1 အိုယ် မဲ ဇဝ်ဖြာ၊ ဂေ အီ ကွယ် ခဲင် မိူင် ဇီအူန်၊ ဂေ ဟဲ့ ကာအာပ် အိူပ် မဲ ဇဝ်။ ဂေ ဘော ပွိုန် ချြီင် ဒူင် ကွယ် မဲ။ ခဲ့ ပီ ဒွိုမ် ကာဆဲန့် ယေ ဒီ မဲ ဇဝ်၊ ယေ ဒီ ဘော ဘူင်။

2 မဲ မုး ဇဝ်ဖြာ အီ ထူမ် ပီ ဆာခိုဝ် အုဝ်။ ခဲ့ ကွယ် ဒူအီ ဒွန် ဇိုဝ် ဒွန် ခြိုဝ်၊ ဂေ ဘော တး ဒူင် ကွယ် မဲ ဇဝ်။

3 ကူပ် မှာပ် ပဲ့ ဟဲ့ ဘူင် ယေ၊ နဝ်း ယေ ဟဲ့ စန် ကာဆဝ်၊ အာဝ် ဟူ ပဲ ခမ်။ ဒေါ အန် တီ မဲ ဇဝ် ဟဲ့ ဝီ ဂဝ်း ဝဲန် တူတ့် တဲး န့ ဟြာယ်။

4 ဂေ ဒူအီ ပီ ရဝ်း မဲ ဇဝ်၊ ဂေ ဟဲ့ ဒါခိုယ်။ မဲ ဟဲ့ တဲး ဂေ ကွယ် ဒူင် ကွယ် မဲ။ မဲ ဟဲ့ ဒိုဝ်း နာ ဘွတ် နာ မွှိုမ် ကိူန် ကာဆဝ် အီ ကွယ် ဒူင် ကွယ် မဲ၊ ဟဲ့ ဝီ ဒွါ ဒီ ယေ၊ ဟဲ့ ကာဆာင် ဒီ ယေ ခဲင် ထိုပ် ဘွတ် မဲ။

5 မဲ ဇဝ်ဖြာ၊ မဲ ဇဝ် ဘော မုး အီ ချွတ် ယေ။ မဲ ဘော အိုဝ် ပီ ဆာခိုဝ် ယေ၊ ဘူင် နာ ဘွတ် နာ မွှိုမ် အာမ် ကာဆဝ် ဒီ ယေ။ ခဲ့ ကွယ် ဒူအီ ဒဲင် ကာဒါယ် ဘော ဂေ အီ ကွယ် တူင့်၊ ဂေ အီ ကွယ် နာ ဒွယ် အိုမ် နမ်မုက်ဆာရာ၊ ဂေ ဘော နှဝ့် န့ဒဝ့် မဲ ဇဝ်။

6 မဲ ဇဝ်ဖြာ ဟဲ့ ဒိုဝ်း ပွုန် မဲ၊ ဟဲ့ ဘူင် တဲး န့ မိုဝ်း နွန်။

7 ဘော ဟမ် အိုမ် နမ်မုက်ဆာရာ ဘော ဟမ် ဆီလွယ် အိုမ်၊ ဘော အီ ဆီနန် ဆီနိူင် ပီ ဘူင် ဂေ ဒူအီ ဒွန် မျုဝ်၊ မဲ ဇဝ်ဖြာ ဟဲ့ တဲး န့ ဝီ ယေန် တူတ့် ဒွန် မျုဝ်။

8 ခဲ့ ကွယ် ဒူအီ ဒဲင် ကာဒါယ် ဘောကာဂ့လျီတ်၊ ဂေ ဘော ယုဝ် ကာဆဝ် အီ မွှိုမ် အာမ် ပဲ့ ဟဲ့ ဘူင် မဲ ဇဝ်ဖြာ။ မဲ ဇဝ် ဘူင် တဲး ဂေ ဒူအီ အီ ကွယ် ဒဲင် ကာဒါယ် ခူယ် ဒါခိုယ်။ စုး ဒူင် လေး ဆီငဲ ကော ဇမ် ဒူင် ဂေတ့် ဆီငဲ၊ ဂေ တဝ်း မှုဝ် ဒါခိုယ်။

9 မဲ ဇဝ်ဖြာ ဘော လိုမ်လာ ဒဲင် ကာဒါယ် နီ၊ တဲး န့ ဘော မိုဝ်း ဂ့လာယ် စုဝ်း၊ တဲး ကာဒါယ် ဘွတ်။ မဲ ဇဝ်ဖြာ ဘော ဘူင် တဲး န့ မိုဝ်း အိုမ် ဒွန် ဒီလယ့်။ မဲ ဘော ယွတ် လိုမ်လာ ပီ ဆမ် အီ၊ တဲး န့ ဘော မိုဝ်း ပီ ဒီ ဟူမ်။

10 မဲ ဇဝ် ဘော ဘူင် တဲး ဂ့လာယ် စုဝ်း ခဲင် ဒူင် နာ ပဲ့ ဟဲ့ ဟွတ့် ဂေ ထဲ၊ တဲး ကာဒါယ် ဝီ ည။ မဲ မွင့်ကာရာ တဲး ပီ ဆမ် ဂေ၊ တဲး န့ လတ့် မိုဝ်း ဘ့လေ ဆီချာ။

11 မဲ ဇဝ်ဖြာ ဘူင် တဲး ဂေ ဒူအီ ပွိုန် ဒီ ဆုဝ့်၊ ပွိုန် ဒီ ဂဲပ် အုန် ကိူန် ဘ့လေ ပီ ဆမ် ဂေ။ ဂုင် ဂေဇူ မဲ ဇဝ် ဟဲ့ တဲး ဂေ ဒါင် လက်လဝ် ဂေ၊ တဲး န့ ကော နုဝ့် လုတ့်။

12 ခဲင် ပြဲ န့ ဘော ဘဲန် ဒူင် ဟျီင် မာဘူ ဂေ မာမက်။ ဆေ ယေ ယွတ် နွန် ဒွန် ပ့လုဝ့်၊ န့ ဒါခိုယ်။

13 မာဘူ ဂေ မာမက် ဘော နုဝ့် ဒီ ဒူင် မိုဝ်း ပေတ့်။ ခဲင် ဒူင် နာ န့ ဘော မိုဝ်း မီ ငှုဝ် ဒီလူယ်။ ခဲ့ ကွယ် ဒွန် မျုဝ် န့ ကျ ကာဆဝ်၊ န့ ပီ ဒူအီ ဒါခိုယ် တဝ်း မှုဝ်၊ အိူပ် ဇဝ်ဖြာ။