Davidpa mandacuyninta tacyalpachin
14
Chaypïtam Tiro malcap mandacünin Hirampis Davidman caćhala willacünincunacta,
carpintïrucunacta,
lumi labräcunactapis palasyunta lulawshinanpä;
jinaman cedro ilucunactapis apachilamari.
2 Chaycunawanmari David tantialpula israelcunäpa mandacüninpä Tayta Dios ćhulaycuśhanta.
Chaynütacmi Israel malcanta cuyayninwan,
yanapaycul tacyalpachishantapis tantiala.
3 Chaynu chay Jerusalenćhu cä walmicunäwanpis David cuscaptinmi walaśh wamla chulincunapis cala.
4 Chayurá Jerusalenćhu näsi Davidpa walaśh chulincuna caycunamari:
Samua,
Sobab,
Natan,
Salomon,
5 Ibhar,
Elisua,
Elpelet,
6 Noga,
Nefeg,
Jafia,
7 Elisama,
Beeliada,
Elifeletpis.
Filisteo läducunätam David llallin
8 Chaynu Israelpa mandänin David japächaycuśha caśhanta Filisteo läducunaca yaćhälälilmi cuntran licuyalcan.
Davidñatacmi chayta yaćhälul paycunawan pilyä yalula.
9 Filisteo läducunaca Refaim pampaman ćhälälilmi,
chayćhu ćhulanacaycälil lluy waycälälin.
10 Chaymi Tayta Diosta David tapula:
“¿Filisteo läducunäwan pilyamü lishächun?
¿Maquïmanchun paycunacta ćhulaycamunqui?”
nil.
Niptinmi:
“Liy jinalla.
Rasunpa,
maquiquimanmari yaꞌa ćhulaycamuśhä” nin.
11 Niptinmi Baal-perazim läduman lil chayćhu David llallïlun.
Jinalmi nin:
“Llülla yacu lïcänümi ćhïnicünïcunacta llallinäpä Tayta Dios caminucta quićhaycapaman” nil.
Chaymi chay paräjicta Baal-perazim nipäcula.
12 Chayćhu Filisteo läducunaca taytachancunacta caćhaycul liculcaptinmi David cañaycächila.
13 Chaypïta Filisteo läducunaca Refaim pampamanmi waycananpä caśhan cutipämula.
14 Chayćhu Tayta Diosta David yapa tapuptinmi pay nin:
“Puntanpa ama yaycuychu.
Aśhwanpa balsamo lantacunäcama cunćhaycälil,
ipan lädup allacaycäliy.
15 Chay balsamo lantap pallaynincunaćhu puliyätanu uyalipäcul-pacham pilyayta allacaycälinqui.
Chayta uyalilmi yaćhanqui,
pilyä Filisteo läducunäta camacaycünayquipä yaꞌa Tayta Dios puntayquita lishäta” nil.