9
Chayurá lluy israelcunämi ayllunpa-cama Israel lädu mandacünincunap isquirbisha librunćhu ćhulaśha cayalcan.
Babiloniapïta Jerusalenman cutipämun
Juda lädu nunacunäñatacmi Tayta Diosta ipanchapäcuśhanpïta Babilonia läduman puśhaśha capäcula.
2 Chay Babiloniapïta ćhaclancunaman,
malcancunaman puntacta cutipämula israelcunaca,
sasirdüticunaca,
levitacunaca,
jinaman alawana wasićhu sirbïcunäpis.
3 Jerusalen malcaćhüñatacmi waquin cutimü ayllucuna Judapi,
Benjaminpi,
Efrainpi,
Manasespi yaćhapäcula.a
4 Juda ayllupïtam Utai.
Utaimi Amiudpa chulin,
Amiudñatac Omripa,
Omriñatac Imripa,
Imriñatac Banipa chulin.
Paycunam Judapa chulin Fares caśhta capäcula.
5 Sela ayllupïtañatacmi:
wamä chulin Asaias lluy chulincunawan.
6 Zera ayllupïñatacmi:
Jeuelwan wawꞌi-caśhancuna.
Paycuna capäcula süta paćhac isun ćhuncayümi (690).
7 Benjamin ayllupi cutimücunäñatacmi Salu cala.
Salum Mesulampa chulin,
Mesulamñatac Hodaviaspa,
Hodaviasñatac Asenuap.
8 Chaynütacmi Ibneias,
Ela,
Mesulanpis cutimücunaca capäcula.
Ibneiasmi Jerohampa chulin.
Elañatacmi Uzip chulin,
Uziñatac Micrip.
Mesulamñatacmi Sefatiaspa chulin,
Sefatiasñatac Reuelpa,
Reuelñatac Ibniaspa chulin.
9 Chay puydïcunämari aylluncunawan-cama isun paćhac picha ćhunca sütayu (956) capäcula.
10 Sasirdüti cutimücunäñatacmi:
Jedaias,
Joiarib,
Jaquin,
11 Hilciaspa chulin Azariaspis.
Hilciasꞌa Mesulampa chulinmi,
Mesulamñatac Sadocpa,
Sadocñatac Meraiotpa,
Meraiotñatac Ahitobpa.
Ahitobmi Tayta Diospa alawana wasinćhu sasirdüticunäpa puydïnin cala.
12 Adaiañatacmi Jerohampa chulin,
Jerohamñatac Pasurpa,
Pasurñatac Malquiaspa,
Masaiñatac Adielpa,
Adielñatac Jazerapa,
Jazerañatac Mesulampa,
Mesulamñatac Mesilemitpa,
Mesilemitñatacmi Imerpa chulin.
13 Lluy paycunamari walanga anćhish paćhac süta ćhunca (1,760) ayllunćhu-cama puydïcuna,
Tayta Diospa alawana wasinćhu sirbipäcunanpäpis ishpisha-ishpisha-cama capäcula.
14 Levita cutimücunäñatacmi:
Hasubpa chulin Semaias.
Hasubmi Azricampa chulin,
Azricamñatacmi Merari ayllućhu cä Hasabiaspa.
15 Jinaman cutipämula Bacbacar,
Heres,
Galal,
Mataniaspis.
Mataniasñatacmi Micaiapa chulin,
Micaiañatac Zicrip,
Zicriñatac Asafpa.
16 Obadiasñatacmi Semaiaspa chulin,
Semaiasñatac Galalpa,
Galalñatac Jedutunpa;
Berequiasñatacmi Asapa chulin,
Asañatac Elcanapa chulin;
Elcanamari Netofa lädup malcachancunaćhu yaćhala.
17 Puncu täpä cutimücunäñatacmi:
Salum,
Acub,
Talmon,
Ahiman aylluncunapis capäcula.
Paycunap puydïninmi Salum cala.
18 Paycunamari canancamapis täpayalcan mandacücäpa inti ishpimunan lädućhu cä puncunta.
Levitacunäćhu paycunamá täpacunaca capäcula.
19 Salumñatacmi Corepa chulin,
Coreñatac Ebiasafpa,
Ebiasafñatac Corepa.
Aylluncuna carpaćhu Tayta Dioswan tincunanpä cäcäpa puncuncunacta täpaśhannümi Corepis wawꞌi-caśhancunawan alawana wasip puncunta täpapäcula.
20 Paycunapïta mas puntacta Eleazarpa chulin Fineesmi puncu täpäcunäpa puydïnin cala.
Paytamari Tayta Dios yanapäla.
21 Meselemiaspa chulin Zacariasmi chuya carpap puncunćhu tincunapä cäcäpa täpänin cala.
22 Chayurá puncu täpäcunaca ayllunpa-cama yaćhapäcuśhanćhu fintaptin ishcay paćhac ćhunca ishcayniyümi (212) capäcula.
Paycunacta willacü Samuelwan Davidmi ćhulapäcula chayćhu lulapäcunanpä.
23 Paycunam chulincunawan Tayta Dioswan tincunapä wasip puncunta licaycüca capäcula.
24 Chay wasip tawan lädunćhümi täpäcuna capäcula:
Inti ishpimunan,
inti jiꞌalpunan,
sur,
nurti läducunaćhu.
25 Malcanćhu yaćhä aylluncunañatacmi tücachinacuypa śhapämula anćhish muyunpi-cama yanapapäcunanpä.
26 Levitacunäpi tawa puydï täpäcunämi ichá imaypis täpayalcäla Tayta Diospa alawana wasip cuartuncunactawan lluy cänincunacta.
27 Paycunam Tayta Diospa alawana wasip muyülïninta walächi muyuyalcämü capäcula;
wälanpañatacmi puncuncunacta quićhapäcü cala.
28 Waquinnincunañatacmi alawana wasićhu sirbichicunapä cäcunäta licaycapäcü cala;
fintallalmi julapämulapis cutiycachipäculapis.
29 Juccunäñatacmi alawana wasićhu cäcunäta licaycapäcü cala:
bäsucunäta,
japächaśha sirbichicunapä cäcunäta,
arinacta,
bïnucta,
asayticta,
insinsiucta,
mishqui aśhnä pirfümicunactapis.
30 Waquin sasirdüticunäñatacmi pirfümicunäta lulapäcü capäcula.
31 Core lädupi levita Salumpa wamä chulin Matatiasñatacmi Tayta Diosta uycunanpä tantacta luläca cala.
32 Coatpa waquin chulincunañatacmi alawana wasićhu Tayta Diospa japächäśha tantacta jamana muyunćhu-cama ćhuläca capäcula.
33 Waquin levitaćhu puydïcunäñatacmi taquïcuna capäcula.
Paycuna taquipäcunallanpä japächäśha capäculmi juc lulaycunacta manaña lulal,
tutay muyun chay alawana wasip cuartuncunallaćhüña yaćhapäcula.
34 Chayurá lluy paycunamari levita ayllunćhu-cama puydïnincuna capäcula;
Jerusalenćhümi yaćhapäculapis.
Saulpa milaynincuna
35 Gabaon malcacta śhalcachï Jehielmi Gabaonćhu yaćhala;
walminñatacmi Maaca cala.
36 Chulincunañatacmi:
wamäca Abdon,
jinaman Zur,
Cis,
Baal,
Ner,
Nadab,
37 Gedor,
Ahio,
Zacarias,
Miclotpis.
38 Miclotpa chulinñatacmi Simeam.
Paycunapis aylluncunawan cuscam Jerusalenćhu yaćhapäcula.
39 Nerpa chulinñatacmi Cis,
Cispañatac Saul,
Saulpañatacmi:
Jonatan,
Malquisua,
Abinadab,
Es-baalpis.
40 Jonatanpa chulinñatacmi Merib-baal,
Merib-baalpañatac Micaia.
41 Micaiapa chulincunañatacmi:
Piton,
Melec,
Tarea,
Acazpis.
42 Acazpa chulinñatacmi Jara.
Jarap chulincunañatacmi:
Alemet,
Azmavet,
Zimripis.
Zimrip chulinñatacmi Mosa.
43 Mosapñatac Bina,
Binapañatac Refaias,
Refaiaspañatac Elasa,
Elasapñatacmi Azel.
44 Azelpañatacmi chulincuna süta:
Azricam,
Bocru,
Ismael,
Searias,
Obadias,
Hananpis.
Lluy paycunamari Azelpa chulincuna capäcula.