Cay libructa Abdiasmi isquirbila. Cayćhu willamanchic Edom läducunaca Israel läducunäpa matällanćhu yaćhapäcuśhantam. Edom läducunaca, Israel läducunäwan juc taytallapïmi capäcula; Isaacmari taytan cala. Chaynu cayalcalpis Juda läducta Babilonia nasyun llallïluptin Edom läductá manam imapis uculachu. Juc taytallapi cayalcalꞌa, ütac matällanćhu yaćhayalcalꞌa yanapaycunmanćhari cala. Yanapaycälinantá aśhwanpam asipapäcula, jinaman suwalpaycälälilam canpis.

Chaynu capäcuśhanpïmi Edom läducunäta Tayta Dios mućhuycachinanpä willacun. Chaynütacmi śhamü timpućhu Edom lädup allpancuna Juda lädup maquinćhüña canantapis niycun. Juda läducunätañatacmi mana caćhaycul aśhwanpa Tayta Dios yanapaycunanpä niycun.