1 ဇဝ်ဖြာ ကွယ် ကာတဲ ဂေ အာမူ အာမာတ် အန် အီ တာင်၊ အီ မိုဝ်း ပွုန်။ အန် ဘော ဆုင်ဖျာတ် အာမူ ဂေ ဇဝ် ပီ ကြိုပ် ဒူအီ ဟဝ်။ အန် တဝ်း၊

2 “ဘေ ကွဲ့ ဆုင်ဖျာတ် အာမူ အီ နာ တူ မုး နာ တူ မှာန်။ ကွဲ့ တဲး ဘေ စွယ် ဂေ ဒူအီ မိူက်။

3 တဲး ဘေ ယွတ် မဲန် အာရေ ဂေ ဒူအီ ဂိန်၊ တဲး ဘေ စွယ် ဂေ ဂွန် ဆီပြး။ တဲး ဘေ စွယ် ဂေ ဒူအီ အီ တူ မိုဝ်း ဒူင် ဘိုင် ဒူင် အိင်၊ ကွဲ့ တဲး အီ ဟဝ် နဲန ဂေ။

4 တဲး ဘေ ချွတ် လေး ဂေ အီ တူ မိုဝ်း အီ စွယ်၊ တဲး ဂေ လွတ် တ ဂေ ဒူအီ ဟာယ်။

5 ဘေ နီ၊ ဘေ ဟဲ့ ရိုဝ်၊ ဘေ တူ နပ် မာဆေ။ န့ ပီ ဘေ ကွယ် ခဲင် အပ် ဝွင့်။ ခုဝ်၊ နာ မုး နာ မှာန် အာဝ် ဟူ ပွိုန် ယိုဝ် ဒဲင် ကာဒါယ် နီ။”

6 အုဝ် ဟဲ့ ဒွိုမ် တဝ်း၊ “ဘေ မုး ဇဝ် ပီ ကြိုပ် အီ ဟဝ်။ ဘေ ဘောကာဂ့လျီတ် မုး ဂွန် ဇဝ်ဖြာ အီ အိုပ် တူတ့် ဒွန် မျုဝ်။

7 မာလဲ၊ ဘေ ဒီ ဘော ယမ် ပီ ဂေ ဒူအီ ဒွန် အီ။ အာဆာက် ဘေ ဒီ ဘော တူတ့် ပီ ဂေ ဒါ ကာညာ ဒွန် ကာဒင်။”

8 အိုယ် မဲ ဇဝ်ဖြာ၊ တဲး မဲ ဆုင်ဖျာတ် အာမူ ဒွန် အီ ဒဲင် ကာဒါယ် နီ။ ခုဝ်၊ ဒူအီ ဒွန် မျုဝ် အီ ကွယ် ဒဲင် ကာဒါယ် နီ၊ ဂေ ဘော မုး တူတ့် ဒူအီ ပီ အိုပ် မဲ ဇဝ်ဖြာ။