1 အိုယ် မဲ ဇဝ်ဖြာ၊ ယေ ဒါင် ဂုင် ဂေဇူ ဒီ မဲ။ ယေ ဒါင် ဂုင် ဂေဇူ ဒီ မဲ ကူပ် ကွယ် ရိုမ် မဲ ဒူပ် ယေ။ ယေ အာမျုဝ် ဒူအီ နပ် ဒီ ကာလာင် လွင် ပဲ့ ဟဲ့ ဘူင် မဲ ဇဝ်၊ အီ မွှိုမ် အာမ် ကာဆဝ်။

2 မဲ ဇဝ်ဖြာ ဘော တဝ်း၊ “အုဝ် ဟဲ့ ဟွတ့် ရဝ်း အာခြာဝ် ပန် ဒီ ဆုင်ဖျာတ် အုဝ် အာမူ အီ။ န့ မုး အုဝ် အီ ဆုင်ဖျာတ် နာ မုး နာ မှာန်။

3 ခဲ့ ကွယ် ဒူအီ ဘော ဒုဝ် ဆတ်ဒါဝါ အီ ကွယ် ဒဲင် ကာဒါယ်၊ ဂေ ပီ ဘော ဟဲ့ ကာခြုး ဒီခြွန်၊ အုဝ် ယီ ဘူင် တဲး ကာဒါယ် ကွယ် နှိမ် ကွယ် ဆီချာ။

4 အုဝ် ဘော ကာလာင် ဒီ ဂေ ဒူအီ ပီခိုက်၊ ‘ဘေ ကွဲ့ နဝ်း တာင် ဒီ ဒုဝ် ဘြိမ် ဘေ။’ အုဝ် ဘော ကာလာင် ဒီ ဂေ ဒူအီ ဟာယ်၊ ‘ကွဲ့ ပီကျ ဘေ ဒီ ဘူင်။’

5 ‘ကွဲ့ ပီယ ဘေ ဒီ ခဲန့် ဇဝ်ဖြာ။ ကွဲ့ ပီငိုဝ်း ဒိုဝ့် ဂိန့် ဘေ။’”

6 ခုဝ်၊ အီ နပ် ဒီ စုဝ့် ဘေ၊ အာဝ် မုး အီ ဒီ တး နာ တေတ့် နာ ကွာ၊ တူ တး နာ လေး ဆီငဲ၊ နာ ဂေတ့် ဆီငဲ။

7 န့ ယီ မုး ဇဝ်ဖြာ အီ နပ် ဒီ ဆုင်ဖျာတ် အာမူ အီ။ မင် အီ အန် ဇဝ် ဘော နပ် ဒီ ဒမ် မှာပ်၊ မင် အီ အန် ဘော နပ် ဒီ ဂဝ်း ဝဲန်။

8 နဝ်း ရူ ဇဝ်ဖြာ၊ န့ ပီ အန် ဂူင့် ဆီလယ့် အိုမ် မာငုန် အီ ပြာင် အီ ဟဲ့ ဟပ် ဒဝ် ကာပူ။ အန် ဇဝ် ဘော ဟုး လေး အိုမ် တီ၊ တဲး ဂေ ဒူအီ ဟာယ် ဒူအီ မိူက် ဒျီင်၊ တဲး န့ ကော တူတ့် လိူမ်။

9 န့ ယီ မုး အုဝ်၊ အုဝ် ဒီ ဘော ခဲ လွင် အန် တီ ဒီ အီ။ အုဝ် ဒီ အိူပ် ဇဝ်ဖြာ ဆေဆေ။ အန် မုး ဇဝ်ဖြာ ပီ ကြိုပ် အာကူပ် တွိုန်။

10 အန် ဇဝ် ဒီ ဘော ဒိုဝ်း ဝဲန် ပွုန် ဂေ ဒူအီ မိူက် ဒူအီ ဟာယ်၊ ပီ ဝီ တဲး ဂေ အီ နဝ်း ဆိူဝ် နဝ်း မှာန် မိုဝ်း ပွုန် လွှိုမ် ဘြိမ်။