1 ဝါယ် အန် တီ အုဝ် ဝီ ယိုဝ် ပေါ န့ ပွါ။ ဟဲ့ မိုဝ်း မာလုဝ်း အီ ဝိုဝ်း အုန် ခဲင် ဂါင်ဟြာဝ်။ ဟမ် ပီ ယိုဝ် အုဝ် ဒီ အာတ့်၊ န့ ဘော ပီ ဟမ် ဘုတ် ဝဝ် နိုင် မာပဲ။ န့ ဘော တဝ်း ဒီ အုဝ်၊ “တဲး မဲ ဟုဝ့် ဒီ နီ၊ အုဝ် ဒီ ဘျ ဒီ မဲ အီ ဒီ ဘဲန် နာ အာတ့် နီ ဟာဝ်။” 2 ဒေါ အန် တီ အူ ဇေန့်၊ နဝ်း ဖွိုမ် ဇဝ်ဖြာ ဘော ပ့လိုက် အုဝ်၊ တဲး အုဝ် ယိုဝ်။ ခဲင် မိူင် ဂါင်ဟြာဝ် တီ န့ မိုဝ်း မာလာင် အူ ဘူင့်။ ပီ ဝီ မိုဝ်း အန် ဇဝ် အူ ကာဒင် တုတ့် ဒဲင် မာလာင် တီ။ 3 အန် ဇဝ် အီ တုတ့် ဒဲင် မာလာင် တီ၊ အာရိုပ် အန် န့ ပီ ဆဲန့် ငျီန် ဒေန့် ဒီပုန် ဘော ဆဲန့် ရေန့်။ ဒီ မာလာင် အန် ပီ ဝီ မိုဝ်း ခုန်မာယဲင် အီ ရူပ် အန်။ ကာတာန် ခုန်မာယဲင် တီ ပီ ဆဲန့် ငျီန် ခွင်။ 4 ပီ ဝီ မိုဝ်း မာလာင် အာ ဂိုဝ် ဒီ ဖွုန် ဘူင့်၊ ကွယ် ရူပ် မာလာင် အန် ဇဝ် တီ။ ဒဲင် မာလာင် ဂေ တီ၊ ပီ ဝီ မိုဝ်း ဒါ တာင် အာ ဂိုဝ် ဒီ ဖွုန် ဝီ။ ဒါ တာင် ဂေ တီ၊ ဟဲ့ စှိုပ် ခြိုင် လုယ်၊ စှိုပ် ဘော မင်ဂိုမ် ခြိဝ်၊ တုတ့် ဒဲင် မာလာင် တီ။ 5 ပ့လ မ့ပ့လေတ့် ဘော ဟမ် ကာနမ် ဘော ဂြုဝ်း ဆီနန် ဆီနိူင် ပီ ဝီ လေး ဒီ မာလာင် အန် ဇဝ် တီ။ နာ အာတ့် မာလာင် အန် ဇဝ် တီ၊ ပီ ဝီ မိုဝ်း ငဝ် အွမ် တာင် ဘူ ဘူင့် အီ မုး ဝီညာန် ဘွတ် ဘူ ကာဒင် အီ ကွယ် ရိုမ် ဒူပ် ဇဝ်ဖြာ တွိုန်။ 6 နာ အာတ့် မာလာင် တီ၊ ပီ ဝီ မိုဝ်း အူ မျုဝ် အီ ပီ အိုမ် ဒိုင် တာင်။ အိုမ် တီ ယီ ပီ အဲပ် ဇမ်။ န့ ဆီငါ ကော ပီ မာဝ် မင်ပွင့်။ ဖွုန် ဘ့လာက် မာလာင် တီ ပီ ဝီ မိုဝ်း ဒုဝ် ဆတ်ဒါဝါ ဖွုန် ဒုဝ် အီ အိမ်။ ဂေ ကွယ် ဒီ ကာတဲ အူ ဘ့လာက် အူ ဒုဝ်။ ဒုဝ် ဆတ် ဂေ တီ၊ ပီ ဝီ မိုဝ်း ငါယ် ဘော ဒုဝ်၊ ဘော နာ ပန် ဘော နာ အာတ့် ဒွန် ပ့လုဝ့်။ 7 ဒုဝ် ဆတ် ဒုဝ် ဒေါ ဂုဝ်၊ အာရိုပ် အန် ပီ မာခြင်ဆီ။ ဒုဝ် ဟာအာ၊ အာရိုပ် အန် ပီ မာမက် အာလူင့်။ ဒုဝ် ဟာအူယ်၊ နာ အန် ပီ နာ ဒူအီ။ ဒုဝ် မ့ဖွုန်၊ အန် ပီ မာဂ့လာင် အီ ဘိုန့် ခဲင် ဘ့လေန့်။

8 ဒုဝ် ဆတ် ဂေ တီ၊ ဒွန် ဒုဝ် ပီ ဝီ မိုဝ်း ဖျီင် ဒဝ် ဘူင့်။ ဒီ ဒုဝ် ဂေ ဘော ဒုဝ် ပီ ဝီ မိုဝ်း ငါယ် ဒွန် ပ့လုဝ့် ဘော ခြိုမ် ဖျီင် ဂေ။ ဂေ ဘော တဝ်း မှုဝ် ဒွင် ခိူန် ဒွင် ဝန်၊ အာဝ် ကာဒတ် ဒေါ မှဝ်။ ဂေ ဘော တဝ်း၊

9 ဒုဝ် ဆတ်ဒါဝါ ဖွုန် ဒုဝ် တီ၊ ဂေ ဘော တဝ်း၊ တဲး ဇဝ်ဖြာ မိုဝ်း ဆာရေ။ ဂေ ဘော ဒါင် ဂုင် ဂေဇူ ဒီ အန် ဇဝ် အီ တုတ့် ဒဲင် မာလာင် အီ ကွယ် ဒွန် စုဝ် ဒွန် ဇာတ်။ 10 ဒေါ တဝ်း ဂေ ပါယ် တီ၊ ဂေ ဒါ တာင် အာ ဂိုဝ် ဒီ ဖွုန် ဝီ တွိုန်၊ ဂေ မုတ် ဂိုပ် နာ အာတ့် အန် ဇဝ် အီ တုတ့် ဒဲင် မာလာင် တီ။ ဂေ ဘော ကြိုပ် အန် ဇဝ် အီ ကွယ် ဒွန် စုဝ် ဒွန် ဘာန် တီ။ ဂေ ဝီ ဘုတ့် လေး မင်ဂိုမ် ပီ စှိုပ် ဂေ၊ ဝီ ဘ့လေး အုန် နာ အာတ့် မာလာင် အန် ဇဝ်။ ဂေ ဘော တဝ်း၊