1 အိုယ် မဲ ဇဝ်ဖြာ၊ အုဝ် မှာန့်၊ တဲး မဲ ဇဝ် ထူမ် လွင် ဒုက် ပီ ကာဒုး အုဝ်။ ဂေ ရန်ဆူ အုဝ် ဟဲ့ ကာစွှာ့ အုဝ်၊ တဝ်း ဒီ ငဝ်း ယမ် အုဝ်။ အုဝ် မှာန့်၊ တဲး မဲ ဇဝ် ဘ်ု ရိတ် အုဝ်။

2 အုဝ် မှာန့်၊ တဲး မဲ ဇဝ် ဂွင့် ရဲ အုဝ်၊ ကွဲ့ တဲး ဂေ ဒူအီ ဟာယ် ဒူအီ မိူက် ပွိုန် ဒီ ဘူင် ခဲ့ ပီ ခြာမ် ဂေ။ ဂေ မုး ဖိုင် အီ ဘူင် နာ တူ မွှိုမ် ဆေဆေ။

3 ဂြုဝ်း အီ လေး ခဲင် မူတ့် ဂေ၊ န့ ဒိုဝ် နဝ်း ဒူအီ ပီ မာပွါ့ လာင် အီ လမ်။ ဂေ ဟြေတ့် ဂြုဝ်း၊ တဲး န့ ဆဝ် ဒီ နဝ်း အီ၊ တဲး န့ ပီ အီ ယေင် အ တဝ်း ဒီ ဘန့် အီ။

4 ဂေ ဘော ဘန့် ဒူအီ အီ တူ မိုဝ်း မှာပ် ဒေါ တူ နပ် အန် ဒုဝ် အန်။ ဂေ မိူဝ် ဘန့် အူ ဇေန့်၊ တူ ယုဝ် အာဆေ။

5 ဂေ ဘော လာယ် ဒဲ့၊ လာယ် ဆင်ချာင် ပီ ဒီ ပါယ် ဂေ ဒီ ဘူင် နာ တူ မွှိုမ်၊ တဲး ဂေ ပွိုန် ဒီ ဒိန့် ယွတ့် ဒီ အီ ဟဝ်။ ဂေ ဘော လာယ် တဝ်း ရာင် ဂေ၊ “အာဝ် မိုဝ်း အီ ယိုဝ် ပီ ဘူင် အေ။”

6 ဂေ လွှက့် ဒီ ဘူင် နာ တူ မွှိုမ် ဒွန် မျုဝ်၊ ဝီ တဝ်း၊ “ဟဲ့ မွှိုမ် ကာဆဝ်။” ခုဝ်၊ ပီ ကာဖာ ဂေ ခဲင် နဝ်း ဂေ၊ န့ ဘော ဂုဝ့် ကာဆဝ်။

7 မာလဲ၊ ဒေါ အန် တီ အူ ဇေန့် ဇဝ်ဖြာ ဒီ ဝီ ဘန့် အ အန်၊ တဲး န့ လဝ့် ဂေ၊ တဲး ဂေ ကေး ယမ်။

8 ဂြုဝ်း ပီ ဒွိုမ် ကာလာင် ဂေ၊ ဇဝ်ဖြာ ဝီ ဘူင် တဲး န့ ဒိုဝ် ဂေ၊ တဲး ဂေ ဝီ ကေး စှိုမ် တူတ့်။ ဆေ ဂေ အီ ဟဝ် ယိုဝ် လွင် အန် တီ၊ ဂေ ဘော ကာညး ဂေ။

9 ဂေ ဒူအီ ဒွန် အီ ဒီ ဘော ယုဝ် ဇဝ်ဖြာ၊ ဂေ ဘော ကာလာင် ပဲ့ ဟဲ့ ဘူင် ဇဝ်ဖြာ။ ဂေ ဘော ဝီ လှုဝ်း ဘော ကာဖာ လွင် အန် တီ။

10 တဲး ဂေ ဒူအီ အီ မိုဝ်း နဝ်း ဆိူဝ်၊ ဝီ မိုဝ်း နဝ်း ဒါခိုယ် ကူပ် ပဲ့ ဟဲ့ ဘူင် ဇဝ်ဖြာ။ တဲး ဂေ အီ ဘူင် နာ ဘွတ် နာ မွှိုမ် အိူပ် အန် ဇဝ်။