Jinantin allpaca lluy cawsänintin.^a

2 Paymá lamar jananman tacyachila.

Mayucunap jananman śhalcachila.

3 ¿Mayanmá Tayta Diospa ulꞌunman ishpiycunman?

¿Mayantá chuya caśhancäćhu caycunman?

4 Caycunꞌa allin lulayniyücällamá,^b

chuya śhunꞌuyücällamá,

taytachacunacta mana alawäcunällamá,

yanꞌal casquicta mana limalicücunällamá.

5 Chaynu cawsäcunäta Tayta Diosmi allinpä licaycunꞌa.

Salbacü Tayta Diosmi tincüllanman cäraycunꞌa.

6 Chaynümi caycälin Tayta Diosta ashïcunaca.

Chaynümi caycälin Jacobpa

Tayta Diosninman aśhuycücunaca.

Selah.

7 ¡Puncucuna quićhaculcayña,

sumä munayniyu mandäca yaycunanpä!

¡Una-unaypi cä puncucuna quićhaläśhaña capäcuy!

8 ¿Mayanmá cay sumä munayniyu mandacüca?

Callpasapa imactapis mana manchacü Tayta Diosmá.

Pilyayćhu calpis sumä allinnin cä Tayta Diosmá.

9 ¡Puncucuna quićhaculcayña,

sumä munayniyu mandacüca yaycunanpä!

¡Una-unaypi cä puncucuna quićhaläśhaña capäcuy!

10 ¿Mayanmá cay sumä munayniyu mandacüca?

Sumä munayniyu Tayta Diosmá.

Altuman juluycuśha cä mandacücämá.

Selah.