Jerusalenćhu yaćhäcuna
11
Malcap puydïnincunam Jerusalenćhüña yaćhapäcula.
Parti nunacunäñatacmi chüsapäcula ćhunca ayllupïta-cama juc ayllu aclaśhanca Jerusalen chuya malcaćhu yaćhananpä;
puchü isun ayllucunäñatacmi malcancunaćhu-cama yaćhapäcunan cala.
2 Chay Jerusalenćhu yaćhananpä nïcunätam malcaca allin caycälinanpä niycälila.
3 Chayurá prïsu caśhanpi cutimücunäpa puydïnincunam Jerusalenćhu yaćhapäcula.
Juda lädućhüñatacmi israelcunaca,
sasirdüticunaca,
levitacunaca,
alawana wasićhu sirbïcunaca,
jinaman Salomonpa nunancunap milaynincunapis chay tücaśhan malcanćhu-cama yaćhapäcula.
4 Caycunam Judawan,
Benjamin ayllucunap puydïnincuna Jerusalenćhu yaćhäcunaca.
Juda ayllupïtam cala:a
Ataiaswan Maasaiasmi.
Ataiaspa taytanmi Uzias cala.
Uziaspañatac Zacarias,
Zacariaspañatac Amarias,
Amariaspañatac Sefatias,
Sefatiaspañatac Mahalaleel,
Mahalaleelñatac Farespa milaynin cala.
5 Maasiaspa taytanmi Baruc cala;
Barucpañatac Colhoze,
Colhozepñatac Hazaias,
Hazaiaspañatac Adaias,
Adaiaspañatac Joiarib,
Joiaribpañatac Zacarias,
Zacariaspañatac Siloni cala.
6 Chayurá Jerusalenćhu yaćhä Farespa milaynincuna tawa paćhac süta ćhunca pusäniyu (468) alli-cama pilyäcunam capäcula.
7-8 Benjamin ayllupïtañatacmi capäcula:
Salu,
jinaman Gabaiwan Salai.
Salup taytanmi Mesulam cala,
Mesulampañatac Joed,
Joedpañatac Pedaias,
Pedaiaspañatac Colaias,
Colaiaspañatac Maasias,
Maasiaspañatac Itiel,
Itielpañatac Jesaias.
Chayurá isun paćhac ishcay ćhunca pusäniyümi (928) lluy capäcula.
9 Paycunap puydïninmi Zicrip chulin Joel cala.
Jina atimünin puydïninñatacmi Senuapa chulin Juda cala.
10 Sasirdüticunäpïñatacmi capäcula:
Jedaiaswan Jaquin;
Jedaiaspa taytanmi Joiarib.
11 Jinaman Seraiaspis calam;
Seraiaspa taytanmi Hilcias;
Hilciaspañatac Mesulam,
Mesulampañatac Sadoc,
Sadocpañatac Meraiot,
Meraiotpañatac Ahitob;
Ahitobñatacmi Tayta Diospa alawa wasinpa puydïnin cala.
12 Paycunam alawana wasićhu lulä-masincunawan pusä paćhac ishcay ćhunca ishcayniyu (822) capäcula.
Chaynütacmi Adaiaspis cala;
paypa taytanmi Jeroham cala,
Jerohampañatac Pelalias,
Pelaliaspañatac Amsi,
Amsipañatac Zacarias,
Zacariaspañatac Pasur,
Pasurpañatac Malquias.
13 Chayurá paycunam yanapänincunawan cusca ishcay paćhac tawa ćhunca ishcayniyu (242) ayllunćhu-cama puydï capäcula.
Jinaman Amasaipis lluy puydï yanapänincunawanmi cala.
Amasaipa taytanmi Azareel cala,
Azareelpañatac Azai,
Azaipäñatac Mesilemot,
Mesilemotpañatac Imer.
14 Amasaimari alli-cama yanapänincunawan paćhac ishcay ćhunca pusäniyu (128) capäcula.
Paycunap puydïnincunamari Gedolimpa chulin Zabdiel cala.
15 Levitapïtañatacmi capäcula:
Semaias;
paypa taytanmi Hasub cala;
Hasubpañatac Azricam,
Azricampañatac Hasabias,
Hasabiaspañatac Buni.
16 Chaynütac Sabetaiwan Jozabadpis cala.
Paycunamá Tayta Diospa alawana wasinpa waśha lädunta lulä levitacunäpa puydïnin capäcula.
17 Jinaman Mataniaspis calam.
Paypa taytanmi Micaias cala,
Micaiaspañatac Zabdi,
Zabdipañatac Asaf.
Asafmari alawana wasićhu taquïcunap puydïnin cala,
jinaman mañacuy üraćhu Diosta alawal sulpäta uculcäla.
Chaynütac Bacbuquiaspis cala;
payꞌa ayllunćhu wamäcäpi atimüninmi cala.
Jinaman Abdapis calam;
paypa taytanmi Samua cala,
Samuapañatac Galal,
Galalpañatac Jedutun.
18 Chayurá chuya malcaćhu yaćhananpä aclaśhancuna ishcay paćhac pusä ćhunca tawayu (284) levitacunam capäcula.
19 Puncu täpäcunäpïñatacmi capäcula:
Acub,
Talmon lluy aylluncunapis.
Chayurá paycunapi paćhac ishcay ćhunca ishcayniyümi (122) capäcula.
20 Parti israelcunaca,
sasirdüticunaca,
levitacunäñatacmi ichá tücänin Juda malcancunaćhu-cama yaćhapäcula.
21 Ñatac Zihapwan Gispap maquinćhu cä alawana wasicta sirbïnincunawanmi Ofelb lädućhu yaćhapäcula.
22 Jerusalenćhu yaćhä levitacunäpa puydïnincunam Uzi cala;
paypa taytanmi Bani cala,
Banipañatac Hasabias,
Hasabiaspañatac Matanias,
Mataniaspañatac Micaia;
Micaiañatacmi Asafpa milaynin cala.
Má,
paycunatacmari Tayta Diospa alawana wasinćhu taquïcunap puydïnincunapis capäcula.
23 Paycunamá punta mandacüca walan-walan imacunacta lulapäcunanpäpis camachishanmannu lulapäcula.
24 Malcaćhu imacunactapis allichaycunanpämi mandacüca ćhulaycula Petaiasta;
paypa taytanmi Mesezabeel cala.
Mesezabeelꞌa Judapa chulin Zerap milayninmari cala.
Juc malcaćhu yaćhäcunäpa śhutincuna
25 Juda ayllupi particunäñatacmi yaćhapäcula Quiriat-arba,
Dibon,
Jecabseel,
26 Jesua,
Molada,
Bet-pelet,
27 Hazar-sual,
Beerseba,
28 Siclag,
Mecona,
29 En-rimon,
Zora,
Jarmut,
30 Zanoa,
Adulam,
Laquis,
Azeca malcacunäćhu tacsha malcachantincamaćhu.
Paycunamari Beersebapïta Hinom pampäcama yaćhapäcula.
31 Benjamin ayllucunäñatacmi yaćhapäcula Geba,
Micmas,
Aia,
Bet-el,
32 Anatot,
Nob,
Ananias,
33 Hazor,
Rama,
Gitaim,
34 Hadid,
Seboim,
Nebalat,
35 Lod,
Ono malcacunaćhu,
jinaman Artesano nishan pampäcama.
36 Parti Levicunäñatacmi masqui Juda ayllu cayalcalpis Benjamin ayllup tücaśhancunaćhu yaćhapäcula.