Cay libructa Moisesmi isquirbila. Cayćhümi willamanchic Chuya carpaman Tayta Dios yaycuśhanta. Chay carpap lulinpïtam Moisesta Tayta Dios ayan. Chay carpacta tincuna Carpa nilatacmi. Chaynu nila Tayta Dios Moiseswan chayćhu tincupäcuśhanpïtam. Chaynütacmi Moisespis Israel malcawan Tayta Diospa ñawpäninćhu juntunaculcäla. Chayćhümi imacunacta imanuy lulapäcunanpäpis Moisesman Tayta Dios niycula. Moisesñatacmi chay camachishanta Carpap puncunman lluy malcäta juntuycul willaycula. Cay Levitico librućhümi willaycamanchic puydïcunaca, cäniyücunaca, wacchacunaca, müsucunaca, awquishcunaca imanuy cawsapäcunanpäpis. Chaynütacmi imacunacta micunapä, mana micunapä, imanuypa mućhuchinanpäpis willaycamanchic. Cay librućhümari Israel caśhtacunaca imanuy cawsapäcunanpäpis tuquicta niycamanchic.