Carpacta japächaycälinanpämi uycunancunäta uycapäcun
7
Chay carpacta Moises lulayta camacalculmi lluy chayćhu cänintinta asaytiwan llusiycul chuyanchäla.
Jinaman uycuna patactapis lluy cänintinta llusiyculmi chuyanchäla.
2 Chaypïtam Israel caśhtacunäćhu ayllunpi-cama puydïcunaca,
sinsayćhu yanapämari lipäcula.
3 Paycunam Tayta Diosman uycälila juc wäcacta-cama.
Chaymi ishcay puydïpa-cama juc carrïtalla cala.
Jinaptinmi anćhish carrita täpacuśha-cama lluy cala,
ćhunca ishcayniyu wäcacuna.
Lluy caycunactam carpap puncunman apaycapäcula.
4 Chaypïtam Moisesta Tayta Dios nin:
5 “Chay apamuśhancunäta ćhasquïcäliy tincuna carpaćhu sirbichicuśha cananpä.
Chaytam levitacunäman uycunqui lulayninćhu-cama lulapäcunanpä” nil.
6 Chaymi Moises carritacunätawan wäcacunäta ćhasquiycul levitacunäman uycula.
7 Gerson ayllucunämanmi lulaynin mañaśhanmannu ishcay carritactawan tawa wäcacta uycula.
8 Merari ayllucunämanꞌa lulaynin mañaśhanmannu tawa carritactawan pusä wäcactam uycula.
Paycunam sasirdüti Aaronpa chulin Itamarpa mandaśha capäcula.
9 Coat ayllucunäñatacmi carpaćhu chuya cäcunäta umruycaćhapäcunan captin carritacunätawan wäcacunäta mana uyculachu.
10 Chay uycuna patac llusiycul chuyanchaycuśhaña cayaptinmi Israel caśhtacunap puydïnincuna uycuna patacman uycunancäta apapäcula.
11 Chayćhümi Moisesta Tayta Dios nin:
“Chay apamuśhancunäta uycuna patac japächaycuśha cananpä juc muyunnincämi puydïcunaca uycälinꞌa” nil.
Juda ayllucunämi uycapäcun
12 Chay wamä muyuncäćhümari Juda ayllupi Aminadabpa chulin Naason uycuyta allaycula.
13 Paymi uycula:
carpap midïdanmannu juc quïlu ćhawpi illaypi cä lätucta,
anćhish paćhac anćhish ćhunca (770) grämu illaypi cä täsactapis.
Chay pulanćhüpis allinnin arina asaytiwan chapüśha juntam ćhacla micuy uycunapä cala.
14 Chaynütacmi paćhac ćhunca (110) grämu ürupi cä cucharactapis insinsiu juntacta uycula.
15 Cañaycunanpäñatacmi uycula juc malta wäcacta,
juc ulu uwishta,
watayu malta uwishtapis.
16 Chuyanchacunanpäñatacmi juc capishta uycula.
17 Allin cawsaśhanpi Tayta Diosman uycuśhancäćhüñatacmi uycula ishcay wäcacta,
picha uwishta,
picha ulu capishta,
watayü-cama picha ulu uwishtapis.
Caycunactamari Aminadabpa chulin Naason uycula.
Isacar ayllucunämi uycapäcun
18 Ishcay muyuncäćhüñatacmi Isacar ayllupi puydï Zuarpa chulin Natanael uycula.
19 Paymi uycula:
carpap midïdanmannu juc quïlu ćhawpi illaypi cä lätucta,
anćhish paćhac anćhish ćhunca grämu illaypi cä täsactapis.
Chay pulanćhüpis allinnin arina asaytiwan chapüśha juntam uycunapä cala.
20 Chaynütacmi paćhac ćhunca (110) grämuyu cä cucharactapis insinsiu juntacta uycula.
21 Cañaycunanpäñatacmi uycula juc malta wäcacta,
juc ulu uwishta,
watayu malta uwishtapis.
22 Chuyanchacunanpäñatacmi juc capishta uycula.
23 Allin cawsaśhanpi Tayta Diosman uycuśhancäćhüñatacmi uycula ishcay wäcacta,
picha ulu uwishta,
picha ulu capishta,
watayü-cama picha uwishtapis.
Caycunactamari Zuarpa chulin Natanael uycula.
Zabulon ayllucunämi uycapäcun
24 Quimsa muyuncäćhüñatacmi Zabulon ayllup puydïnin Helonpa chulin Eliab uycula.
25 Paymi uycula:
carpap midïdanmannu juc quïlu ćhawpi illaypi cä lätucta,
anćhish paćhac anćhish ćhunca (770) grämu illaypi cä täsactapis.
Chay pulanćhüpis allinnin arina asaytiwan chapüśha juntam uycunapä cala.
26 Chaynütacmi paćhac ćhunca grämu ürupi cä cucharactapis insinsiu juntacta uycula.
27 Cañaycunanpäñatacmi uycula juc malta wäcacta,
juc ulu uwishta,
watayu malta uwishtapis.
28 Chuyanchacunanpäñatacmi juc capishta uycula.
29 Allin cawsaśhanpi Tayta Diosman uycuśhancäćhüñatacmi uycula ishcay wäcacta,
picha ulu uwishta,
picha ulu capishta,
watayü-cama picha uwishtapis.
Caycunactamari Helonpa chulin Eliab uycula.
Ruben ayllucunämi uycapäcun
30 Tawa muyuncäćhüñatacmi Ruben ayllup puydïnin Sedeurpa chulin Elisur uycula.
31 Paymi uycula:
carpap midïdanmannu juc quïlu ćhawpi illaypi cä lätucta,
anćhish paćhac anćhish ćhunca (770) grämu illaypi cä täsactapis.
Chay pulanćhüpis allinnin arina asaytiwan chapüśha juntam uycunapä cala.
32 Chaynütacmi paćhac ćhunca grämu ürupi cä cucharactapis insinsiu juntacta uycula.
33 Cañaycunanpäñatacmi uycula juc malta wäcacta,
juc ulu uwishta,
watayu malta uwishtapis.
34 Chuyanchacunanpäñatacmi juc capishta uycula.
35 Allin cawsaśhanpi Tayta Diosman uycuśhancäćhüñatacmi uycula ishcay wäcacta,
picha ulu uwishta,
picha ulu capishta,
watayü-cama picha uwishtapis.
Caycunactamari Sedeurpa chulin Elisur uycula.
Simeon ayllucunämi uycapäcun
36 Picha muyuncäćhüñatacmi Simeon ayllup puydïnin Zurisadaipa chulin Selumiel uycula.
37 Paymi uycula:
carpap midïdanmannu juc quïlu ćhawpi illaypi cä lätucta,
anćhish paćhac anćhish ćhunca (770) grämu illaypi cä täsactapis.
Chay pulanćhüpis allinnin arina asaytiwan chapüśha juntam uycunapä cala.
38 Chaynütacmi paćhac ćhunca (110) grämu ürupi cä cucharactapis insinsiu juntacta uycula.
39 Cañaycunanpäñatacmi uycula juc malta wäcacta,
juc ulu uwishta,
watayu malta uwishtapis.
40 Chuyanchacunanpäñatacmi juc capishta uycula.
41 Allin cawsaśhanpi Tayta Diosman uycuśhancäćhüñatacmi uycula ishcay wäcacta,
picha ulu uwishta,
picha ulu capishta,
watayü-cama picha uwishtapis.
Caycunactamari Zurisadaipa chulin Selumiel uycula.
Gad ayllucunämi uycapäcun
42 Süta muyuncäćhüñatacmi Gad ayllup puydïnin Deuelpa chulin Eliasaf uycula.
43 Paymi uycula:
carpap midïdanmannu juc quïlu ćhawpi illaypi cä lätucta,
anćhish paćhac anćhish ćhunca (770) grämu illaypi cä täsactapis.
Chay pulanćhüpis allinnin arina asaytiwan chapüśha juntam uycunapä cala.
44 Chaynütacmi paćhac ćhunca (110) grämu ürupi cä cucharactapis insinsiu juntacta uycula.
45 Cañaycunanpäñatacmi uycula juc malta wäcacta,
juc ulu uwishta,
watayu malta uwishtapis.
46 Chuyanchacunanpäñatacmi juc capishta uycula.
47 Allin cawsaśhanpi Tayta Diosman uycuśhancäćhüñatacmi uycula ishcay wäcacta,
picha ulu uwishta,
picha ulu capishta,
watayü-cama picha uwishtapis.
Caycunactamari Deuelpa chulin Eliasaf uycula.
Efrain ayllucunämi uycapäcun
48 Anćhish muyuncäćhüñatacmi Efrain ayllup puydïnin Amiudpa chulin Elisama uycula.
49 Paymi uycula:
carpap midïdanmannu juc quïlu ćhawpi illaypi cä lätucta,
anćhish paćhac anćhish ćhunca (770) grämu illaypi cä täsactapis.
Chay pulanćhüpis allinnin arina asaytiwan chapüśha juntam uycunapä cala.
50 Chaynütacmi paćhac ćhunca (110) grämu ürupi cä cucharactapis insinsiu juntacta uycula.
51 Cañaycunanpäñatacmi uycula juc malta wäcacta,
juc ulu uwishta,
watayu malta uwishtapis.
52 Chuyanchacunanpäñatacmi juc capishta uycula.
53 Allin cawsaśhanpi Tayta Diosman uycuśhancäćhüñatacmi uycula ishcay wäcacta,
picha ulu uwishta,
picha ulu capishta,
watayü-cama picha uwishtapis.
Caycunactamari Amiudpa chulin Elisama uycula.
Manases ayllucunämi uycapäcun
54 Pusä muyuncäćhüñatacmi Manases ayllup puydïnin Pedasurpa chulin Gamaliel uycula.
55 Paymi uycula:
carpap midïdanmannu juc quïlu ćhawpi illaypi cä lätucta,
anćhish paćhac anćhish ćhunca (770) grämu illaypi cä täsactapis.
Chay pulanćhüpis allinnin arina asaytiwan chapüśha juntam uycunapä cala.
56 Chaynütacmi paćhac ćhunca (110) grämu ürupi cä cucharactapis insinsiu juntacta uycula.
57 Cañaycunanpäñatacmi uycula juc malta wäcacta,
juc ulu uwishta,
watayu malta uwishtapis.
58 Chuyanchacunanpäñatacmi juc capishta uycula.
59 Allin cawsaśhanpi Tayta Diosman uycuśhancäćhüñatacmi uycula ishcay wäcacta,
picha ulu uwishta,
picha ulu capishta,
watayü-cama picha uwishtapis.
Caycunactamari Pedasurpa chulin Gamaliel uycula.
Benjamin ayllucunämi uycapäcun
60 Isun muyuncäćhüñatacmi Benjamin ayllup puydïnin Gedeonip chulin Abidan uycula.
61 Paymi uycula:
carpap midïdanmannu juc quïlu ćhawpi illaypi cä lätucta,
anćhish paćhac anćhish ćhunca (770) grämu illaypi cä täsactapis.
Chay pulanćhüpis allinnin arina asaytiwan chapüśha juntam uycunapä cala.
62 Chaynütacmi paćhac ćhunca (110) grämu ürupi cä cucharactapis insinsiu juntacta uycula.
63 Cañaycunanpäñatacmi uycula juc malta wäcacta,
juc ulu uwishta,
watayu malta uwishtapis.
64 Chuyanchacunanpäñatacmi juc capishta uycula.
65 Allin cawsaśhanpi Tayta Diosman uycuśhancäćhüñatacmi uycula ishcay wäcacta,
picha ulu uwishta,
picha ulu capishta,
watayü-cama picha uwishtapis.
Caycunactamari Gedeonip chulin Abidan uycula.
Dan ayllucunämi uycapäcun
66 Ćhunca muyuncäćhüñatacmi Dan ayllup puydïnin Amisadaipa chulin Ahiezer uycula.
67 Paymi uycula:
carpap midïdanmannu juc quïlu ćhawpi illaypi cä lätucta,
anćhish paćhac anćhish ćhunca (770) grämu illaypi cä täsactapis.
Chay pulanćhüpis allinnin arina asaytiwan chapüśha juntam uycunapä cala.
68 Chaynütacmi paćhac ćhunca (110) grämu ürupi cä cucharactapis insinsiu juntacta uycula.
69 Cañaycunanpäñatacmi uycula juc malta wäcacta,
juc ulu uwishta,
watayu malta uwishtapis.
70 Chuyanchacunanpäñatacmi juc capishta uycula.
71 Allin cawsaśhanpi Tayta Diosman uycuśhancäćhüñatacmi uycula ishcay wäcacta,
picha ulu uwishta,
picha ulu capishta,
watayü-cama picha uwishtapis.
Caycunactamari Amisadaipa chulin Ahiezer uycula.
Aser ayllucunämi uycapäcun
72 Ćhunca jucniyu muyuncäćhüñatacmi Aser ayllup puydïnin Ocranpa chulin Pagiel uycula.
73 Paymi uycula:
carpap midïdanmannu juc quïlu ćhawpi illaypi cä lätucta,
anćhish paćhac anćhish ćhunca (770) grämu illaypi cä täsactapis.
Chay pulanćhüpis allinnin arina asaytiwan chapüśha juntam uycunapä cala.
74 Chaynütacmi paćhac ćhunca (110) grämu ürupi luläśha cä cuchara junta insinsiuntinta uycula.
75 Cañaycunanpäñatacmi uycula juc malta wäcacta,
juc ulu uwishta,
watayu malta uwishtapis.
76 Chuyanchacunanpäñatacmi juc capishta uycula.
77 Allin cawsaśhanpi Tayta Diosman uycuśhancäćhüñatacmi uycula ishcay wäcacta,
picha ulu uwishta,
picha ulu capishta,
watayü-cama picha uwishtapis.
Caycunactamari Ocranpa chulin Pagiel uycula.
Neftali ayllucunämi uycapäcun
78 Ćhunca ishcayniyu muyuncäćhüñatacmi Neftali ayllup puydïnin Enanpa chulin Ahira uycula.
79 Paymi uycula:
carpap midïdanmannu juc quïlu ćhawpi illaypi cä lätucta,
anćhish paćhac anćhish ćhunca (770) grämu illaypi cä täsactapis.
Chay pulanćhüpis allinnin arina asaytiwan chapüśha juntam uycunapä cala.
80 Chaynütacmi paćhac ćhunca (110) grämu ürupi cä cuchara junta insinsiuntinta uycula.
81 Cañaycunanpäñatacmi uycula juc malta wäcacta,
juc ulu uwishta,
watayu malta uwishtapis.
82 Chuyanchacunanpäñatacmi juc capishta uycula.
83 Allin cawsaśhanpi Tayta Diosman uycuśhancäćhüñatacmi uycula ishcay wäcacta,
picha ulu uwishta,
picha ulu capishta,
watayü-cama picha uwishtapis.
Caycunactamari Enanpa chulin Ahira uycula.
Lluy uycuśhancunaca caycunam
84 Chayurá uycuna patac llusiycuśha captin Israel caśhtacunap puydïnincuna apapämuśhancunaca caynümanmi lluy ćhäla:
illaypi cä ćhunca ishcayniyu (12) lätuman,
illaypi cä ćhunca ishcayniyu (12) täsaman,
ürupï cä ćhunca ishcayniyu (12) cucharamanpis.
85 Chay illaypi cä lätucunam quïlu ćhawpincä-cama llasala.
Täsacunäñatacmi anćhish paćhac anćhish ćhunca (770) grämuyü-cama llasala.
Chaymi lluy caycuna carpap midïdanmannu tupuśha ćhäla ishcay ćhunca anćhishniyu (27) quïluman.
86 Chaynütacmi ürupi cä ćhunca ishcayniyu cucharacuna insinsiu juntayu cäcunaca carpap midïdanmannu tupuśha paćhac ćhunca (110) grämucta-cama llasapäcula.
Lluy ürupi cä cucharacunämi juc quïlu tawa paćhac grämuyu cala.
87 Cañaycunapä cäcunäñatacmi ćhäla:
ćhunca ishcayniyu wäcaman,
ćhunca ishcayniyu ulu uwishman,
watayü-cama ćhunca ishcayniyu malta uwishcunamanpis.
Caycunawan cuscatacmi uycuna micuycunäpis cala.
Chuyanchaycuśha cananpäñatacmi ćhunca ishcayniyu capishcunaman ćhäla.
88 Allin cawsaśhanpi uycuśhan cäcunäñatacmi ćhäla:
ishcay ćhunca tawayu (24) wäcacunaman,
süta ćhunca (60) ulu uwishcunaman,
süta ćhunca (60) ulu capishcunam,
watayü-cama süta ćhunca (60) malta uwishcunamanpis.
Caycunam capäcula uycuna patacta chuyanchaycuśhanpi japächaycälinanpä uycuśhancunaca.
89 Ñatac tincunapä carpamanmi Tayta Dioswan limananpä Moises yaycula.
Chayćhümi limalicuśhan babulcäpa janäninćhu querubin anjilcunäpa ćhawpinpi limapäśhanta uyalïlun.
Chaynüpamari Moiseswan Tayta Dios limala.