śhucuyniquićhu ćhaquiqui maynu tuqui-tuquimá.

Tuqui caćhpayquicunapis allin yaćhayniyu aläja

luläpa labraśhannülämá sumä-sumä cayan.

2 Pupuyquipis bäsunümi uylu-uylucha,

allin bïnuwan juntäśha cayan.

Caćhpayquip ćhawpinćhüpis aptilcuy trïgumá

wiñayan,

liryucunap cunćhäśha.

3 Ñuñuyquicunapis awacha uña luychunümá cayalcan.^a

4 Cuncayquipis marfilpi tuqui-tuqui türrinümá;

ñawiquipis Bat-rabim lädunćhu cä Hesbon malcap

istanquićhu chuya-chuya yacunümá;

sinꞌayquipis Damasco malcaman licalayä

Libano lädu sumä-sumä türrinümá cayan.

5 Umayquipis Carmelo ulꞌunülämá sumä-sumä cayan;

ächayquip llipyayninpis tuqui-tuqui murädunümá cayan;

ächayquip cushpa-cushpa cayninmá mandacücäpa śhunꞌunta suwaycülun.

6 Maynu tuquish-tuquishllamá canqui;

sumä cuyayllapämá canqui.

7 Palmïranümá śhaycuyculpis caycunqui;

ñuñuyquicunapis wayuyninnümá walcalayalcan.

8 Yaꞌami nilá “Palmïraman ishpiycul wayuyninta pallacämuśhä” nil.

Ñuñuyquicuna sarta-sarta übanu caycuchun;

jämalcuyniquipis mansanacunäpa

aśhnayninnu aśhnaycuchun.

9 Muchayniquicunapis allin bïnunu sumä-sumä caycuchun.

jïtanpa quilunpa tuquillap pasaycuchun.

10 Yaꞌami cuyacuśhäcänïpä cayá;

paymá wañuy-wañuy ashiycaman.

11 Cuyacuśhäcäní,

jucllaña śhamuy;

pampacunäman lishun,

munti waytacunäpa ćhawpinćhu wälämuśhun.

12 Wälalla śhalcuculcul licä lishun,

üba lantacunaca chillquimuśhanta,

mucmuycunaca waytalimuśhanta,

granadillacunaca wayumuśhantapis.

Chayćhümi cuyaycamuśhayqui.

13 Mandragora lantacunaca

tuquillactamá aśhnayalcan.

Allinnin wayuynincunalämá puncullanchicćhu cayan;

chaquïsha rütacuna,

chayllalä palläśha

rütacunätam am cuyacuśhäcänïpä ćhulayculá.