1 အိုယ် မဲ ဇဝ်ဖြာ၊ အုဝ် မှာန့်၊ တဲး မဲ ဇဝ် ထူမ် ဂြုဝ်း ပီ ဆာခိုဝ် အုဝ်။

2 န့ ပီ အုဝ် ဟဲ့ ကွယ် တူင့် ကာဆဝ်၊ ကော ဇမ် ဒူင် ဆိူတ် ကာဒါယ်။ အုဝ် ဟဲ့ ဝီ ဒဲ့ မဲ ဇဝ်။ အုဝ် ဟဲ့ ဒဲ့ မဲ ဇဝ် ဒေါ ဟဲ့ ဒီလှး ကာဆဝ် အုဝ်။ တဲး မဲ စွယ် အုဝ်၊ တဲး န့ ပီ အုဝ် ဟုဝ့် ကွယ် ဆီချာ ဒဲင် ဒါအာင် မာဝ် အီ စာ ကာဆဝ်။

3 မဲ ဇဝ်၊ အုဝ် ဟဲ့ ဘိုင် မဲ ဆေဆေ။ ဒူင် ကွယ် မဲ၊ အုဝ် ဒီ ပွိုန် ဒီ ချြီင် ဆီချာ ဒီ ရန်ဆူ အုဝ်။

4 မဲ ဇဝ်၊ တဲး အုဝ် ကွယ် ခဲင် ထိုပ် ဘွတ် မဲ ဆေဆေ။ တဲး အုဝ် ပွိုန် ဒီ ချြီင် ဒူင် ကွယ် မဲ၊ တဲး န့ ပီ ဂွန် မာဆိမ် ကွယ် ခြိုမ် ဖျီင် မာ အန်။

5 မဲ ဇဝ်ဖြာ ဟဲ့ ထူမ် ဂြုဝ်း ပီ ကာဆဲန့် အုဝ် ဒီ မဲ။ မဲ ဟဲ့ ဒိုဝ်း ခါဂုန် ပီ ဒွါ မဲ ဒီ ဂေ အီ ရုဝ်ဆေ မဲ၊ ဝီ ဒွါ ဘော ဒီ အုဝ်။

6 အုဝ် မှာန့် မဲ ဇဝ်၊ တဲး အာဆာက် ခုန်ဒီခမ် တူင့်။ တဲး အန် ဘော ကွယ် ဘဲန် စုဝ် ဘဲန် စုဝ်။

7 တဲး အန် ကွယ် ရိုမ် ဒူပ် မဲ ဇဝ်ဖြာ ဆေဆေ။ တဲး မဲ ဇဝ် ဘော မိုဝ်း နဝ်း ရွက့် နဝ်း မှာန် ဒီ အန် ဆေဆေ။ တဲး မဲ ဘော ရဲ ဘော ဂွင့် အန်။

8 ဆေ န့ ပါယ် တီ၊ အုဝ် ဒီ တဝ်း မှုဝ် အီ အိူပ် မဲ ဇဝ်ဖြာ ဆေဆေ။ ဒွန် ဆီငဲ ဒွန် ဆီငဲ အုဝ် ဒီ ဘော ဘူင် ပီ ကာဆဲန့် အုဝ် ဒီ မဲ။