1 ဂေ ဒူအီ ရိုဝ် ဘော ကာဖာ ခဲင် နဝ်း ဂေ တဝ်း၊ “အာဝ် မိုဝ်း ဇဝ်ဖြာ။” ခဲင် နဝ်း ဂေ အာဝ် မိုဝ်း အီ မွှိုမ်၊ ဟဲ့ ဟွတ့် လိုဝ် တူတ့်။ ဂေ ဘော ဘူင် အီ မွှိုမ် ကာအိး ကာဆဝ်။ အူ ဝီ မိူဝ် အာဝ် မိုဝ်း အီ ဘူင် နာ ဘွတ် နာ မွှိုမ်။

2 ဇဝ်ဖြာ ဘော ကွယ် ခဲင် ဂါင်ဟြာဝ် ယွတ် လူင် ဂေ ဒူအီ၊ ယုဝ် န့ မိုဝ်း ဒူအီ အီ မိုဝ်း အာငျာန်၊ အီ ဆီ ထူမ် ဂြုဝ်း ဇဝ်ဖြာ။

3 ခဲ့ ကွယ် ဒူအီ ဘောကာဂ့လျီတ် ဟဲ့ ကာလိုပ် တူတ့် ဒွန် အီ။ အာဝ် မိုဝ်း အီ ဘူင် နာ ဘွတ် နာ မွှိုမ် ခေါ အူ ဝီ။

4 ဂေ ဒူအီ မိူက် ဒူအီ ဟာယ် တီ၊ ဂေ မိူဝ် တူ မိုဝ်း အာကျာမ် အာငျာန်။ ဂေ ဘော ငဝ်း ဝဲန် ဒူအီ အီ ညှိုမ် အုဝ်၊ တဲး န့ ပီ ဂေ ဟူမ် ခါမုန်။ ဇဝ်ဖြာ မိူဝ်၊ ဂေ တူ နပ် ဒီ ဆာခိုဝ်။

5 ဂေ ကွယ် ဒူင် ကွယ် ဂေ ဘော ယုဝ် ဒီယုး ဒီယေန့်။ ဂေ တူ ဒွိုမ် ယုဝ် ခဲ့ တီ။ ခုဝ်၊ ဇဝ်ဖြာ ဒီ ဘော ဒိုဝ်း ဂေ၊ တဲး ဂေ ယမ် စာဝ်၊ ကွဲ့ တဲး ကာအာင် ဂေ ကွယ် ခဲင် ဘာရေဝ်။ ဂေ ဘော စှိုမ် ဆာရေ၊ တဲး ဂေ ဆာယ် အီ ကူပ် ဟဲ့ ဝဲန် ဇဝ်ဖြာ ဒီ ဂေ။

6 အုဝ် မှာန့်၊ တဲး န့ မိုဝ်း အီ စွယ် အီ ချွတ် ဒူအီ အီဆာရေလ၊ တဲး အန် တး ဒီ နွန် ဇီအူန်။ ပဲ့ ဟဲ့ ဖာတ် ရန်ဆူ ဒွန် မျုဝ် ဒီ ဒူအီ အီ ဘိုင် ဇဝ်ဖြာ၊ ဇဝ်ဖြာ ဒီ ဝီ ဒွါ ဝျီ့ ဒီ ဂေ။ ဒေါ အန် တီ တဲး ဂေ ဒူအီ အာမျုဝ် အာကူပ် ဝီ ခူယ်၊ တဲး ဂေ ဒူအီ အီဆာရေလ ဝီ ဒါခိုယ် ကာဆဝ်။