1 အိုယ် မဲ ဇဝ်ဖြာ၊ အုဝ် မှာန့် ဒေါ တီ နီ၊ တဲး မဲ ဇဝ် ကာဝေ အုဝ်။ ခုဝ်၊ ဘော နဝ်း ဘော ဖွိုမ် အုဝ် ဟဲ့ ဘိုင် မဲ ဇဝ်။ န့ ပီ အုဝ် ဟဲ့ ကွယ် ဒူပ် မဲ ပီ ဂွန် မာအျီန် အီ မူင့် ခြိုမ် ဖျီင် မာ အန်။ အုဝ် နှဝ့် ပါယ် တီ၊ တဲး ဒုက် တာင် နီ ကော ပွုန် တူတ့် ဒွန် မျုဝ်။

2 အုဝ် ဒီ ဆာခိုဝ် မှာန့် ဒီ အန် ဇဝ် အီ အိုပ် တူတ့် ဒွန် မျုဝ်။ အန် ဇဝ် ဒီ ဘော ဘူင် တဲး န့ ဟွတ့် တူတ့် ခဲ့ ပီ ခြာမ် အန်။

3 အန် ဇဝ် အီ ကွယ် ခဲင် ဂါင်ဟြာဝ်၊ အန် ဒီ လူင် ဘော စွယ် အုဝ် တဲး အုဝ် လွတ်။ အန် ဒီ ဘော အေး ဂေ အီ ဆီ မှေတ့် အုဝ်။ အန် ဇဝ် ဘော မိုဝ်း နဝ်း ရွက့် နဝ်း ဆိူဝ် ဆေဆေ။ အန် ဒီ ခြဲ ဂေ အီ ခုင်ခြး ဒီ ငဝ်း အုဝ်၊ တဲး ဂေ စူ။

4 ဒေါ တီ နီ၊ န့ ပီ အုဝ် ဟဲ့ ကွယ် ကာတဲ မာခြင်ဆီ။ န့ ဘော ပီ အုဝ် ဟဲ့ အိတ် ဒူင် ကွယ် မာဒုဝ် ပြဲ အီ ဆီ ကဝ့် ဟူမ် ယင် အုဝ်။ န့ မုး ဂေ ဒူအီ၊ ဂေ မိုဝ်း ဟြာင် အီ ပီ ဘ့လာ လျီး ဂေ ဘ့လာ။ ဆီဒ ဂေ ဘော ပီ မာပွါ့ လာင် အီ လမ် ကာဆဝ်။

5 အိုယ် မဲ ဇဝ်ဖြာ၊ တဲး ဒွန် အီ နပ် ခဲ့ တာင် အာဖုင် ဒင်ခုဝ် မဲ။ မဲ ဇဝ် ဟဲ့ တာင် လွှိုမ် တူတ့် အီ ကွယ် ခဲင် ဂါင်ဟြာဝ်။ မဲ ဘော အိုပ် တူတ့် ဒဲင် ကာဒါယ် နီ ဒွန် ပ့လုဝ့်။

6 န့ ပီ ဂေ ဟဲ့ ဒိန့် ယွတ့် ဒူပ် န့တေန့် အုဝ်။ နဝ်း ဖွိုမ် အုဝ် ဟဲ့ ဟွတ့် ဒီဂြပ် လူင်။ န့ ဘော ပီ ဂေ ဟဲ့ ဂိုဝ်း ကာဒဝ် နာ အာတ့် အုဝ်။ မာလဲ၊ ဒုဝ် ဘြိမ် ဂေ ပီ ဝီ စုဝ်း ခဲင် ကာဒဝ် တီ။

7 အိုယ် မဲ ဇဝ်ဖြာ၊ နဝ်း အုဝ် ဟဲ့ မန် ဆီချာ၊ အုဝ် ဒီ ဝီ တဝ်း မှုဝ် ထမ်၊ ဝီ အိူပ် မဲ ဇဝ်ဖြာ။

8 အုဝ် တူ ဝီ တဲး နဝ်း အုဝ် ဒီလှး၊ တူ တဲး အုဝ် ကွယ် ပီယေန့်။ အုဝ် ဒီ ယိတ့် အာတ့် ဘ့လာင် ပြဲ၊ ဝီ ဘး ဒိင် တဝ်း မှုဝ်။

9 အိုယ် မဲ ဇဝ်ဖြာ၊ အုဝ် ဒီ အိူပ် မဲ ဇဝ်၊ တဲး ဘော ဂေ ဒူအီ အာမျုဝ် ဟဝ် ကော နပ်။ အုဝ် ဒီ တဝ်း မှုဝ် ထမ် အီ အိူပ် မဲ ဇဝ်ဖြာ၊ တဲး ဒူအီ ဘောကာဂ့လျီတ် ကော ယိုဝ်။

10 ခုဝ်၊ မဲ ဇဝ်ဖြာ ဟဲ့ မိုဝ်း နဝ်း ရွက့် ကာဆဝ် ယေ။ မဲ ရွက့် တူတ့် ဒွန် မျုဝ် အီ ကွယ် ဒဲင် ကာဒါယ် ကော ဇမ် ဂါင်ဟြာဝ်။ ဘော နာ မှာန် နာ မွှိုမ် မဲ ဇဝ် ဘော ဘူင် ပါယ် တီ ဆေဆေ။

11 အိုယ် မဲ ဇဝ်ဖြာ၊ တဲး ဒွန် အီ နပ် ခဲ့ တာင် အာဖုင် ဒင်ခုဝ် မဲ။ မဲ ဇဝ် ဟဲ့ တာင် လွှိုမ် တူတ့် အီ ကွယ် ခဲင် ဂါင်ဟြာဝ်။ မဲ ဘော အိုပ် တူတ့် ဒဲင် ကာဒါယ် နီ ဒွန် ပ့လုဝ့်။