Israel caśhtacunämi malcan-malcan pasapäcun
33
Moiseswan Aaron Israel caśhtacunäta Egiptopïta julapämuptin trüpa-trüpa lluy pulipäcuśhancuna caycunam.
2 Moisesñatacmi Tayta Dios nishannu may malcapi yalapäcuśhantapis,
chaynütac ćhäpäcuśhantapis isquirbila.
Caycunapmi lipäcula:
3 Wamä quillap ćhunca pichayu muyunninćhu,
Tayta Dios Libraycuśhan Fista pasäluptinmi Israel caśhtacunaca Rameses malcapïta sumä nuna-nuna yalapäcula,
Egiptocunäpa ñawquin.
4 Egipto nunacunäpa wamä chulincunacta wañüchiptinmi pampapäcuśhancama Israel caśhtacunaca yalapämula.
Chay muyuntacmi taytachancunacta Tayta Dios tincüninman cäraycula.
5 Israel caśhtacunaca Rameses malcapïta yalapäcul Sucotćhümi jamapäcula.
6 Sucotpïta yalapäculñatacmi chunyäcäpa culindanćhu cä Etam lädućhu jamapäcula.
7 Etampïta yalapäculñatacmi Pi-hahirot läduman lipäcul Migdol lädup chimpanćhu jamapäcula;
chay cayan Baal-zefonpa puntanćhümari.
8 Pi-hahirotpïta yalapäculñatacmi lamarninpä chimpapäcul chunyäcäman ćhälälila.
Chay Etam lädu chunyäcäćhu quimsa muyun pulipäculmi Maraćhu jamapäcula.
9 Marapïta yalapäculñatacmi Elimman ćhälälil chayćhu jamapäcula.
Chayćhümi ćhunca ishcayniyu (12) püsucuna,
anćhish ćhunca (70) palmïracuna cala.
10 Elimpïta yalapäculñatacmi Puca Lamarpa patanćhu jamapäcula.
11 Puca Lamarpïta yalapäculñatacmi Sin nishan chunyäćhu jamapäcula.
12 Sin nishan chunyäcäpïta yalapäculñatacmi Dofcaćhu jamapäcula.
13 Dofcapïta yalapäculñatacmi Alusćhu jamapäcula.
14 Aluspïta yalapäculñatacmi Refidimćhu jamapäcula.
Chayćhümi upyananpä yacu mana calachu.
15 Refidimpïta yalapäculñatacmi Sinai chunyäcäćhu jamapäcula.
16 Sinai chunyäcäpïta yalapäculñatacmi Kibrot-hataavaćhu jamapäcula.
17 Kibrot-hataavapïta yalapäculñatacmi Hazerotćhu jamapäcula.
18 Hazerotpïta yalapäculñatacmi Ritmaćhu jamapäcula.
19 Ritmapïta yalapäculñatacmi Rimon-peresćhu jamapäcula.
20 Rimon-perespïta yalapäculñatacmi Libnaćhu jamapäcula.
21 Libnapïta yalapäculñatacmi Rissa lädućhu jamapäcula.
22 Rissa lädupïta yalapäculñatacmi Ceelata lädućhu jamapäcula.
23 Ceelatapïta yalapäculñatacmi Sefer ulꞌüćhu jamapäcula.
24 Sefer ulꞌüpïta yalapäculñatacmi Harada lädućhu jamapäcula.
25 Haradapïta yalapäculñatacmi Macelotćhu jamapäcula.
26 Macelotpïta yalapäculñatacmi Tahat lädućhu jamapäcula.
27 Tahat lädupïta yalapäculñatacmi Taraćhu jamapäcula.
28 Tarapïta yalapäculñatacmi Mitca lädućhu jamapäcula.
29 Mitca lädupïta yalapäculñatacmi Hasmona lädućhu jamapäcula.
30 Hasmonapïta yalapäculñatacmi Moserotćhu jamapäcula.
31 Moserotpïta yalapäculñatacmi Bene-jaacanćhu jamapäcula.
32 Bene-jaacanpïta yalapäculñatacmi Gidgad ulꞌućhu jamapäcula.
33 Gidgad ulꞌupïta yalapäculñatacmi Jotbata lädućhu jamapäcula.
34 Jotbata lädupïta yalapäculñatacmi Abronaćhu jamapäcula.
35 Abronapïta yalapäculñatacmi Ezion-geberćhu jamapäcula.
36 Ezion-geberpïta yalapäculñatacmi Zin chunyäcäćhu Cades nishanćhu jamapäcula.
37 Cadespïta yalapäculñatacmi Hor ulꞌüćhu jamapäcula.
Caymi Edom malcap culindanćhu cala.
38 Israel cashtacunaca Egiptopi yalamuśhanpi tawa ćhunca (40) wataćhu,
picha quilläćhu,
wamä muyunninćhu Tayta Diospa nishanmannümi sasirdüti Aaron Hor ulꞌüman ishpil chayćhu wañucula.a
39 Aaron paćhac ishcay ćhunca quimsayu (123) watanta liyalmi Hor ulꞌüćhu wañucula.
40 Neguev lädu Arad malcaćhu yaćhä Canaan malcayücunäpa mandäninmi yaćhäla Israel caśhtacunacab ćhäpäcuśhanta.
41 Hor ulꞌupïta yalapäculñatacmi Zalmonaćhu jamapäcula.
42 Zalmonapïta yalapäculñatacmi Punon lädućhu jamapäcula.
43 Punonpïta yalapäculñatacmi Obotćhu jamapäcula.
44 Obotpïta yalapäculñatacmi Moab lädup lindïrun Ije-abarimćhu jamapäcula.
45 Ije-abarimpïta yalapäculñatacmi Dibon-gadćhu jamapäcula.
46 Dibon-gadpïta yalapäculñatacmi Almon-diblataimćhu jamapäcula.
47 Almon-diblataimpïta yalapäculñatacmi Nebop chimpanćhu Abarim ulꞌucunäćhu jamapäcula.
48 Abarim ulꞌucunäpïta yalapäculñatacmi Moabpa ulꞌuncunaćhu jamapäcula;
Jericopa chimpannin Jordan mayu patanćhümari jamapäcula.
49 Chaypïta Jordan mayup patanćhu Bet-jesimot lädupïta Abel-sitimcama jamapäcula;
caymi Moabpa ulꞌuncunaćhu cala.
Canaan allpacta tücachinacunanpämi nin
50 Jericopa chimpan Jordan mayup patanćhu cä Moabpa ulꞌuncunaćhümi Moisesta Tayta Dios nin:
51 “Israel caśhtacunäta nimuy:
‘Jordan mayucta pasälälil Canaan malcaman yaycapäcul,
52 chayćhu yaćhäcunäta alupäcuy.
Jinaman lumipïta,
jïrrucunapïta cä taytachancunacta camacaycüluy.
Chaynütac ulꞌucunäćhu capillancunactapis pampaman lluy muyüchiy.
53 Chay malcacta lluy alapaculculmi chayćhu yaćhapäcunqui;
yaꞌa quiquïmari amcunapäña cananpä maquiquiman ćhulaycamú.
54 Chaytam ayllunpä-cama chüsaycul aypuycunqui.
Achca ayllu cäcunäta jatuntam uycunqui;
ash ayllulla cäcunätá uchuyllactatacmi uycunqui.
Tücaśhanmannümi taytayquip ayllunpä-cama may lädumanpis uycunqui.
55 Ñatac chay malcaćhu yaćhäcunäta mana alupäcuptiquiꞌa chayćhu cawsapäculmi aśhtillanu ñawiquićhu caycunꞌa,
ütac caśhanu aychayquićhu caycunꞌa.
Chay yaćhapäcuśhayqui allpaćhu uma nanayniquimari caycunꞌa.
56 Chaymi ćhïnicüniquiwan imacta lulayta munaśhänu amcunawan lulaśhä’ ” nil.