Amosmi cay libructa isquirbila malcaca allin imaćhüpis wiñayaptin. Willacü Amos manam willacücunap ütac sasirdüticunap milayninchu cala. Payꞌa uwish michïmi, lantacunacta talpümi cala. Lanticuypäpis ishpisha-ishpisham cacula. Pay manam mayan nunawanpis, nï mandacüwanpis limayta manchaculachu. Juda lädupïmi Amos cala.

Masqui Juda lädupi cayaptinpis Israel läduman willacü linanpämi Tayta Dios nila. Chay Israel läduman lishan timpućhu allin jawca cawsaymi chayćhu cayäla.

Chaynu allin imapapis janallanćhu cayalcalmi quiquin-pula usuchinaculcäla, munaśhanta lulal juchacunactapis lulapäcula. Uycunancunactapis Tayta Dios munaśhannüchu manam uycapäcula.

Chaynu Israel cayalcaptinmi Amos willacula tincüninman may lädu nasyuntapis, quiquin Israel läductapis Tayta Dios cäraycunanpä.