1 အိုယ် မဲ ဇဝ်ဖြာ၊ အုဝ် မှာန့်၊ တဲး မဲ ကာလာင် လွင် တူ မိုဝ်း အုဝ် မှာပ်။ တဲး မဲ ခြဲ ဂေ အီ တူ နပ် မဲ ဇဝ်ဖြာ။ ဂေ ဟဲ့ ဘ်ု ဒီ ကာဂုဝ်း ဒီ အုဝ်။ အုဝ် မှာန့်၊ တဲး မဲ ဇဝ် ချွတ် အုဝ်၊ တဲး အုဝ် လွတ် တ ဂေ ဒူအီ အီ တူ နပ် နာ မုး နာ မှာန် တီ။

2 မဲ ဇဝ်ဖြာ ဘော မုး ဇဝ်ဖြာ ပီ ဘိုင် အုဝ်။ မှဝ် န့ ပါယ် ပီ ဝဲန် မဲ ဇဝ် ဒီ အုဝ်။း မှဝ် န့ ပါယ် ပီ လုဝ် အုဝ် ခမ် ဒုက် တာင် နီ ဒီ ဂေ ရန်ဆူ အုဝ် အီ ခါနှာပ် အုဝ်။း

3 အုဝ် မှာန့်၊ တဲး မဲ ဇဝ် ဒွါ ဘ့လာင် ဘော အီ မှာန် ဒီ အုဝ်။ တဲး န့ ယဲတ့် ဝေန့် အုဝ် ဒီ နွန် ဇီအူန် အီ မုး နွန် ဘွတ် ဒူင် ကွယ် မဲ ဇဝ်။ တဲး အုဝ် ဝီ ဇမ် ဒူင် ကွယ် မဲ ဇဝ်။

4 ဟဲ့ ဟွတ့်၊ အုဝ် ဒီ ဘော ပွိုန် ဒီ လှူ ဒီ ကာစှူင့် လှူ မဲ ဇဝ်။ နဝ်း အုဝ် ဒီ ဘော ဒါခိုယ် ကာဆဝ် ကူပ် မဲ ဇဝ်ဖြာ။ အုဝ် ဒီ ဘော ဘး ဒိင်၊ တဝ်း မှုဝ်၊ အိူပ် မဲ ဇဝ်ဖြာ အီ မုး ဇဝ်ဖြာ ပီ ကြိုပ် အုဝ်။

5 မှဝ် န့ ပါယ် ပီ ဆော က့လိုဝ် ကာဟွာ့ ကာဆဝ် နဝ်း အုဝ်။း အုဝ် ဒီ ဘိုင် ဇဝ်ဖြာ။ ပန် တီ အုဝ် ဒီ ဝီ ကာလာင် ဂုင် ဂေဇူ ဒီ အန် ဇဝ်။ ဇဝ်ဖြာ မုး အီ ချွတ် အုဝ်။ အန် ဘော မုး အန် ဇဝ် ပီ ကြိုပ် အုဝ်။