1 အုဝ် ဒတ် တာင် ဒီ ဇဝ်ဖြာ။ အုဝ် ဘော ဒတ် ဒဲ့ ဇဝ်ဖြာ၊ တဲး အန် စွယ် အုဝ်။

2 အုဝ် တး ကာလာင် ဒီ အန် ဇဝ် ခဲ့ က့လိုဝ် အုဝ်။ အုဝ် ဘော ကာလာင် ခဲ့ ဒုက် ခဲ့ ညှာပ် ဒွန် မျုဝ်။

3 ဒေါ ဟဲ့ နုန် ဒီလှး နဝ်း ဖွိုမ် အုဝ်၊ အန် ဇဝ် ဘော နပ် တူတ့် ပီ ပါယ် အုဝ်။ ဂေ ရန်ဆူ အုဝ် ဟဲ့ ဒိုဝ်း ယွတ့် ဂေ ပြာ ဒီ ဒိန့် ဒူပ် န့တေန့် အုဝ်။

4 အုဝ် ဘော ယွတ် ဘ့လာက် အာအး အုဝ်၊ အာဝ် မိုဝ်း ခေါ အူ ဝီ အီ ဒီ စွယ် အုဝ်။ အီ ဒီ ဂွင့် ဒီ ရဲ အုဝ် ဘော အီ ဒီ ယွတ် မဲန် လိုမ်လာ အုဝ် မိူဝ်၊ အာဝ် မိုဝ်း ခေါ အူ ဝီ။

5 အုဝ် ဘော ဒတ် ဒဲ့ မဲ ဇဝ်ဖြာ၊ တဲး မဲ စွယ် အုဝ်။ မဲ မုး အီ ဂွင့် အီ ရဲ အုဝ်။ ဆေ မဲ ကွယ် ဒူပ် အုဝ်၊ န့ မုး ပီ ဆီ ပွိုန် အုဝ် ဘော စုဝ် အုဝ်။

6 တဲး မဲ ဇဝ် ထူမ် ဂြုဝ်း အုဝ်။ ခုဝ်၊ အုဝ် ဟဲ့ ဇမ် ဒုက် တာင်။ တဲး မဲ ဇဝ် ချွတ် အုဝ်၊ တဲး အုဝ် လွတ် ဒီ ဂေ အီ ခုင်ခြး ဒူပ် အုဝ်။ ခုဝ်၊ ဂေ မိုဝ်း ပ့လူမ် ဂေ ဟဲန့် လွှိုမ် အုဝ်။

7 အုဝ် မှာန့်၊ တဲး အုဝ် လွတ် လေး ခဲင် ဒုက် အီ ပီ ကာပိုမ်၊ တဲး အုဝ် ပွိုန် ဒီ အိူပ် ဘော ဒါင် ဂုင် ဂေဇူ မဲ ဇဝ်။ ဂေ ဒူအီ အီ မိုဝ်း နဝ်း ဆိူဝ် နဝ်း မှာန်၊ ဂေ ဒီ ဝီ တး ကာဇု ဒူင် ကွယ် အုဝ် ကူပ် ဟဲ့ ဂေဇူ မဲ ဇဝ် ဒီ အုဝ်။