1 ဇဝ်ဖြာ ဟဲ့ ဒွိုမ် တဝ်း ဒီ ဒါ ကာညာ အုဝ်၊ “တဲး မဲ တုတ့် ဒီ ခူပ် အုဝ်၊ ဘ့လာက် အာအး အုဝ်၊ တဲး န့ ဇမ် အာခြာဝ် ဒီ တဲး အုဝ် မဲ ညဲတ့် တူတ့် ရန်ဆူ မဲ ခြိုမ် ပ့လဝ် မဲ။”

2 ဇဝ်ဖြာ ဒီ တဲး အာဖုင် ဒင်ခုဝ် မဲ ဝဲ ဘြဲ ဝဲ ဟိူင်၊ တဲး န့ လေး ခဲင် မိူင် ဇီအူန် ဟာဝ် နာ ရေတ့်။ ရန်ဆူ မဲ အီ ဆီ ကွယ်၊ တဲး မဲ အိုပ် တူတ့် ဂေ။

3 ဆီငဲ ဒေါ ကာဂုဝ်း မဲ ဒီ ရန်ဆူ မဲ၊ ဒူအီ မဲ ဒီ ဘော မိုဝ်း နဝ်း ဆီ တး စွယ် မဲ။ ခဲ့ ကွယ် ဒူအီ အီ ဆီ နှိုမ်၊ အီ မုး ဒူအီ မဲ၊ ဂေ ဒီ ဘော တး ကာဇု ဒူင် ကွယ် မဲ ဒဲင် နွန် အီ ဆီငါ ဘွတ်။ ဂေ ဒီ ဘော ပီ အိုမ် ဒီငါန် အီ စုဝ်း စေဝ် ညှာ။

4 ဇဝ်ဖြာ ဟဲ့ ဒွါ ကာဒိက် ဆတ်ဇာ ဒီ ဒါ ကာညာ အုဝ် တဝ်း၊ “မဲ ဒီ ဘဲန် ဒူအီ အီ လှူ ဒီ ဇဝ်ဖြာ ဆေဆေ၊ တဲး မဲ ပီ အာမေခေဒေက်။” အန် ဇဝ် မိူဝ် တူ ကာပ့လု နဝ်း ဒေါ မှဝ်၊ တူ တဲး ကာဒိက် ဆတ်ဇာ အန် လိုဝ်။

5 ဇဝ်ဖြာ ဒီ ဘော ကွယ် ဘ့လာက် အာအး မဲ၊ စွယ် မဲ။ အန် ဇဝ် ဒီ ဘော ကာဂုဝ်း ပဲ တူတ့် ခဲ့ ကွယ် ဂေ ခုန်ဒီခမ် ဘဲန် ကာဒင် ဘဲန် ကာဒင်။ ဒေါ ရူ ကာဆဝ် အန် ဒီ ဂေ၊ အန် ဒီ ဘော ဘူင် ပါယ် တီ။

6 အန် ဇဝ် ဒီ ဘော ဒမ် မှာပ် ဒီ ဒူအီ ဘောကာဂ့လျီတ်၊ တဲး ဒုဝ် ယမ် ဂေ ကော နုဝ့် ဒီ ဒူင် ကာဂုဝ်း ဂေ ဒါ ဆိုက်။ အန် ဇဝ် ဒီ ဘော ကာဂုဝ်း ပဲ တူတ့် ခဲ့ ကွယ် ခုန်ဒီခမ် ဒဲင် ကာဒါယ် နီ။

7 ဒါ ကာညာ တီ၊ ဒီ ဘော ပွိုန် ဒီ ဒျီင် အိုမ် လှဲ ခူပ် န့တေန့်၊ တဲး န့ ဘဲန် ပ့လူမ် ဘဲန် ဟဲန့် ဒီ အန်။ ပါယ် တီ အန် တူ လုဝ် ယုဝ် မာဆေ ကူပ် ဟဲ့ ပဲ ဟဲ့ အွင် အန်။