Tayta Diosmi licaycamäní pacaycamäní
Corepa milaynincuna Alamota nishanwan taquinapä isquirbishan taqui. Taquïcunäpa puydïninpämi.
46
Tayta Diosmi licaycamäninchic,
sigüru murällanchicnümi,
llaquicuyninchiccunaćhüpis imaypis juclla yanapaycamäninchic.
2 Chaymi cay allpaca ticlaptinpis,
ulꞌucunaca lamar ćhawpinman jiꞌacalpäliptinpis
mana manchacunanchic canchu.
3 Lamarca apaliypanu sumä suynaśhtin
wicapacamuyninwan ulꞌucunaca śhaśhaliptinpis
manamá manchacunanchic canchu.b
Selah
4 Mayup yacuncuna Tayta Diospa malcantamá cushichin.c
Sumä munayniyu Tayta Diospä sumä chuya canancätamari cushichin.
5 Tayta Dios malcanćhümá cayan.
Manamá cućhpanꞌachu.
Achicyäluptinmá Tayta Dios malcanta yanapaycunꞌa.
6 Nasyuncunaca muspayninćhünüñam wicta-cayta cürricaćhayalcan.
Mandacünincunapis mana cämanmi muyülälin.
Tayta Dios limalpämuptinmá allpacunäpis śhaśhapäcul lluy chullülälin.
7 Ñatac ¡sumä munayniyu Tayta Diosmá yaꞌanchicwan cayan!
¡Jacobpa Tayta Diosninmi pacaycamäninchic!
Selah
8 Tayta Dios lulaycuśhancunäta licä śhapämuy.
Cay pachäta sumä-sumä camacaycuśhanta licä śhapämuy.
9 Pilyaycunacta jinantin pachäćhümi pay camacachin.
Flïcha ćhächicuncunactapis paquiypam pawan.
Lansancunactapis amshülunmi.
Pilyaypä cä carritancunactapis cañaycunmi.
10 Paymi nin:
“¡Caćhaycanaculcayña!
¡Tayta Dios caśhäta tantiapäcuyña!
Lluy nasyuncunäpa altunninman juluycuśhamá cayá.
Jinantin pachäpa jatunchaycuśhalämá cayá” nil.
11 ¡Sumä munayniyu Tayta Diosmá yaꞌanchicwan cayan!
¡Jacobpa Tayta Diosninmi pacaycamäninchic!
Selah