Mariawan Aaronmi Moisespa waśhanta limapäcun
12
Ñatac Cus lädu walmiwan Moises masanchacüluptinmi panin Maria,a
wawꞌi-caśhan Aaronwan waśhanta limapäcula.
2 Chaymi nipäcula:
“Tayta Diosninchic Moisesllapchun imamá limayan.
Sinuꞌa yaꞌanchicpa-camapis limanmi” nil.
Chaynu nipäcuśhantam Tayta Dios uyalïla.
3 Moisesꞌa jinantin pachäćhu lluy nunacunäpïpis mana nunatucümi cala.
4 Chaypïtam Tayta Dios Moisesta,
Aaronta,
Mariacta nin:
“Tincunanchic carpaman quimsayqui lipäcuy” nil.
Niptinmi quimsan lipäcula.
5 Chay carpap puncunmanmi suytunpäśha pucutayćhu Tayta Dios jiꞌalpämun.
Jinalculmi Aarontawan Mariacta ayaptin aśhuycälila.
6 Chayćhümi Tayta Dios nin:
“Cay nishäta uyalimay:
Amcunaćhu Tayta Diospa willacünin śhalcüca suyñuyninpa-cama licaycachisha,
limapaycuśham canꞌa.
7 Ñatac uywayní Moiseswanꞌa manam chaynüchu canꞌa.
Payꞌa lluy uywaynïpïpis mas chalapacamänïmi.
8 Paywan limalꞌa tantiapaśh limaywanmi cära-cära limá.
Payꞌa imanuy yaꞌa Tayta Dios caśhätapis lisimanmari.
¿Chaychun amcuna uywayní Moisesta jamuyayta mana manchaculcanquimanchu?”
nil.
9 Chayćhu Tayta Diospa piñacuynin paycunapi sumä waläluptinmi licula.
10 Chaynu pucutayca carpapi calupäluptin pachallam Maria liprawan juntachicülul aychanpis ñïbinu yulä licalïla.
Aaronñatacmi licalcuśhanćhu liprawan cayäta Mariacta licälun.
11 Chaymi Moisesta Maria nin:
“¡Ay,
Taytallay!
Cay juchäpïta amari mućhuycachillämaychu.
Aplanümi caycunacta lulälälil juchapacälälillá.
12 Amari Mariacta wicapäluychu mamanpa patanćhu wañülul ismuyä aycha näsi wawictanuꞌa” nil.
13 Niptinmi Tayta Diosta Moises ruygacula:
“Ama chaynu caychu Tayta Diosllay,
allinyaycachillayꞌari” nil.
14 Niptinmi Tayta Dios nin:
“Papänin cäraćhu tuwapaycüluptin ¿manachun anćhish muyun pinꞌayćhu licaśha cayan imamá?
Chayurá yaćhapäcuśhayquipi anćhish muyun alüśha cachun.b
Chaypïtaläćha caśhan cutiycamunꞌa” nil.