1 အိုယ် မဲ ဇဝ်ဖြာ၊ အုဝ် ဒီ ဟပ် ဘော နဝ်း ဘော ဖွိုမ် အုဝ်၊ အိူပ် မဲ ဇဝ်။ လွင် အီ မွှိုမ် အာမ် ကာဆဝ် ပဲ့ ဟဲ့ ဘူင် မဲ ဇဝ် ဒွန် မျုဝ်၊ အုဝ် ဒီ ကာလာင် တူတ့် ဒွန် မျုဝ် ဒီ အီ။

2 အုဝ် ဘော ဘျုဝ် ဒါခိုယ် ကူပ် မဲ ဇဝ်။ အုဝ် ဒီ တဝ်း မှုဝ် အီ အိူပ် မဲ ဇဝ် အီ အိုပ် တူတ့် ဒွန် မျုဝ်။

3 ဂေ ရန်ဆူ အုဝ်၊ ဒေါ ယိုဝ် ဂေ ပွုန် မဲ ဇဝ်၊ ဂေ ဒီ ဝီ တဝ် အုဝ်၊ ဝီ ကေး ဝီ စှိုမ် တူတ့်။

4 ခုဝ်၊ မဲ ဇဝ်ဖြာ ဟဲ့ စွယ် အုဝ် ဘော နပ် ဒီ ကာယဝ်း အီ မှာန် အီ တူ မှာန်။ မဲ ဇဝ် ဟဲ့ တုတ့် ဒဲင် မာလာင် မဲ၊ ဆုင်ဖျာတ် နာ ဆိူဝ် နာ မှာန်။

5 မဲ ဇဝ်ဖြာ ဘော မာနုဝ် ဂေ ဒူအီ အာမျုဝ် ဟဝ်၊ ဝဲန် ဂေ ဒူအီ မိူက်။ မဲ ဇဝ် ဒီ ဘော ဝဲန် ဂေ၊ ကွဲ့ တဲး န့ ဆီ မိုဝ်း အီ လှုဝ်း ဂေ ဒွန် စုဝ် ဒွန် ဘာန်။

6 ခဲ့ ကွယ် ဂေ ရန်ဆူ အုဝ်၊ ဂေ ဟဲ့ စှိုမ် တူတ့်။ မဲ ဇဝ်ဖြာ ဘော ဟဲ့ ပျာတ့် ဝဲန် မိူင် ဂေ၊ ကွဲ့ တဲး န့ မိုဝ်း အီ ဆီ နုဝ်၊ ဆီ နပ် ဂေ ဒေါ မှဝ်။

7 ဇဝ်ဖြာ ယီ ကွယ် ဆေဆေ ဘဲန် ဇာတ် ဘဲန် ဇာတ်။ အန် ဇဝ် ဒီ အိုပ် ဘော ဆုင်ဖျာတ် အာမူ ဒူအီ ဆေဆေ။

8 ဇဝ်ဖြာ ဒီ ဆုင်ဖျာတ် နာ မှာန်။ ခဲ့ ကွယ် ဒူအီ ဒဲင် ကာဒါယ် ဒွန် အီ၊ ဇဝ်ဖြာ ဒီ ဘော ဘူင် တဲး န့ ကာဆိူဝ်၊ တဲး န့ မှာန် ဒီ ဂေ။

9 အာဆေ မိုဝ်း ဒုက် မိုဝ်း ညှာပ်၊ အန် ဟဲ့ ပွိုန် ဘိုင် ဇဝ်ဖြာ။ အာဆေ ဘိုင် ဇဝ်ဖြာ ဒေါ မိုဝ်း အာခြာဝ် တူ မွှိုမ်၊ န့ ပီ အန် ဟဲ့ ကွယ် ဆီချာ ခဲင် ဒူင် ချြီင် အန်။

10 ဂေ အီ နပ် ပွုန် ဇဝ်ဖြာ၊ ဂေ နပ် ဒီ ဘိုင် ဆီချာ အန် ဇဝ်။ ခုဝ်၊ မဲ ဇဝ် မိူဝ် တူ ဝဲန် ဂေ အီ ဟြေတ့် မဲ။

11 တဲး အေ အိူပ် ဇဝ်ဖြာ အီ ကွယ် ဒီ နွန် ဇီအူန်။ တဲး အေ ကာလာင် လွင် ပဲ့ ဟဲ့ ဘူင် ဇဝ်ဖြာ ဒီ ဒူအီ ဒွန် မျုဝ် ဒဲင် ကာဒါယ် နီ။

12 ခုဝ်၊ ဇဝ်ဖြာ တူ ပိဝ် ပီ မှာန့် ဂေ ဒူအီ အီ ဟဲ့ ဇမ် ဒုက်။ အန် ဇဝ် ဒီ ဘော ဝီ ဘူင် ဝျီ့ ဒီ ဂေ ဒွန် အီ၊ အီ ဟဲ့ ဒွိုမ် ငဝ်း အာဆာက် အီ ဟဝ်။

13 အိုယ် မဲ ဇဝ်ဖြာ၊ အုဝ် မှာန့်၊ မဲ ဇဝ် ကာဝေ အုဝ်။ တဲး မဲ ဇဝ် ယွတ် ပီ ဘူင် ဂေ အီ ဇွင့် အုဝ်၊ ဂေ အီ ခါနှာပ် အုဝ်။ တဲး မဲ ဇဝ် ချွတ် အုဝ်၊ ကွဲ့ တဲး အုဝ် ယမ်။

14 တဲး အုဝ် ပွိုန် ဒီ ကာလာင် ပီ ပါယ် ဂုင် ဂေဇူ မဲ ဇဝ်ဖြာ၊ တဲး ဂေ အီ ကွယ် ခဲင် မိူင် ယေရူဆာလဲမ် ထူမ်။ အုဝ် ဒီ ခူယ် ကူပ် ဟဲ့ ချွတ် မဲ ဇဝ် ဒီ အုဝ်။

15 န့ ယီ မုး ဂေ ဒူအီ ဟဝ်၊ ဂေ ဟဲ့ ဝီ စုဝ်း ခဲင် ကာဒဝ် ပီ ဂိုဝ်း အုန် ဂေ။ ပ့လဝ် ဂေ ဟဲ့ ဝီ လိုပ် ခဲင် ယွတ့် ပီ ဒိန့် အုန် ဂေ။

16 ဒွန် အီ ဟဲ့ နပ်၊ ပန် ဒီ ဆုင်ဖျာတ် ဇဝ်ဖြာ ဒါရာ၊ အန် ဒီ ဆုင်ဖျာတ် နာ မှာန်။ ဂေ ဒူအီ မိူက်၊ ဂေ ယီ ဒီ ခမ် မှာပ် ပီ ဘူင် ဂေ။

17 ဂေ အီ တူ မွှိုမ် အီ တူ လှုဝ်း ဇဝ်ဖြာ၊ ဂေ ဒီ လုဝ် ဝီ ဝိဝ် ခဲင် မိူင် မာရာန။

18 ဂေ အီ အေတ့်၊ အီ တူ မိုဝ်း မာဆေ၊ ဇဝ်ဖြာ ဒီ ဘော လှုဝ်း ဆေဆေ။ ဂေ အီ ခမ် ဒုက် ဘဲန် မျုဝ် ဘဲန် မျုဝ်၊ ဆေ ဂေ နှဝ့် န့ဒဝ့် ဇဝ်ဖြာ၊ ဂေ မိူဝ် တူ ကာလုတ့် နဝ်း ဒေါ မှဝ်။

19 အိုယ် မဲ ဇဝ်ဖြာ၊ မှာန့်၊ တဲး မဲ ဘူင် ပီ လုဝ် မဲ။ ပီ ခြာမ် ဂေ ဒူအီ အာမျုဝ် ဟဝ်၊ ကွဲ့ တဲး န့ အွင်။ တဲး မဲ ဇဝ် ဆုင်ဖျာတ် အာမူ ဂေ ဘောကာဂ့လျီတ်။

20 ဂေ ဒူအီ အီ ကွယ် ဒဲင် ကာဒါယ်၊ တဲး ဂေ ဘောကာဂ့လျီတ် ယုဝ် မဲ ဇဝ်၊ တဲး ဂေ နပ် ဂေ မုး ဒူအီ အီ လုဝ် ယမ်၊ တူ ပွိုန် ကွယ် ဆေဆေ။