatac Limayca nunaman muyulculmi yaꞌanchicwan cusca cay pachäćhu yaćhala.
Rasunpa licapäculá,
tantiapäculá Tayta Diospa japallan chulin maynu sumä caśhantam.
Paymi sumä-sumä llaquipaynintawan rasuncällacta lisiycachimanchic.
15 Paypïmi Bawtisä Juanpis willacula:
“Paypïtamari nipäculac:
‘Ipäta śhamücá yaꞌapïta mas puydïmi;
manalä cayaptí pay puntapi cayälañamá’ nil” nin.
16 Chay sumä-sumä cuyacuyninpïtam yapalcul yapalcul llaquipaycamanchic.
17 Ñatac Moisespïmi camachicuycätá ćhasquiycunchic;
llaquipäcuycätawan rasuncätam ichá Salbacüninchic Jesuspi ćhasquiycunchic.
18 Imaypis pipis Tayta Diosta manam licalachu;
sinuꞌa Chulin quiquin Dioswan cusca cawsäcällam paypïta camalachimälanchic.
Bawtisä Juantam “¿Pitan cayanqui?” nipäcun
19 Má,
caynümi pasala Juanwan:
Jerusalen malcäćhu cä Israel puydïcunämi sasirdüticunätawan yanapä Levïcunäta Juanman tapuchï caćhala “¿Pitá cayanqui?”
nil.
Niptinmi Juan rasuncällacta nila:
Juan el Bautista identifica al Mesías (Juan 1.19-34)
21 Niptinmi:
“¿Chayurá pitan cayanqui?
¿Willacü Eliaschun?”
nin.
Niptinmi:
“Manam” nin.
Niptinmi:
“Chayurá ¿Diospa willacünin caćhamunancächun?”
nin.
Nipäcuptinmi:
“Manatacmi” nin.
22 Niptinmi:
“Chayurá ¿mayanmá cayanqui?
Caćhamänïtam niycälinä cayan.
¿Mayan cayá nicuyanquitan?”
nin.
23 Nipäcuptinmi Diospa willacünin Isaiaspa limaśhanwan Juan nin:
“Chunyäninćhu ayaycaćhäcämi ‘Taytanchic ćhämunanpä sumäta allichaculcay’ nishanca cayá”a nila.
24 Niptinmi chay caćhapämuśhan fariseo caśhtacunaca nin:
25 “Mana Diospa Caćhamuśhan Salbacücäpis,
nï Eliaspis,
nï Diospa Willacüninpis cayalꞌa ¿imapïtan-nila bawtisayanqui?”
nil.
26-27 Nipäcuptinmi:
“Yaꞌa yacullawan bawtisäcällam cayá.
Ñatac amcunap ćhawpiquićhu cäcätam ichá mana lisipäcunquilächu.
Ipäta śhayämuptinpis uywayninnu śhucuyninpa watullanta pasquiycunäpäpis manam bälïchu” nila.
28 Lluy caycunam Juan bawtisaśhan Jordan mayup chimpan Betania malcaćhu pasala.
Jesusmi Diospa Śhuñaynin
29 Chay walantinmi Bawtisä Juan Jesusta śhayämüta licälul:
“¡Licapäcuy licapäcuy!
¡Paymá Tayta Diospa Śhuñaynin cayan jinantin nunacunäpa juchanchicta apananpä!
30 Paymari:
‘Ipäta śhamüca yaꞌapïta mas munayniyümi;
manalä näsiptïpis payꞌa cayälañamari’ nipäcuśhacca.
31 Rasunpa yaꞌa manalä lisilpis,
Israel caśhtacuna lisilpunanpämi yacuwan bawtisanä cala” nin.
32 Nishanpïtam:
“Quiquïmi licalá Diospa Chuya Ispiritun janay pachäpi palumanuy jiꞌalpalcamul paypa jananćhu quïdacuśhanta.
33 Manam yaꞌapis pay caśhanta lisilächu.
Yacuwan bawtisanäpä nimäcämi ichá:
‘Chuya Ispiritu uyaypa mayanmanpis jiꞌalpamul caśhancämi Chuya Ispirituwan bawtisäca canꞌa’ nimäla.
34 Chaymi canan ñawïwan lical Tayta Diospa Chulin rasunpa caśhanta yaćhayá” nila.
Jesusmi Pedroctawan Andresta yaćhapacünincunapä aclan
35 Chay walantinpis yapa chayćhümi Juan cayalcäla ishcay yaćhapacünincunawan.
Los seguidores siguen a Jesús (Juan 1.35-51)
36 Chayninpa Jesus pasayaptinmi Juan licälul:
“¡Licapäcuy,
licapäcuy!
¡Diospa uwishninmá!”
nin.
37 Chay nïta uyalïlälilmi ishcay yaćhapacünincuna,
Jesusta aticuyalcan.
38 Jesusñatacmi muyulcamul atipäcuśhanta licälul “¿Imactam munapäcunqui?”
nin.
Niptinmi:
“¿Yaćhachicü taytay,
mayćhütan yaćhanqui?”
nin.
39 Niptinmi:
“Lishun-ari licapäcunayquipä” nilcul puśhala.
Chay licapäcuśhanćhümi inti patacña cacuyaptin Jesuswan chayćhu quïdaculcäla.
40 Chay Juanta uyalil ishcaynin aticäpïmi Simon Pedrop śhullcan Andres jucnin cala.
41 Andresñatacmi mayurnin Simonman pasacun.
Talilculmi:
“Diospa Caćhamuśhan Salbacücätam talïlälimú” nin.
(Cay griego limayćhuꞌa “Cristo” nipäcunmi.)
42 Nilculmi Jesusman puśhacun.
Jesusñatacmi Simonta licälul:
“Jonaspa chulin Simonmi am canqui.
Cananpiꞌa Cefasñam śhutiqui canꞌa” nin.
(Cefasꞌa griego limayćhuꞌa “Pedro” ninanmi.b)
Jesusmi Felipictawan Natanaelta yaćhapacüninpä ayan
43 Chay walantin Galilea-läducta Jesus lishä niyaptinmi Felipiwan tincülul:
“Acuchun,
lishun” nin.
44 Cay Felipipis chaynütac Andreswan,
Pedropis Betsaida malcayümi capäcula.
45 Cay Felipim Natanaelta talilcul:
“Moisespa camachicuyninćhüpis,
Diospa willacünincunapis willaculcäśhan nunätam talïlälí.
Pay Josëpa chulin Nazaret-lädu Jesusmi cañä” nin.
46 Niptinmi Natanael:
“¡Imaytá ampá chay Nazaret malcapïlä allin yalämunman!”
nin.
Felipiñatacmi:
“Manpis,
quiquiqui ñawiquiwan licämunayquipä lishun” nin.
47 Chaynu jiꞌaycuyalcaptinmi Natanaelta licalcul Jesus nin:
“Cay śhamücá sumä Israel caśhtalämi;
payćhuꞌa casquicuycunacta manam talinchicchu” nil.
48 Niptinmi Natanael:
“¿Imanuypatan lisimanqui imanuy caśhätapis?”
nin.
Niptinmi:
“Manaläpis Felipe willaycuyäśhuptiquilämi,
ïgus jaćhap llantuyninćhu cayäśhayquita licalacña” nin.
49 Niptinmi:
“Yaćhachicü taytáy ¡Diospa Chulinmi am canqui!
¡Israelcunap puydï mandäninchicmá rasunpa canqui!”
nin.
50 Niptinmi:
“ ‘¿Ïgus jaćhap llantuyninćhu cayaptiquim lisilac’ nillaptïchun chalapacayämanquiman?
Cayllapïtá sumä jatun lulaycunactalämi licaycunqui” nin.
51 Nilculmi:
“Rasunpam,
janay pachaca quićhalayaptin Diospa caćha anjilnincuna cutiticlaylla Rasun Nunap Chulincäman śhayämüta licapämanqui” nilatac.