ayacuptí pay uyaliycallämanmá.^a

2 Tayta Diosllay,

artishcunäpa shiminpïta,

ingañacücunap shiminpïta libraycallämay.

3 Artish shimi,

¿imactamá am julucunqui?

¿Imactamá am ćhasquiycunqui?

4 Pilyäcäpa sumä puntash flïchanmá

tantal caśhawan pucay-pucay caldächisha śhanśhanu alcayäśhunqui.

5 ¡Imalä bïdallá canꞌa!

Mesec calu malcaćhu jamapacuyänümá cawsayällá.

Cedar calu lädućhu yaćhayäcänümá cawsayällá.

6 Jawca cawsaycäta ćhïnicücunäćhu

achca-achca timpuñamá cawsaycullá.

7 Jawca cawsaytam yaꞌa ashiycú.

Jawca cawsaypi limalcuptï-pachallamá

paycuna pilyayllactaña munacuyalcan.