1 အိုယ် မဲ ဇဝ်ဖြာ၊ အုဝ် မှာန့်၊ တဲး အုဝ် လွတ် တ ဒူအီ ဟာယ် ဒူအီ မိူက်။ တဲး မဲ ဂွင့် ရဲ အုဝ် ဒီ ဂေ အီ ဟာယ် ကာဆဝ်။

2 ဂေ ဒူအီ ဇိုဝ် တီ၊ ဂေ ခြာမ် ဒီ ဘူင် မီ နာ တူ မွှိုမ် ဆေဆေ။ ဂေ ဘော ကာဆုး အီ၊ တဲး အီ လာယ် ကာလုတ့် ဆေဆေ။

3 ဂြုဝ်း ပီ ကာလာင် ဂေ ဘော ဆဝ် ဒီ နဝ်း အီ ပီ အာယ် မာဟန့်။ န့ ဘော ပီ အာယ် ဟန့် ဂြဝ်။

4 အိုယ် မဲ ဇဝ်ဖြာ၊ အုဝ် မှာန့်၊ တဲး အုဝ် လွတ် တ ဒူအီ မိူက် ဒူအီ ဟာယ် ဂေ တီ။ တဲး မဲ ဂွင့် ရဲ အုဝ် ဒီ ဂေ အီ ဟာယ် ကာဆဝ်၊ အီ ခြာမ် ဒီ ဘူင် တဲး အုဝ် စှိုမ်။

5 ဂေ ဒူအီ ပီခိုက်၊ ဂေ ဟဲ့ ရဲန် အုန် ယွတ့် ဂေ။ ဂေ ပြာ ဒီ ဒိန့် ဒီ အုဝ်။ ဂေ ဘော ဒိုဝ်း ဘ့လေး ဒူပ် န့တေန့် အုဝ်၊ တဲး ဂေ ပွိုန် ဒီ မှေတ့် အုဝ်။

6 အုဝ် ဘော တဝ်း ဒီ မဲ ဇဝ်ဖြာ၊ “မဲ ဇဝ်၊ မဲ မုး ဇဝ်ဖြာ ပီ ကြိုပ် အုဝ်၊ အုဝ် မှာန့်၊ တဲး မဲ ဇဝ် ထူမ် ဂြုဝ်း ပီ ဆာခိုဝ် အုဝ်။”

7 အိုယ် မဲ ဇဝ်ဖြာ အီ အိုပ် တူတ့်၊ မဲ ဇဝ် ဘော မိုဝ်း ပ့လူမ်၊ တဲး န့ ချွတ် အုဝ်။ မဲ ဇဝ် ဟဲ့ ဂွင့် ရဲ အုဝ် ဒေါ ကာဂုဝ်း အုဝ်။ န့ ပီ အုဝ် ဟဲ့ စှိုပ် မာဂိန့် ဟိန်။

8 အိုယ် မဲ ဇဝ်ဖြာ၊ အုဝ် မှာန့်၊ ကွဲ့ တဲး မဲ ဇဝ် ဘူင် ဒူပ် ပီ အိုင် ဂေ ဒူအီ ဟာယ် ဒူအီ တူ မွှိုမ်။ ပီ ခြာမ် ဂေ ဒီ ဘူင်၊ ကွဲ့ တဲး န့ အွင် ဒေါ မှဝ်။ ကွဲ့ တဲး ဂေ ပွိုန် ဒီ ပီဖုင် ဂေ။

9 နာ တူ မွှိုမ် ပီ တဝ်း ဂေ တီ၊ တဲး န့ ဝီ ဒိုဝ် ဒုဝ် ဘြိမ် ဂေ။

10 တဲး န့ ပီ န့ကိုဝ် ငဝ် စုဝ်း ဒဲင် ဂိန့် ဂေ။ တဲး ဂေ ဘော စုဝ်း ခဲင် ကာဒဝ်၊ ကွဲ့ တဲး ဂေ ပွိုန် ဒီ ဝီ လေး ဒေါ မှဝ်။

11 ဂေ အီ နဲန ကာလာင် စာဝ် အီ ဟဝ်၊ ကွဲ့ တဲး ဂေ ပွိုန် ဒီ အွင် ဒေါ မှဝ်။ ဂေ ဒူအီ ဟာယ် ကာဆဝ်၊ တဲး ဂေ ဝီ ခမ် ဒုက် တာင်။

12 အုဝ် ဘော နပ် ဆီချာ၊ မဲ ဇဝ် ဒီ ဘော ဘူင် နာ မုး နာ မှာန် ဒီ ဂေ ဒူအီ ဂိန်။ မဲ ဇဝ် ဒီ ဘော ဘူင် ဆိူဝ် ဆိူဝ် ဒီ ဂေ အီ တူ မိုဝ်း မာဆေ။

13 ဂေ ဒူအီ အီ ဘူင် နာ မှာန် ဒီ ဘော အိူပ် မဲ ဇဝ် အာခါခ်ု။ ဂေ အီ မိုဝ်း နဝ်း ဆိူဝ် ဒီ ဘော ကွယ် ဒူင် ကွယ် မဲ ဇဝ်။