1 တဲး အေ အိူပ် ဇဝ်ဖြာ။ ခဲင် နဝ်း ဖွိုမ် အုဝ်၊ အုဝ် ဒီ အိူပ် ဇဝ်ဖြာ။

2 အုဝ် ဒီ အိူပ် ဇဝ်ဖြာ ဘော စုဝ် အုဝ်။ ဒေါ ဆီ မိုဝ်း အုဝ် အာဆာက်၊ အုဝ် ဒီ တဝ်း မှုဝ် အီ အိူပ် ဇဝ်ဖြာ ပီ ကြိုပ် အုဝ်။

3 ကွဲ့ တဲး ဘေ ဘိုင် ဒါ ကာညာ ဘေ အီ မုး ဒူအီ အီ နပ် ဒီ ယမ်။ ဂေ မိူဝ် တူ နပ် ဒီ ချွတ် အီ။

4 ဒွန် အီ ဒီ လုဝ် ယမ် ဘဲန် ကာဒါယ်။ ပီ ခြာမ် ဂေ ဒီ ဘူင် ဒွန် မျုဝ်၊ န့ ဒီ လိုဝ် စှိုမ် တူတ့် ဆီငဲ ယမ် ဂေ တီ။

5 ဇဝ်ဖြာ ပီ ကြိုပ် အာကူပ်၊ ဆေ အန် စွယ် ဝီ မှဝ်၊ ဝီ တီ ဟဲ့ ဒါခိုယ်။ ဒူအီ အီ နှဝ့် န့ဒဝ့် ဇဝ်ဖြာ အီ မုး ဒါ ကာညာ အန်၊ အန် ဟဲ့ ဒါခိုယ် ကာဆဝ်။

6 ဇဝ်ဖြာ မုး အီ ဖာန် ဘ့လေး ဂါင်ဟြာဝ် ဘော ကာဒါယ် ဘော အိုမ် နမ်မုက်ဆာရာ။ အန် ဇဝ် ဘော ဘူင် တဲး န့ မိုဝ်း ဒွန် မျုဝ် အီ ကွယ် ခဲင် အိုမ် ဘော ခဲင် ဂါင်ဟြာဝ်။ အန် ဇဝ် မိုဝ်း နဝ်း မှာန် ဆေဆေ၊ တူ ဘျွင် ဒေါ မှဝ်။

7 ဒူအီ အီ ခမ် ပီ ခါနှာပ် အီ ဟဝ်၊ ဇဝ်ဖြာ နပ် ဒီ စွယ် ဂေ။ ဂေ အီ ဂိန် အီ တူ မိုဝ်း ပီ ဒီ ဟူမ်၊ ဇဝ်ဖြာ ဒီ စွယ် ဘော ဂေ။ ဘော ဂေ အီ ကွယ် ခဲင် ကာပိုမ်၊ အန် ဇဝ် ဒီ စွယ်၊ တဲး ဂေ လွတ်။

8 ဂေ အီ ငါယ် အပ်၊ ဇဝ်ဖြာ ဒီ တဲး ဂေ ဝီ ယိုဝ်။ အန် ဇဝ် ဘော စွယ် ဂေ အီ မိုဝ်း နဝ်း လိုဝ် နဝ်း တျီ့၊ အန် ဇဝ် ဒီ တဲး ဂေ မိုဝ်း နဝ်း ကြွိုမ် နဝ်း တာင် ဒွန် အီ။

9 ဇဝ်ဖြာ ဘော စွယ် ဂေ အီ မုး ခဲတ့် အီ တး ကွယ် ခဲင် မိူင် အေ။ အန် ဇဝ် ဘော ကာဝေ ယာ ဆီပြး ဂေ ဂွန် ဆီပြး။ ပီ ဘူင် ဂေ ဒူအီ မိူက်၊ အန် ဇဝ် ဒီ ဝီ ဘူင် တဲး န့ လိုဝ်၊ တဲး န့ စှိုမ်။

10 အိုယ် ဘေ ဒူအီ အီ ကွယ် ခဲင် မိူင် ဇီအူန်၊ တဲး ဘေ အိူပ် ဇဝ်ဖြာ၊ အီ မုး ဇဝ်ဖြာ ပီ ကြိုပ် ဘေ။ အန် ဇဝ် ဒီ အိုပ် တူတ့် ဒွန် မျုဝ် ဒွန် စုဝ် ဒွန် ဘာန်။