1 ဇဝ်ဖြာ မုး အီ အိုပ် တူတ့် ဒွန် မျုဝ်။ ဂေ ဒူအီ အီ ကွယ် ဒဲင် ကာဒါယ်၊ တဲး ဂေ ဒါခိုယ်။ ဘော ဂေ ဒူအီ အီ ကွယ် ဒဲင် ဂုန် အိုမ်၊ တဲး ဘော ဂေ ဒါခိုယ်။

2 ဘော ဂ့လာယ် ဘော န့အု ဝွင့် ဟဲ့ ကွယ် ရူပ် အန် ဇဝ်။ အန် ဇဝ် ဘော ဘူင် နာ မှာန် နာ မွှိုမ် ဆေဆေ။ န့ ပီ အီ ဆိူဝ် အီ မှာန် ဘော အီ မွှိုမ် အီ ဒူပ် ဒါရာ ဟဲ့ ဘဲန် စေန့် မာလာင် ဒူင် တုတ့် အန် ဇဝ်။

3 ဇဝ်ဖြာ တဲး ငဝ် ယဲတ့် ဒီ အာတ့် အန်၊ တဲး န့ ကာဆိုမ် ရန်ဆူ အန် အီ ကွယ် ဒွန် နာ ဒွန် ပ့လုဝ့်။

4 အန် ဇဝ် ဘော ဘူင် ပ့လ မ့ပ့လေတ့်၊ တဲး န့ ဘ့လာင် ဒဲင် ကာဒါယ်။ န့ ပီ ကာဒါယ် ဟီ ယိုဝ် ဘော ယုဝ် ဒီယုး ဒီယေန့်။

5 နွန် ဒီ လာတ့် ဇွိုမ် ပီ ဘ့လမ်၊ ဆေ ဇဝ်ဖြာ အီ အိုပ် တူတ့် ဒွန် မျုဝ် ဒဲင် ကာဒါယ် ကွယ် ခူပ် ဂေ။

6 ဂါင်ဟြာဝ် ဒီ ဘော ကာလာင် တဲး န့ လိုဝ်း လွင် နဝ်း ဆိူဝ် နဝ်း မှာန် အန် ဇဝ်။ ဘော အာမျုဝ် ဒူအီ ဘောကာဂ့လျီတ်၊ ဂေ ဒီ ယိုဝ် အာဖုင် ဒင်ခုဝ် အန် ဇဝ်။

7 န့ ယီ မုး ဂေ အီ ကြိုပ် အာရိုပ်၊ ဂေ အီ နဝ်း တာင် ဒီ အာရိုပ်၊ ဂေ ဒွန် အီ ဒီ မွှိုမ် ဆာယ်။ ခဲ့ ကွယ် ဇဝ် အာရိုပ် ဘောကာဂ့လျီတ် ဒီ ဝီ ကြိုပ် ဇဝ်ဖြာ။

8 ဂေ ဒူအီ အီ ကွယ် ခဲင် မိူင် ဇီအူန်၊ ဂေ ဟီ ယိုဝ် လွင် အန် တီ၊ ဂေ ဒီ ဘော ခူယ်။ ဘော ဂေ ဒူအီ အီ ကွယ် ခဲင် အိူင် ယူဒါ ဒီ ဘော ဒါခိုယ်။ ခုဝ်၊ မဲ ဇဝ်ဖြာ၊ မဲ ဆုင်ဖျာတ် အာမူ အီ ဒူပ် ဒါရာ။

9 မဲ ဇဝ်ဖြာ၊ မဲ မုး ဇဝ်ဖြာ အီ အိုပ် တူတ့် ဒွန် မျုဝ် ဒဲင် ကာဒါယ် နီ။ မဲ ဇဝ် ဟဲ့ ကာအာပ် အိူပ် မျုက် လွှိုမ် ဇဝ် ဘဲန် ကာဒင် ဘဲန် ကာဒင် ပီ ကြိုပ် ဒူအီ ဟဝ်။

10 အိုယ် ဘေ ဒူအီ အီ ရွက့် ဇဝ်ဖြာ၊ တဲး ဘေ နပ် ဒီ ကာအိး မျုဝ် တူ ဘွတ် တူ မွှိုမ်။ အန် ဇဝ် ဘော ဘ်ု ရိတ် အာဆာက် ဂေ ဒူအီ အီ ဒူပ် ဆီချာ အန်။ အန် ဘော စွယ် တဲး ဂေ လေး တ ဒူအီ မိူက်။

11 ဂေ ဒူအီ အီ ဒူပ် ဒါရာ၊ ဂေ ဒီ ယိုဝ် နာ ဘ့လာင်။ ဂေ အီ နဝ်း ဆိူဝ် နဝ်း မှာန်၊ ဂေ ဒီ ဘျုဝ် ဒါခိုယ်။

12 အိုယ် ဘေ ဒူအီ နဝ်း ဆိူဝ် နဝ်း မှာန်၊ တဲး ဘေ ဒါခိုယ် ဒူပ် ဇဝ်ဖြာ၊ တဲး ဘေ အိူပ် အန် ဇဝ် အီ ဘွတ် ကာဆဝ်။