Nasyuncunaca camacaycüśha cananpämi willacun
3
Tayta Diosmi nin:
“Chay unanchaśha muyunćhümá
Juda lädupi,
Jerusalen malcapi
prïsu puśhaśha cäcunäta cutichimuśhä.
2 Jinantin nasyuncunäta juntuyculmá
Josafat pampaman jiꞌalpachimuśhä.
Chayćhümá chay malcacunäta cäraycuśhä.
Paycunamari aclacuśhá Israel malcäta
lluy nasyuncunäman chiꞌilächila,
jinaman allpätapis lluy aypunacälälila.
3 Aclacuśhäcunacta chüsanacaycälilmari uywayninpä aypunacälälila.
Aśhta wamla walaśh chulincunacta lanticälälila bïnucta lantilcul
shincaculcänanpä,
waticacunacta pägapäcunanpämari.
4 “Am Tiro,
Sidon malcacuna,a
jinantin Filistea läducuna,b
¿imactam yaꞌawan munapäcunqui?
¿Yaꞌacta cutichicämaytachun munayalcanqui imatá?
Chaynu captinꞌa chay cutichicuyniquita
quiquiquicunamanmá juclla ćhächimuśhä.
5 Amcuna,
ürütawan illaynïtamá suwälälimanqui.
Sumä ćhaniyu cänïcunactamá taytachayquicunap
wasincunaman apaculcanqui.
6 Juda läducunäta,
Jerusalen malcap
lluy nunancunacta allpanpïta calupachinayqui-laycumá,
Grecia läduman lanticälälinqui.
7 Chay lanticuśhayqui lädupïta yaꞌamá julaycamuśhä.
Maynümi paycunacta lulapäculanqui,
chaynümá am quiquiquicunawanpis lulaycuśhä.
8 Juda läducunämanmá
walaśh wamla chuliquicunacta lanticüśhä.
Paycunañatacmi calu-calu nasyunćhu cä
Sabac läducunäman lanticälälinꞌa.
Awari,
yaꞌa Tayta Diosmi niyá.
9 “Lluy nasyuncunäta niycuy:
¡Gïrrapä allichaculcay!
¡Cachacucunäta juntuycuy!
¡Pilyapä lluy cäcunaca śhapämuy!
10 Aräduyquipd rïjancunawan ispädacta lulapäcuy;
cüśhayquicunacta lansacunaman muyuchipäcuy.e
Ćhinaśhcunaca ‘sumämi cacullá’ nipäcuchun” nil.
11 Muyülïninćhu lluy malcacuna,
juntunacuycul jucllaña śhapämuy.
Tayta Diosllay,
allin pilyäniquicunactari puśhaycamuy.
12 Tayta Diosmi nin:
“Nasyuncuna,
licaćhaculcayña.
Josafat pampäman ishpipämuy.
Chayćhümá muyülïninćhu cä nasyuncunäta
cusichactanu cäraycunäpä taycuycuśhä.
13 Awari,
cusichaca listuñamá cacuyan;
cüśhawanña lutupäcuy.f
Üba apchinaćhu juntañamá üba cacuyan;
jalüña śhapämuy.
Mana allin lulaynincuna sumä-sumäñamá timpuyan.
Chay ćhulanancäpïpis juntälulñamari unyayanña.g
14 ‘Imanuy Cananpäpis Licaycuna Pampa’
nishancäćhu achca-achca nunacunamá timpuyalcan.
Tayta Diospa muyunninmá jiꞌacaycayämun
‘Imanuy Cananpäpis Licaycuna Pampa’ nishanman.
15 Quilläwan intïpis tutapälälinꞌañamá.
Uyllurcunäpa achquiyninpis wañülunꞌañamá.
16 Sion ulꞌupïtam Tayta Dios ayalpamunꞌa.
Jerusalenpïtam sumä-sumä limalpamunꞌa.h
Jinaptinmi sïlüpis allpäpis chucchucunꞌa.
Malcanpäñatacmi ichá pacaycünin Tayta Dios caycunꞌa;
aclacuśhan Israelcunäpá tacyaycachïninmi caycunꞌa.
Juda lädu allin caycunanpämi willacun
17 “Chayurá yaćhaycunqui Tayta Diosniqui yaꞌa caśhäta,
Sion chuya ulꞌüćhu yaćhaśhätamá.
Jerusalenmi chuya malca caycunꞌa.
Manañamá juc lädu malcayu nunacuna
chayman jaluycunꞌañachu.
18 Chay muyuncunaćhümi ulꞌucunäpi
mishqui bïnucuna yalaycamunꞌa.
Tacsha ulꞌucunäpïmi sumä-sumä lichi llüllaycamunꞌa.
Jinantin Juda lädup lluy wayuncunapam yacucuna linꞌa.i
Tayta Diospa wasinpïta pucyu yalamücämá
Sitimj pampactak rïgaycunꞌa.
19 Egipto läduñatacmi ichá camacaycüśha canꞌa.
Edom lädupis pasaypi chunyämanmá muyunꞌa,
Juda läducunäta mana allinta lulaśhanpi,
chay quiquinpa allpancunaćhu mana juchayücunäta wañuchishanpïtamari.
20 Ñatac Juda lädu wiña-wiñaypämi cawsaycälinꞌa;
Jerusalen malcaćhu milaycuna pasaptinpis imaypis cawsaycälinꞌamá.
21 ¿Malcäpa yawarninta jićhaśhanpi pampachaycuśhächun imatá?
Manamari mana mućhuycachisha quïdanꞌachu.
Awari,
Tayta Diosmi wiña-wiñaypä Sionćhu yaćhaycunꞌa” nil.