1 နဝ်း အုဝ် ဘော ဟဲ့ ဒီကေန် ကာဆဝ် မဲ ဇဝ်ဖြာ။ န့ ပီ မာဇ အီ ဆီ ဒျီင် ကာဆဝ် အိုမ် ဂျီတ် ခဲင် ဘ့လဲင် အိုမ်။

2 နဝ်း အုဝ် ကာပြာ ဒီ ကွယ် ချြီ့ မဲ ဇဝ်ဖြာ အီ ကွယ် ဆေဆေ။ အုဝ် နှဝ့် မဲ ဇဝ်။ ဒေါ မှဝ် မဲ ဒီ တဲး အုဝ် ကွယ် ရိုမ် ဒူပ် မဲ၊ ယိုဝ် နာ မဲ။း

3 ဂေ ရန်ဆူ အုဝ် ဂေ တဝ်း ဒီ အုဝ် ဒွန် ဆီငဲ၊ “မှဝ် ဇဝ်ဖြာ မဲ။း တဲး ယေ ယိုဝ် အန်။” အာ တီ တဲး နဝ်း အုဝ် က့လိုဝ် ကာဆဝ်။ အုဝ် ဘော ယာမ် ဒွင် ဝန် ဒွင် ခိူန်၊ တဲး အိုမ် ငါယ် အုဝ် ဘဲန် ပီ ဒီ ဟူမ် အုဝ်။

4 ဆေ အုဝ် ဘော လှုဝ်း အီ ဟဲ့ ဒွိုမ် ဘဲန် အာတ့် နီ၊ နဝ်း အုဝ် ဘော ကာပျာတ့် လိုဝ်။ အုဝ် ဟဲ့ ဒွိုမ် ဟာဝ် ရိုမ် ဒူပ် ဂေ အီ ဟဝ်၊ ယဲတ့် ယေ ဟုဝ့် ဒီ ဟုဝ် မဲ ဇဝ်။ အုဝ် ဟဲ့ ဟာဝ် ဒူပ် ဂေ၊ ဒေါ ဟာဝ် ဂေ ဒီ ဟုဝ် ဇဝ်ဖြာ၊ ဒေါ ဒါခိုယ် ဂေ၊ တဝ်း မှုဝ် ဘော ဒါင် ဂုင် ဂေဇူ ဒီ ဇဝ်ဖြာ။

5 မှဝ် န့ ပါယ်၊ ပီ ဆော က့လိုဝ် ကာဟွာ့ ကာဆဝ် နဝ်း အုဝ်။း အုဝ် ဒီ ဘိုင် ဇဝ်ဖြာ။ ပန် တီ အုဝ် ဒီ ဝီ ကာလာင် ဂုင် ဂေဇူ ဒီ အန် ဇဝ်။ ဇဝ်ဖြာ မုး အီ ချွတ် အုဝ်။ အန် ဘော မုး အန် ဇဝ် ပီ ကြိုပ် အုဝ်။

6 အုဝ် ကွယ် ဒဲင် နွန် မီဇာ အီ ကွယ် ကာတတ် ဒီ နွန် ဟေရာမူန် အီ ကွယ် နာ တ ဘ့လဲင် ယောဒါန်။ နဝ်း အုဝ် ဟဲ့ က့လိုဝ် ကာဆဝ်၊ တဲး အုဝ် ဝီ လှုဝ်း၊ ဝီ ဒီကေန် ဇဝ်ဖြာ။

7 အုဝ် ဟဲ့ ကာဒုး ဒုက် ပီ မာ အိုမ် ဟဲ့ ဆီလွယ် ပ့လိုက် အုဝ် ဘဲန် ဇေန့် ဘဲန် ဇေန့်၊ တူ တဲး အုဝ် လေး။

8 ဒေါ ကာတဲ ဆီငဲ၊ တဲး ဇဝ်ဖြာ တဲး အီ နပ် လွင် နဝ်း ရွက့် ကာဝေ အန်။ တဲး အုဝ် ပွိုန် ဒီ တဝ်း မှုဝ် ခဲင် မှိုဝ်၊ တဲး အုဝ် ပွိုန် ဒီ ဆာခိုဝ် ဒီ မဲ ဇဝ်ဖြာ အီ ဟဲ့ ဒွါ အာဆာက် ဒီ အုဝ်။

9 အုဝ် ဘော တဝ်း ဒီ ဇဝ်ဖြာ၊ အီ ဟဲ့ ရဲ ဟဲ့ ဂွင့် အုဝ်၊ “မှဝ် န့ ပါယ် ပီ ပိဝ် မဲ ဒီ အုဝ်။း မှဝ် န့ ပါယ် ပီ လုဝ် အုဝ် ခမ် ဒုက် တာင် နီ ဒီ ဂေ ရန်ဆူ အုဝ် အီ ခါနှာပ် အုဝ်။း”

10 အုဝ် ဟဲ့ ခမ် ကာဆဝ်၊ တဲး န့ ဘော ဆဝ် ဒီ နဝ်း အုဝ် ကူပ် ကာလာင် ဂေ ဆေဆေ တဝ်း၊ “မှဝ် ဇဝ်ဖြာ ပီ ကြိုပ် မဲ။း တဲး ယေ ယိုဝ် အန်။”

11 မှဝ် န့ ပါယ် ပီ ဆော က့လိုဝ် ကာဟွာ့ ကာဆဝ် နဝ်း အုဝ်။း အုဝ် ဒီ ဘိုင် ဇဝ်ဖြာ။ ပန် တီ အုဝ် ဒီ ဝီ ကာလာင် ဂုင် ဂေဇူ ဒီ အန် ဇဝ်။ ဇဝ်ဖြာ မုး အီ ချွတ် အုဝ်။ အန် ဘော မုး ဇဝ်ဖြာ ပီ ကြိုပ် အုဝ်။