ဝါယ် တီ၊ အုဝ် ဝီ ယိုဝ် ဂြုဝ်း တာင် လေး ခဲင် ဟုဝ် ဇဝ်ဖြာ၊ ဝီ ကာလာင် ဒီ အာမူ အာမာတ် ဇဝ်ဖြာ ဘူ ကာဒင် တွိုန် တဝ်း၊ “ဟာဝ် ဒိုဝ်း ဆီလယ့် အီ မိုဝ်း ဝူတ် ပီ ဒွါ ဇဝ်ဖြာ တီ၊ ဟုး ဒဲင် ကာဒါယ်။”

2 အာမူ အာမာတ် ဇဝ်ဖြာ ကာဒင် ဒေါ ဂုဝ် ဘော ဟုး ဆီလယ့် အန် ဒဲင် ကာဒါယ်၊ န့ ဘော ဘဲန် ဘိုပ် ဘဲန် ဒိမ် ဒီ ဂေ ဒူအီ အီ မိုဝ်း ဇိုမ် မာဒုဝ် ပြဲ တွိုန် ဘော ဒီ ဂေ အီ ကြိုပ် အာရိုပ် အန်။

3 အာမူ အာမာတ် ဇဝ်ဖြာ ကာဒင် ဟာအာ ဘော ဟုး ဆီလယ့် အန် ခဲင် အိုမ် နမ်မုက်ဆာရာ။ အိုမ် ဘော ဘဲန် နှာမ် ပီ နှာမ် ဒူအီ ယမ်။ ခဲ့ ကွယ် ဒုဝ် ဆတ်ဒါဝါ ခဲင် အိုမ် ဘော ယမ် တူတ့်။

4 အာမူ အာမာတ် ဇဝ်ဖြာ ကာဒင် ဟာအူယ် ဘော ဟုး ဆီလယ့် အန် ခဲင် အိုမ် ဘ့လဲင် ဘော ဒူင် တုဝ်း အိုမ်။ အိုမ် တီ ဘော ဘဲန် တူတ့် နှာမ်။ 5 အုဝ် ဝီ ယိုဝ် ဂြုဝ်း အာမူ အာမာတ် ဇဝ်ဖြာ အီ အိုပ် အိုမ် တီ။ အန် တဝ်း၊

7 အန် ဟဲ့ ဟွတ့် ကာလာင် ဂြုဝ်း တီ၊ အုဝ် ပီ ဝီ ယိုဝ် ဂြုဝ်း အီ လေး ဒီ ကာစှူင့် လှူ တဝ်း၊

8 အာမူ အာမာတ် ဇဝ်ဖြာ ကာဒင် မ့ဖွုန် ဘော ဝီ ဟုး ဆီလယ့် အန် ဒီ ဆီငဲ။ ဆီငဲ ဘော ဘဲန် ဆောဒါတ် ကာဆဝ်၊ တဲး ဂေ ဒူအီ ဘဲန် ဘ့လုး ကာဆိုမ် ဒီ ငဝ်။ 9 ဒေါ ခမ် ဂေ ဒုက် တီ၊ ဂေ ဘော ဒိူင် ဇဝ်ဖြာ အီ မိုဝ်း ပွုန် ဒီ ဘူင် တဲး ဂေ ခမ် ဒုက် တီ။ ဂေ ယီ တူ ကာပ့လု နဝ်း၊ တူ လှုဝ်း မှာပ် ဂေ၊ တူ အိူပ် ဇဝ်ဖြာ။

10 အာမူ အာမာတ် ဇဝ်ဖြာ ကာဒင် မ့ဖန် ဘော ဟုး ဆီလယ့် အန် ဒဲင် မာလာင် မာဒုဝ် ပြဲ တွိုန်။ မိူင် ပီ အိုပ် အန် ဘော အပ် ဝွင့် တူတ့် အူ ဇေန့်။ ဒူအီ အီ ကွယ် ခဲင် မိူင် တီ၊ ဂေ ဘော ကဝ့် ဘော ဆီဂိတ် ဟြာင် ဂေ ကူပ် ဟဲ့ ခမ် ဂေ ဆဝ် ကာဆဝ်။ 11 ကူပ် ဟဲ့ ခမ် ဂေ ဆဝ် ဘိုပ် ဆဝ် ဒိမ် အီ လေး ဒီ ဒုဝ် ဘူင့် ဂေ တီ၊ ဂေ ဝီ ဒိူင် ဇဝ်ဖြာ အီ ကွယ် ဂါင်ဟြာဝ်။ ဂေ ယီ တူ လှုဝ်း မှာပ် ဂေ၊ တူ ကာပ့လု နဝ်း ဂေ။

12 အာမူ အာမာတ် ဇဝ်ဖြာ ကာဒင် န့ဒဝ် ဘော ဟုး ဆီလယ့် အန် ခဲင် ဘ့လဲင် အိုမ် တာင် အီ စိူဝ် အူဖာရာတ်။ ဘ့လဲင် အိုမ် တာင် တီ ဘော ဟိတ် အူ ဇေန့်၊ တဲး န့ ဘဲန် န့တေန့် အာဒါ ခုန်ဒီခမ် မင် ကာဒင် အီ တး နာ လေး ဆီငဲ။ 13 ဒေါ အန် တီ အုဝ် ဝီ ယိုဝ် ကာနမ် ဟာယ် အူယ် ကာဒင်။ အာရိုပ် ဂေ ပီ မာရုဝ့်။ ဂေ လေး ခဲင် မူတ့် မာကြာယ်၊ ခဲင် မူတ့် မာဒုဝ် ပြဲ တွိုန်၊ ဘော ခဲင် မူတ့် မာဒုဝ် ပြဲ ပေါ ဒုဝ် တွိုန်၊ အီ ညိုင်ရာင် ဒီ ဘျာန် ဂြုဝ်း ဇဝ်ဖြာ။ 14 ဂေ မုး ကာနမ် အီ ဟာယ် ကာဆဝ်။ ဂေ ဟဲ့ နပ် ဒီ ဘူင် အီ မွှိုမ် အာမ် ကိူန်။ ဂေ ဘော ဟာဝ် ဒူင် ကွယ် ဂေ ခုန်ဒီခမ် အီ ကွယ် ဒဲင် ကာဒါယ် နီ၊ တဲး ခုန်ဒီခမ် ဂေ တီ တး ကာဇု၊ တဲး ဂေ လာယ် ကာဂုဝ်း ပန် ဒီ ဇမ် ဆီငဲ ဒီ ဆုင်ဖျာတ် ဇဝ်ဖြာ အာမူ ဒူအီ။ အန် ဇဝ် မုး ဇဝ်ဖြာ အီ အိုပ် တူတ့် ဒွန် မျုဝ်။ 15 ဇဝ်ဖြာ ဟဲ့ တဝ်း၊ “ဘ်ု ဘေ ယွတ်၊ အုဝ် ဒီ တး ပီ ဒါ ပြာ။ အာဆေ ဟဲ့ န့ဆိုဝ်း၊ ဟဲ့ မ့ပြာယ် ဆီချာ ခြိုင် ပီ တာ အန်၊ အန် ဒီ ဘျုဝ် ဒါခိုယ်။ အန် မိူဝ် တူ အာဂ့လ၊ တူ လုဝ် ဆာယ် အီ။” 16 ကာနမ် ဟာယ် ဂေ တွိုန်၊ ဂေ ဟဲ့ တဲး ဂေ ခုန်ဒီခမ် တး ကာဇု ဒူင် စိူဝ် ဟာမာဂေဒူန်၊ အီ မုး ဂြုဝ်း ဟဲဘြဲ။

17 အာမူ အာမာတ် ဇဝ်ဖြာ ကာဒင် မ့ဘူ ဘော ဟုး ဆီလယ့် အန် ခဲင် ဘ့လေန့်။ န့ ဘော မိုဝ်း ဂြုဝ်း တာင် လေး ဒီ မာလာင် အီ ကွယ် ခဲင် ဒူင် ဘွတ် တွိုန် တဝ်း၊ “ဟဲ့ ဟွတ့် ဟွတ့်။” 18 ဟဲ့ ဟွတ့် ပါယ် တီ၊ န့ ဘော မိုဝ်း ပ့လ မ့ပ့လေတ့်၊ မိုဝ်း ဟမ် ကာနမ်၊ ဟမ် ဘ့လေ ကာဆး အီ ဆီနန် ဆီနိူင်။ မာအိမ် မိူဝ် ဘော ယေန့် ကာဆဝ်။ ဆိန့် ဒေါ ကာစုး ဒူအီ ဒီ မိုဝ်း ဒဲင် ကာဒါယ် နီ၊ မာအိမ် တူ ဒွိုမ် ယေန့် ကာဆဝ် ခဲ့ တီ ခေါ အူ ဇေန့်။ ခါ နီ ဟဲ့ လွှိုမ် တူတ့် ဒွန် ဇေန့်။ 19 မိူင် တာင် ဟဲ့ ဒး ဘဲန် အူယ် ပ့လုဝ့်။ မိူင် ဒဲင် ကာဒါယ် ဒွန် မိူင် ဟဲ့ လိုဝ် တူတ့်။ ဇဝ်ဖြာ ယီ တူ ပိဝ် မိူင် ဘာဘဲ အီ တာင် ကာဆဝ်။ အန် ဘော ဒွါ ဝူတ် အီ စန် ကာဆဝ် ဒီ ဒူအီ ခဲင် မိူင် တီ။ န့ ပီ ဂေ လုဝ် ဒျီင် ကိူန် အိုမ် မာငုန် အီ ပြာင် ကာဆဝ်။ 20 ဒေါ အန် တီ ဂုန် အိုမ် မိူဝ် ဟဲ့ ဘျုဝ်း တူတ့်။ နွန် ဒွန် နွန် ဟဲ့ ဟြာယ်။ 21 ဘျြီ အီ ကွယ် ခဲင် ဂါင်ဟြာဝ် အီ စန် အူယ် ဂိုဝ် ဆ ဘော စုဝ်း ဒဲင် ဂေ ဒူအီ။ ခဲ့ ကွယ် ဒူအီ ယီ ကာဖြူမ် ဒီ ဒိူင် ဇဝ်ဖြာ ကူပ် ဟဲ့ ခမ် ဂေ ဒုက် ဒီ ဘျြီ တာင် အီ ဟဲ့ မွှိုမ် ယုဝ် ကာဆဝ် တီ။