Faraonpa churinwan Salomon casarakusqanmanta
3
Salomonmi aylluchakururqa Egipto nacionpa reynin Faraonwan,
Faraonpa churinwan casarakuruspanmi payta pusamurqa “Davidpa llaqtan” sutiyoq barrioman chaypi yachanankupaq.
Chaypiqa yacharqaku reypa wasinta,
tayta Diospa templonta chaynataq Jerusalen llaqtapa muyuriqninpi murallatapas hatarichiyta tukunankukamam.
2 Chay tiempopim runakuna Diospaq animalkunata wañuchiqku alto moqokunapi kaq capillakunapi,
chaynataqa rurarqaku Tayta Diospa templon manaraq rurasqa kasqanraykum.
Diosmanta Salomon yachay mañakusqanmanta
3 Salomonmi ichaqa Tayta Diosta kuyarqa taytan Davidpa decretonkunata kasukuspa,
chaywanpas animalkunata wañuchispanmi inciensota kañarqa alto moqo capillakunapi.
4 Gabaon llaqtamanpas Diospaq animalkuna wañuchiqmi rirqa.
Chaymanqa rirqa chay moqopi kaq capilla ancha reqsisqa kasqanraykum,
chay altarpa hawanpim waranqa animalkunata kañamurqa.
5 Gabaon llaqtapim sueñoyninpi Salomonman Tayta Dios rikuriykuspan nirqa:
—Mañakuway imam munasqaykita,
ñoqam qosqayki —nispa.
6 Chaymi Salomonñataq nirqa:
—Serviqniki taytay Davidtam llumpayta kuyapayarirqanki,
chaynataqa rurarqanki cheqaptapuni munasqaykiman hina allin ruraq kasqanraykum,
kunan sucedekusqanpi hinam payta bendecispayki churintapas gobiernachiwachkanki.
7 Yupaychasqay Dios Taytalláy,
kunanmá taytay Davidpa rantinpi kay serviqnikita gobiernachiwachkanki,
ñoqaqa warmaraqmi kani,
manam ima ruraytapas yachaniraqchu.
8 Kay serviqnikiqa akllakusqayki runaykikunapa chawpinpim kachkani,
paykunaqa kachkanku nana-nanaq mana yupay atina runakunam.
9 Qoykuwayá yachayta chaynapi allinta entiendespa runaykikunata gobiernanaypaq chaynapi imam allin kasqanta chaynataq mana allin kasqantapas tanteanaypaq.
Mana chayna kaptinqa ¿pitaq gobiernayta atinman nana-nanaq runaykikunata?
—nispa.
—Manamá mañakuwarqankiqa unay wata kawsakuytachu nitaq qori-qollqetachu nitaq enemigoykikuna wañuchisqa kanankutachu.
Mañakuwarqankiqa entendimientotam allin arreglo ruranaykipaq,
12 chaynaqa qoykim mañakusqaykiman hina.
Qoykimá yachaytapas chaynataq allin entendimientotapas,
ñawpaqtaqa manam pipas karqachu qam hina yachayniyoqqa,
manataqmi qanmanta qepatapas kanqachu.
13 Qoykitaqmi mana mañawasqaykikunatapas,
apuyachispaymi ancha reqsisqata rurasqayki,
kawsanaykikamaqa huk reyqa manam qam hinaqa kanqachu.
14 Taytayki David hina decretoykunata hinaspa kamachisqaykunata kasukuspa munasqayman hina ruraptikiqa unay watakunatam kawsachisqayki —nispa.
15 Salomon rikchariruspanmi cuentata qokururqa sueñosqanta chaymi Jerusalen llaqtaman kutirimuspa Tayta Diospa contrato rurasqan baulpa qayllanpi animalkunata wañuchispa lliwta kañarqa,
ofrecerqataqmi Dioswan allinlla kasqanmanta ofrendakunatapas,
preparachirqam convidota llapallan serviqninkunapaq.
Salomonqa yachayniyoq chaynataq apullaña kasqanmanta
16 Chay tiempopim iskay chuchumika warmikuna reypa kasqanman rispa paypa qayllanpi sayaykurqaku.
17 Hinaptinmi huknin warmi nirqa:
—Reynilláy,
kay warmiwanmi yachaniku huk wasillapi,
paywan kuska wasipi kachkaspaymi wachakururqani.
18 Wachakusqaymanta kimsa punchawmantam kay warmipas wachakururqa,
iskayllaykum chay wasipiqa yacharqaniku,
manam pipas chaypiqa karqachu,
iskayllaykumá chay wasipiqa karqaniku.
19 Kay warmipa wawanmi wañururqa tuta puñuchkaspa ñitirusqanrayku.
20 Hinaptinmi chawpi tutata hatariruspa waqtaymanta wawayta horqorusqa puñunaykama hinaspam chay wawaytaqa ladonmanña churaykusqa,
wañusqa wawantañataqmi waqtayman churaramusqa.
21 Wawayta ñuñunaypaq tutapayta hatariruspaymi paytaqa tariykurqani wañusqataña ichaqa achikyaruptinmi allinta qawaykuspay reqsirurqani mana waway kasqanta —nispa.
22 Chaymi huknin warmiñataq nirqa:
—Manam,
kawsaq wawaqa ñoqapam,
wañusqañataqmi qampa —nispa.
Chaymi punta rimaq warmiñataq nirqa:
—Manam,
wañusqa wawam qampaqa,
kawsaqñataqmi ñoqapa —nispa.
—Kay warmim nin:
“Ñoqapam kawsaq wawaqa qampañataqmi wañusqa wawa” nispa.
Huknin warmiñataqmi nin:
“Manam,
qampa wawaykiqa wañusqa kaqmi,
ñoqapañataqmi kawsaq” nispa.
24 Hinaptinmi rey kamachirqa:
—Apamuychik espadata —nispa.
—Kawsaq wawata chawpimanta partiruspa qoychik partenta sapakamaman —nispa.
26 Wawanmanta sonqonpi llumpayta llakikusqanraykum kawsachkaq wawapa maman reyta nirqa:
—Reylláy,
kay warmimanyá qoykuy kay kawsaq wawataqa,
amayá wañuchiychu —nispa.
Huknin warmiñataqmi nirqa:
—Amayá kachunchu qampaqpas nitaq ñoqapaqpas,
partiychikyá —nispa.
27 Chaymi reyñataq nirqa:
—Punta rimaq warmiman qoychik chay kawsaq wawata,
ama wañuchiychikchu,
paymi cheqap mamanqa —nispa.
28 Chaymi Israel nacionniyoq llapallan runakuna yacharurqaku reypa allin arreglasqanta,
reytam respetarqaku allin arreglo rurananpaq Diospa yachay qosqanta qawaykuspanku.