Simeon aylluman tücänin allpacuna
19
Chaypïta ishcaycäćhu chüsaptin Simeon ayllumanmi tücäla.
Paypa allpanmi Juda ayllup tücaśhan allpanćhu cala.
2 Paycunaman tücapäcula cay malcacunam:
Beerseba,
Seba,
Molada,
3 Hazar-sual,
Bala,
Ezem,
4 Eltolad,
Betul,
Horma,
5 Siclag,
Bet-marcabot,
Hazar-susa,
6 Bet-lebaot,
Saruhenpis.
Chay ćhunca quimsayu (13) jatućhä-cama malcamari malcantin-cama cala.
7 Chaypïta calatacmi:
Ain,
Rimon,
Eter,
Asanpis.
Chay tawa malcamari malcantin-cama cala.
8 Jinaman cay malcacunap manyanćhu lluy malcacunäpis,
Baalat-beer malcaman ćhänancamam cala,
Ramat nipäculatacmi.
Chay malca Neguev chunyäcäćhümi cala.
Caycunamari Simeon aylluman tücaśhancunaca cala.a
9 Ñatac Juda ayllup allpancuna anchap cacuptinmi chay Judapa allpanćhu Simeon ayllu allpacta ćhasquiycälila.
Zabulon aylluman tücänin allpacuna
10 Chaypïta aypunanpä caśhan chüsaptinmi tücälun Zabulon ayllucta aycam capäcuśhanmannu.
Paycunap allpanpa culindanmi Saridcama cala.
11 Inti jiꞌalpunan lädupïñatacmi Marala läduman lila aśhta Dabesetcama.
Chaypïtam Jocneampa chimpaćhu cä wayuman ćhäla.
12 Saridpïñatacmi filtamula inti ishpimunan Quislot-taborpa culindancama.
Chaypïta Daberatpa pasal Jafia malcäcamam ishpila.
13 Chaypïta inti ishpimunan lädu Gat-heferpa,
Ita-cazinpa pasal Rimonmanmi yalamula;
chayninpam Neaman muyumula.
14 Nurti lädupñatacmi muyumula Hanatoncama,
jinal Jefte-elpa pampanćhu camacäla.
15 Chay allpancunaćhümi cay malcacunaca cala:
Catat,
Naalal,
Simron,
Idala,
Belenpis.
Chay ćhunca ishcayniyu (12) malcamari malcantin-cama lluy cala.
16 Cay malcacunam malcantin-cama Zabulon ayllup aycam capäcuśhanmannu tücachisha cala.
Isacar aylluman tücänin allpacuna
17 Chaypïta aypunanpä caśhan chüsaptinmi tücälun Isacar ayllucta aycam capäcuśhanmannu.
18 Chay tücaśhanćhümi cay malcacunaca cala:
Jezreel,
Quesulot,
Sunem,
19 Hafaraim,
Sihon,
Anaharat,
20 Rabit,
Quision,
Abez,
21 Remet,
En-ganim,
En-hada,
Bet-pasespis.
22 Culindanñatacmi pasala Taborpa,
Sahazimap,
Bet-semespa,
Jordan mayucama.
Chay ćhunca sütayu (16) malcamari malcantin-cama cala.
23 Cay malcacunämari Isacar aylluman aycam capäcuśhanmannu tücachisha cala.
Aser aylluman tücänin allpacuna
24 Chaypïta aypunanpä caśhan chüsaptinmi tücälun Aser ayllucta aycam capäcuśhanmannu.
25 Chay tücaśhanćhu cay malcacunam cala:
Helcat,
Hali,
Beten,
Acsaf,
26 Alamelec,
Amad,
Misealpis.
Culindanñatacmi inti jiꞌalpunan lädupi Carmelo ulꞌücama,
Sihor-libnat läducama ćhäla.
27 Chaypïtam muyumula inti ishpimunan lädunpa Bet-dagonman.
Chaypi nurti lädunpa Zabulon ayllup culindanpa,
Jefte-elpa pampampa,
Bet-emecpa,
Neielmanpa pasalmi Cabulman ćhäla.
28 Chaypïtam pasala Hebronpa,
Rehobpa,
Hamonpa,
Caná nishanpa aśhta jatun malca Sidoncama.
29 Chaypïta Rama läduman muyumulmi sumä tacyächisha Tiro malcaman ćhäla.
Chaypïta Hosapa muyumulmi Mediterraneo lamarman yalamula Aczibpa.
30 Chay tücaśhancunaćhümi cay malcancunapis cala:
Uma,
Afec,
Rehobpis.
Chay ishcay ćhunca (20) ishcayniyu malcacunamari malcantin-cama cala.
31 Caycunamari Aser ayllup aycam capäcuśhanmannu malca tücaśhancunaca cala.
Neftali aylluman tücänin allpacuna
32 Chaypïta aypunanpä caśhan chüsaptinmi tücälun Neftali ayllucta aycam capäcuśhanmannu.
33 Culindanmi Helefpïta allaycul Alon-saananimpa,
Adami-necebpa,
Jabneelpa,
Lacumpa pasal Jordan mayuman yalula.
34 Chaypïtam inti jiꞌalpunan lädu Aznot-taborpa,
Hucocpa pasala.
Sur lädupañatacmi Zabulon aylluwan culindan cala.
Inti jiꞌalpunan lädu culindanñatacmi Aser aylluwan cala.
Inti ishpimunan lädupiꞌa Juda lädućhu Jordan mayuwanmi cala.
35 Sumä murällayü-cama malcancuna caycunam cala:
Sidim,
Zer,
Hamat,
Racat,
Cineret,
36 Adama,
Rama,
Hazor,
37 Cedes,
Edrei,
En-hazor,
38 Iron,
Migdal-el,
Horem,
Bet-anat,
Bet-semespis.
Chay ćhunca isunniyu (19) malcamari malcantin-cama cala.
39 Caycunamari malcantin-cama Neftali ayllupa aycam capäcuśhanmannu tücachishancuna cala.
Dan aylluman tücänin allpacuna
40 Chaypïta aypunanpä caśhan chüsaptinmi tücälun Dan ayllucta aycam capäcuśhanmannu.
41 Chay tücänincunaćhümi cala:
Zora,
Estaol,
Ir-semes,
42 Saalabin,
Ajalon,
Jetla,
43 Elon,
Timnat,
Ecron,
44 Elteque,
Gibeton,
Baalat,
45 Jehud,
Bene-berac,
Gat-rimon,
46 Mejarcon,
Racon,
Jopep puntanćhu cä allpapis.
47 Ñatac Dan ayllucta allpacuna pishïläliptinmi Lesem malcaman lipäcula.
Chayćhu llallilcul ispädawan camacayculmi duyñuchacaycälila yaćhapäcunanpä.
Chay malcactam awquillun Danpa śhutinwan śhutichapäcula.b
48 Cay malcacunämari malcantin-cama Dan ayllup aycam capäcuśhanmannu tücachisha cala.
Josuepa tücänin allpa
49 Chaynu ayllunpa-cama tücachiyta camacäluptinmi Israelcunaca allpa tücaśhancunäćhu Nunpa chulin Josuetapis tücachila.
50 Tayta Dios nishanmannümari Efrain ayllup ulꞌunćhu Josueman tücachipäcula mañaśhan Timnat-sera malcacta.
Chaymi chay malcacta caśhan śhalcachil chayćhu yaćhala.
51 Chaynüpam sasirdüti Eleazar,
Nunpa chulin Josue,
Israel ayllucunap puydïnincuna chüsaypa aypuyta camacapäcula.
Chaynu tücachila Silo malcaćhu Tayta Diospa ñawquin,
juntunacunapä cä chuya carpap puncunćhümi.