1 အိုယ် မဲ ဇဝ်ဖြာ၊ မဲ မုး ဇဝ်ဖြာ အီ အိုပ် ယေ။ ပွုန် မဲ ဟဲ့ တာင် ကာဆဝ် ဒဲင် ကာဒါယ် ဒွန် နာ ဒွန် ပ့လုဝ့်။ အာဖုင် ဒင်ခုဝ် မဲ ဇဝ် ဘော လိုဝ်း ဇမ် ခဲင် ဂါင်ဟြာဝ်။

2 မဲ ဇဝ် ဟဲ့ ဘူင် တဲး ဂွန် ဒီတဲတ် ဘော ဂွန် အီ ဆီ ပူ ပွိုန် ဒီ အိူပ် မဲ၊ တဲး န့ တဲး ရန်ဆူ မဲ စှိုမ်။ ဘော ဂေ အီ ဆီ ကာဂုဝ်း ဒီ မဲ ဇဝ်၊ တဲး ဂေ ယေန် ဆီချာ။

3 ဆေ အုဝ် ဘော ယွတ် ဂါင်ဟြာဝ် ဘဲန် ခြွင့် ဘဲန် ခြွင့်၊ န့ ဘော မုး ပဲ့ ဟဲ့ ဘူင် မဲ ဇဝ် တာ ဒဲ မဲ။ ဆေ အုဝ် ဘော ယွတ် မာဂျီန် ဂေ ဆီမန့် ဒွန် မျုဝ် အီ တာင်၊ အီ ကိူန် ကာဆဝ်၊ န့ မုး တူတ့် ပီ ဖာန် ဘ့လေး မဲ ဇဝ်။

4 အုဝ် ယွတ် ဇိုဝ် တီ ဒွန် မျုဝ်၊ အုဝ် ဘော ဇေန့်ဇာ လွင် ဒူအီ အီ တူ မိုဝ်း ဒီခုဝ်။ မဲ ဇဝ် ယီ ယွတ် မဲန် ဒူအီ။ မဲ မိူဝ် တူ ပိဝ် ဂွန် ဒူအီ။

5 မဲ ဇဝ်ဖြာ ဟဲ့ တဲး ဒူအီ ယူမ် အာမူ အာမာတ် မဲ ဇဝ်^a အီ စဲက်၊ တဲး ဂေ မိုဝ်း အာဖုင် ဒင်ခုဝ် ဘော ဆာရေ။

6 မဲ ဇဝ်ဖြာ ဟဲ့ တဲး ဂေ မိုဝ်း ပွုန်၊ တဲး ဂေ အိုပ် တူတ့် ဒွန် မျုဝ် ပဲ့ ဟဲ့ ဖာန် ဘ့လေး မဲ၊ တဲး န့ ကွယ် တူတ့် ခြိုမ် ဂေ။

7 န့ ဘော မုး မာဘူ၊ မာမက် ဘော ဒုဝ် ဆတ်ဒါဝါ ဒွန် မျုဝ် အီ ကွယ် ဒဲင် ကာဒါယ် နီ၊

8 ဘော မာဆိမ် ခဲင် ဂါင်ဟြာဝ် ဂေ မာဂါ အီ ကွယ် ခဲင် အိုမ် ဘော ဒုဝ် ဘဲန် မျုဝ် ဘဲန် မျုဝ် အီ ကွယ် ခဲင် အိုမ် နမ်မုက်ဆာရာ၊ မဲ ဇဝ် ဟဲ့ တဲး ဂေ ဒူအီ အိုပ် တူတ့်။

9 အိုယ် မဲ ဇဝ်ဖြာ၊ မဲ မုး ဇဝ်ဖြာ အီ အိုပ် ယေ။ ပွုန် မဲ ဟဲ့ တာင် ကာဆဝ် ဒဲင် ကာဒါယ် ဒွန် နာ ဒွန် ပ့လုဝ့်။