1 ဝါယ် အန် တီ ခဲင် ဘ့လေန့် ဟဲ့ ဝီ ပွိုန် ယိုဝ် အီ မွှိုမ် အာမ် ကာဆဝ်။ န့ မိုဝ်း အီဘိုန့် အူ ဝီ။ န့ ပီ၊ ဆီငဲ ဟဲ့ ဘဲန် ခြိုင် အန်။ မာဂျီန် ဘော ကွယ် ခြိုမ် ပ့လဝ် အန်။ ဒီ ဂိန့် အန်၊ အန် ဟဲ့ စှိုပ် မင်ဂိုမ် အီ မုး ဆီမန့် ဂိုဝ် ဒီ အာ ဘူင့်။ 2 အီဘိုန့် တီ၊ ယီ ဟဲ့ တူ အး တာင်။ အန် ဘော ဒတ် တာင် ကူပ် ဟဲ့ ဆဝ် ဝတ့် အန်၊ ဟဲ့ ကာတတ် အန် ဒီ ဂွန်။ 3 ပန် တီ န့ ပီ ဝီ မိုဝ်း အီ မွှိုမ် အာမ် ပေါ အူ မျုဝ် အီ ပွိုန် ယိုဝ် ခဲင် ဘ့လေန့်။ န့ မိုဝ်း မာကြာယ် ရေန့် အူ ဒုဝ် အီ တာင် ကာဆဝ်။ ဂိန့် အန် ကွယ် ဘူ ဘူင့်။ နိုင် အန် ကွယ် ဂိုဝ် ဘူင့်။ ဒီ ဂိန့် အန် ဘူ ဘူင့် တွိုန် ပီ ဝီ မိုဝ်း မင်ဂိုမ် ဒွန် ဂိန့်။ 4 အန် ဘော တာ ဆီဒါ အန် ဂ့ဝါ စုဝ်း ဆီမန့် အူယ် ဘုန် အူ ဘုန် ဒီ ဘ့လေန့်၊ တဲး ဂေ စုဝ်း ဒဲင် ကာဒါယ်။ အန် ဘော ကွယ် နာ အာတ့် အီဘိုန့် တွိုန်၊ ဘ်ု ဒီ ဟူမ် ဂွန် အီဘိုန့် တီ။ 5 ဟဲ့ ဟွတ့်၊ အီဘိုန့် တီ ဘော ဂွိုတ် ဂွန် အီမာယ်။ ဂွန် တီ ဒီ အိုပ် ဒူအီ ဒွန် မျုဝ်။ န့ ပီ အန် ဂူင့် လျီး ဟိန်၊ တူ တဲး အာဆေ ကာခဲန့် ဒီ အန်။ မာကြာယ် တွိုန် ယီ တူ ပွိုန် ဒီ ဟူမ် ဂွန် တီ။ အာမူ အာမာတ် ဇဝ်ဖြာ ဘော ဖာတ် ဒိုဝ်း ဟာဝ် ဂွန် တီ၊ တဲး အန် ကွယ် ခူပ် ဇဝ်ဖြာ ဒဲင် မာလာင် အန်။ 6 အီဘိုန့် တွိုန်၊ အန် ဘော တဝ် ဟာဝ် ခဲင် ပြဲ ကာဟဝ်း၊ ဟာဝ် ကွယ် ဒူင် ပဲ့ ဟဲ့ ရဲန် အုန် ဇဝ်ဖြာ အာဒါ အန်။ ဒူင် ကွယ် အန် တီ၊ န့ မိုဝ်း အီ ယွတ် လိုမ်လာ အန် အာဒါ အူ ဟြဲန့် ဒီ အာ မာယဝ်း ဒီ ဒဝ် ဂိုဝ် ဆီငဲ။

7 ဒေါ အန် တီ န့ ဘော ဘဲန် ဆိုက် လာယ် ကာဂုဝ်း ခဲင် ဂါင်ဟြာဝ်။ ဒါ ကာညာ အာမူ အာမာတ် ဇဝ်ဖြာ အီ စိူဝ် အာမီခီလာ ဘော ဂေ အာမူ အာမာတ် ဇဝ်ဖြာ ပီ အိုပ် အန်၊ ဂေ ကာဂုဝ်း ဒီ မာကြာယ် တီ။ မာကြာယ် တီ ဘော ဒဲ့ ဂေ ကာနမ် ပီ အိုပ် အန်၊ ဝီ ကာဂုဝ်း ဒီ ဂေ။ 8 ဖိုင် မာကြာယ် ဂေ တီ ယီ တူ ပဲ၊ ဂေ ဘော စှိုမ်။ ခုဝ်၊ ခဲင် ဂါင်ဟြာဝ် ဂေ ဟူ ပွိုန် ကွယ် ဒေါ မှဝ်။ 9 ဂေ ဘျွာ ဘော အန် ဘော ဖိုင် အီ ဒူပ် အန်၊ တဲး ဂေ စုဝ်း ဒဲင် ကာဒါယ်။ မာကြာယ် ဒုဝ် တီ၊ န့ ဘော မုး မာဟန့် အီ ကွယ် ဘာန် ဒေါ မွိုန် တွိုန်။ ဂေ ဘော တဝ်း၊ အန် စိူဝ် ဘုဝ် ကာနမ် ဘော ဆာတာန်။ အန် ဟဲ့ ကာဆုး ဒူအီ ဘော ကာဒါယ် ဘူင် မှာပ်။

10 ဟဲ့ ဟွတ့် ပါယ် တီ၊ အုဝ် ပီ ဝီ ယိုဝ် ဂြုဝ်း တာင် ခဲင် ဂါင်ဟြာဝ် တဝ်း၊

13 ပန် တီ ဒေါ ဟဲ့ ဝီ နပ် မာကြာယ် တီ၊ အန် ဟဲ့ ကာဒုး ဒီ စုဝ်း ဒဲင် ကာဒါယ်၊ အန် ဘော ဝီ ခုင်ခြး အီဘိုန့် အီ မိုဝ်း ဂွန် တွိုန်။ 14 မာလဲ၊ ဇဝ်ဖြာ ဝီ တဲး အီဘိုန့် တီ မိုဝ်း ဖျီင် တာင် အာ ဘ့လာက်၊ တဲး န့ ပီ ဖျီင် မာဂ့လာင်၊ တဲး အန် ပွိုန် ဒီ ဘိုန့် ဟာဝ် ခဲင် ပြဲ ကာဟဝ်း၊ ဇမ် အူ ပ့လုဝ့် ပဲ့ ဟဲ့ ရဲန် အုန် ဂေ အာဒါ အန်။ ဒူင် ကွယ် အန် တီ၊ န့ မိုဝ်း အီ ယွတ် လိုမ်လာ အန် အာဒါ အူယ် ဆီနမ် ဒီ အူ ကာတဲ၊ ကွဲ့ တဲး မာကြာယ် တွိုန် ဒွါ ဒုက် ဒီ အန်။ 15 မာကြာယ် တီ ဘော ဝီ ကာဖြုး အိုမ်၊ တဲး န့ ပီ အိုမ် ဘ့လဲင် တာင် အီ ဒူပ် ဒီ ပန် အီဘိုန့် တီ၊ တဲး အီဘိုန့် တီ လှဲ ဒူပ် ဟဲန့် အိုမ် တီ။ 16 မာလဲ၊ ကာဒါယ် ယီ စွယ် အီဘိုန့် တီ။ ကာဒါယ် မိုဝ်း မာအ၊ တဲး အိုမ် ပီ ကာဖြုး မာကြာယ် တီ ဝီ လှဲ လိုပ် ခဲင် မာအ ကာဒါယ် တီ။ 17 ပါယ် တီ၊ မာကြာယ် ဘော ဝဲ ရူ ကာဆဝ် ဒီ အီဘိုန့် တီ။ အန် ဘော ဝီ ဟာဝ် ကာဂုဝ်း ဒီ လှုက်လှာန် အန် ဒွန် အီ။ န့ မုး ဂေ အီ ထူမ် ဒါရာ ဇဝ်ဖြာ ဘော ဘူင် ဒူပ် ပီ မာနုဝ် ဇဝ် ယေဆူ။ 18 မာကြာယ် တီ ဘော ကွယ် ဘ်ု ဘာင် အိုမ် နမ်မုက်ဆာရာ။