Números
Sinsaśhancunapi Moises Isquirbishan
Israelcunaca ayllunpa-cama sinsaśha capäcunanpämi nin
1
Israelcunaca Egiptopïta yalamuśhanpi ishcay watacta liyal,
ishcay quillap allaycuynin muyuncäćhümi Sinai chunyäcäćhu,
tincunapä carpaćhu Moises cayaptin Tayta Dios nin:
2 “Jinantin Israel caśhtacunaca ayca capäcuśhantapis sinsapäcuy,a
ayllunpa-cama,
wasinpa-cama,
lluy umricunäpa śhutinta isquirbishtin.
3 Amwan Aaronmi ishcay ćhunca (20) watayüpi janaman pilyä walaśhcunacta pilyananpä grüpu-grüpucta-cama sinsapäcunqui.
4 Cayćhu lluy ayllupi-cama jucnin puydïnin wayapam yanapapäcuśhunqui.
5 Caycunam yanapapäcuśhüniquicuna:
Ruben ayllućhu Sedeurpa chulin Elisur,
6 Simeon ayllućhuꞌa Zurisadaipa chulin Selumiel,
7 Juda ayllućhuꞌa Aminadabpa chulin Naason,
8 Isacar ayllućhuꞌa Zuarpa chulin Natanael,
9 Zabulon ayllućhuꞌa Helonpa chulin Eliab.
10 Jose chulinpïñatacmi ishcay ayllu yalula:
Efrain ayllućhuꞌa Amiudpa chulin Elisamam cala;
Manases ayllućhuꞌa Pedasurpa chulin Gamalielmi cala.
11 Chaynütac yanapapäcuśhunqui Benjamin ayllućhuꞌa Gedeonip chulin Abidan;
12 Dan ayllućhuꞌa Amisadaipa chulin Ahiezer;
13 Aser ayllućhuꞌa Ocranpa chulin Pagiel;
14 Gad ayllućhuꞌa Deuelpa chulin Eliasaf;
15 Neftali ayllućhuꞌa Enanpa chulin Ahira” nil.
16 Paycunactam malcaca ayllunpa-cama puydïnincunapä ćhulapäcula;
jinaman pilyananpä cä grüpucunäpä mandäninca cananpäpis.
17 Chay unanchaśhan nunacunätam Moiseswan Aaron juntülälin,
18 ishcay quillap allaycuy muyunninćhu lluy malcantinta.
Chaynüpam lluy manyallapi ayllunpi-cama,
wasinpi-cama sinsaśha cala.
Jinalmi ishcay ćhunca (20) watayüpïta janaman lluy walaśhcunaca apuntäśha capäcula,
19 Tayta Dios Moisesta nishannülla.
Caynu Moises sinsala Sinai chunyäcäćhu cayalmi.
20 Chayurá Israelpa wamä chulin Ruben ayllupi lluy milaynincunam apuntäśha capäcula;
ishcay ćhunca watapi janaman walaśhcunämari pilyapäcunanpä wasinpi-cama apuntäśha capäcula.
21 Ruben ayllupïtam tawa ćhunca sütayu walanga picha pachac (46,500) nunacuna capäcula.
22 Simeon ayllup milaynincuna lluymi apuntäśha cala;
ishcay ćhunca watapi janaman walaśhcunämari pilyapäcunanpä wasinpi-cama apuntäśha capäcula.
23 Simeon ayllupïtam picha ćhunca isun walanga quimsa paćhac (59,300) nunacuna capäcula.
24 Gad ayllup milaynincuna lluymi apuntäśha cala;
ishcay ćhunca watapi janaman walaśhcunämari pilyananpä wasinpi-cama apuntäśha capäcula.
25 Gad ayllupïtam tawa ćhunca pichayu walanga süta paćhac picha ćhunca (45,650) nunacuna capäcula.
26 Juda ayllup milaynincuna lluymi apuntäśha cala;
ishcay ćhunca watapi janaman walaśhcunämari pilyananpä wasinpi-cama apuntäśha capäcula.
27 Juda ayllupïtam anćhish ćhunca tawayu walanga süta paćhac (74,600) nunacunaca capäcula.
28 Isacar ayllup milaynincuna lluymi apuntäśha cala;
ishcay ćhunca watapi janaman walaśhcunämari pilyapäcunanpä wasinpi-cama apuntäśha capäcula.
29 Isacar ayllupïtam picha ćhunca tawayu walanga tawa paćhac (54,400) nunacuna capäcula.
30 Zabulon ayllup milaynincuna lluymi apuntäśha cala;
ishcay ćhunca watapi janaman walaśhcunämari pilyananpä wasinpi-cama apuntäśha capäcula.
31 Zabulon ayllupïtam picha ćhunca anćhishniyu walanga tawa paćhac (57,400) nunacuna capäcula.
32 Josepa chulinpïñatacmi caycuna cala:
Efrain ayllupïta lluymi apuntäśha cala;
ishcay ćhunca watapi janaman walaśhcunämari pilyapäcunanpä wasinpi-cama apuntäśha capäcula.
33 Efrain ayllupïtam tawa ćhunca walanga picha paćhac (40,500) nunacuna capäcula.
34 Manases ayllupïta lluymi apuntäśha cala;
ishcay ćhunca watapi janaman walaśhcunämari pilyapäcunanpä wasinpi-cama apuntäśha capäcula.
35 Manases ayllupïtam quimsa ćhunca ishcayniyu walanga ishcay paćhac (32,200) nunacuna capäcula.
36 Benjamin ayllupïta lluymi apuntäśha cala;
ishcay ćhunca watapi janaman walaśhcunämari pilyapäcunanpä wasinpi-cama apuntäśha capäcula.
37 Benjamin ayllupïtam quimsa ćhunca pichayu walanga tawa paćhac (35,400) nunacuna capäcula.
38 Dan ayllupïta lluymi apuntäśha cala;
ishcay ćhunca watapi janaman walaśhcunämari pilyapäcunanpä wasinpi-cama apuntäśha capäcula.
39 Dan ayllupïtam süta ćhunca ishcayniyu walanga anćhish paćhac (62,700) nunacuna capäcula.
40 Aser ayllupïta lluymi apuntäśha cala;
ishcay ćhunca watapi janaman walaśhcunämari pilyapäcunanpä wasinpi-cama apuntäśha capäcula.
41 Aser ayllupïtam tawa ćhunca jucniyu walanga picha paćhac (41,500) nunacuna capäcula.
42 Neftali ayllupïta lluymi apuntäśha cala;
ishcay ćhunca watapi janaman walaśhcunämari pilyapäcunanpä wasinpi-cama apuntäśha capäcula.
43 Neftali ayllupïtam picha ćhunca quimsayu walanga tawa paćhac (53,400) nunacuna capäcula.
44 Caycunam Moiseswan Aaron,
Israel cashtacunäpa puydïnincunap yanapayninwan ayllunpi-cama lluy sinsaśhancunaca capäcula.
45 Lluy Israel caśhtapi ayllunpi-cama ishcay ćhunca watapi janaman pilyananpä cäcunaca apuntäśham capäcula.
46 Chayurá süta paćhac quimsayu walanga picha paćhac picha ćhunca (603,550) nunacunam lluy capäcula.
Levitacunaca mana sinsaśha cananpämi nin
47 Ñatac levitacunäpa milaynincuna juc ayllucunäwan cusca manam sinsaśhachu capäcula.
48 Chaynu cala Tayta Dios Moisesta caynu nishanpam:
49 “Jinantin Israel caśhtacunäta sinsal amam Levi ayllucunäta sinsanquichu.
50 Paycunactá ćhulaycälinqui tincuna chuya carpacta,
lluy cänincunacta,
ima lulaycunactapis licaycälinanpämi.
Paycuna chay carpacta,
imapis lluy cänincunactawanmi maymanpis aśhuchipäcunꞌa.
Chaynütacmi carpap muyülïninćhu yaćhapäcunꞌapis.
51 Chaynu aśhuchina captinꞌa paycunam lluy pasquipäcunꞌa;
śhalcachina captinpis śhalcachipäcunꞌatacmi.
Chay carpaman juc nuna aśhuycücá wañuchisham canꞌa.
52 Chay ćhunca jucniyu Israel ayllucunäñatacmi cachacunu jamapäcuśhanćhu-cama,
bandiranćhu-cama jamapäcunꞌa.
53 Ñatac levitacunacá carpap muyulïninćhümi capäcunꞌa.
Chayćhümi täpapäcunꞌa Israel malcawan Tayta Dios mana piñacunanpä” nil.
54 Chaynu Tayta Dios Moisesta camachishannüllam Israel caśhtacunaca lulapäcula.